我番黎啦

當找到你

沒有你﹐贏了世界又如何

無見一排以為我又玩厭左唱野﹐唔係啦﹐我鐘意D野好少厭既﹐送番幾首穩穩陣陣既首本比大家研究下先﹐唔扮學友啦﹐費事比人話啦﹐順便宣傳埋16﹐17係AC鬼既演唱會。呢個台我不樓都係用黎吹噓自己架啦。哈哈哈。

媽必的老師

蛋左好耐先第一次出碟渣﹐希望陸續有來啦﹐老師﹐阿姐你懶惰。

食野一族

呢個就係否霞個餐牌啦﹐淨係食牛肉河都有禁鬼多部分可以揀﹐真係專業﹐暫時黎講都重未有好多人識去﹐好在﹐唔使下下撞口撞面D熟人﹐反而去個度既越男朋友就有好多。
以前都係食開大圍間檔仔﹐真係好仔﹐因為好細﹐無強食﹐得外賣﹐自己本身好鬼怕蛇﹐但係唔知點解禁鐘意食蛇羹﹐你問阿CREAM就知我有幾唔鐘意蛇喇。不過我係唔會去蛇鋪食架﹐深水埗個D﹐出面有好多蛇籠個隻﹐嘩﹐嚇鬼死我。

牛腩正呀﹐最鐘意腩米﹐不過個人喜歡好稔既﹐唔鐘意爽口。貫切番切粒切絲免治易咬既習慣。
最怕D鋪頭囉切片牛肉當免治牛肉粥賣架啦﹐混笨咩。有一次老豆帶我過海去灣仔學童牙科保健中心﹐之前去左食免治牛肉粥﹐個姐姐擠支吸口水管幫我整牙既時候﹐僚到我喉嚨﹐搞到我反胃﹐嘔到姐姐一身都係。個姐姐真係慘。
煎魚餅好食﹐好味﹐賣相佳。

媽必的故事

媽必原本係係某藥廠度做既兩位人士﹐某一日廣播處長豬培慶見到兩個年青有為﹐叫拒地兩個去電台試音﹐一拍即合﹐一齊做節目﹐一齊創作。拒地後來重有自己既WORK SHOP﹐全白色﹐我個邊就加D深色木裝飾﹐有大抬﹐有狗玩﹐有房訓﹐有遊戲機﹐有大量科技產品﹐有秘書﹐阿CREAM請左郭少雲﹐我就揀左石榴(苑仔)。有一次我地既節目比人投訴話講D野好深﹐又試過比人話好膚淺﹐有時就係禁架啦﹐講得淺白D又話膚淺﹐重話我地D野好港式添﹐一係就好台式﹐可能睇得多憲哥既關係。

之後我地又嘗試過拍電影﹐因為BUDGET既問題﹐拍城市都唔可以拍中環或者NEW YORK﹐只可以拍深圳既福田區扮CITY。拍完想用平衡剪接同交叉剪接去交待故事既發展﹐點知我地又半筒水﹐終於用左信封剪接。拍出黎之後﹐NEW YORK TIMES對我地既評語係CUBISTIC ENTERTAINMENT﹐即係話我地既作品可以話有D娛樂性﹐但係如果我地想扮野話係藝術片呢﹐就唔使旨意﹐明讚暗踩。

兩丁友唯有番電台做野﹐有一日﹐高層豬琤叫媽必入拒房﹐原來豬琤買左D好靚既大閘蟹同紅酒請我地食﹐人出雞﹐我地出豉油係禁飲飲食食﹐飲到醉晒﹐夜晚要主持既光明頂都做唔到﹐失場﹐比人抄鬼埋。

椅。。。夢喎

沉晚發夢﹐有華﹐餅﹐CREAM﹐一齊去一間類似源源牛奶公司既鋪頭係到食任食甜品﹐有好多白色甜品比我食﹐我地有講有笑﹐最後每人十皮﹐找番兩個半﹐即係七個半﹐抵玩。

節目調動

黎啦黎啦﹐終於又到感恩節啦﹐幾快又一年﹐一年得個四十幾個禮拜﹐各位朋友﹐FANS都係見得我十零次﹐我又唔係D旺區出現﹐見到我既機會真係好低。不過唔緊要啦﹐大家有心既我知道﹐衰然好多人無見過﹐但係咪又係知我做緊D乜﹐D聯系無少到架﹐一樣比我笑死或者恥笑。一樣有溝通﹐交流﹐感情重好好架。

講下今個禮拜既節目調動先啦﹐學校係放星期四﹐五架嗎﹐所以呢﹐我地兩日既強就會調去星期二同三啦﹐所以呢即係聽日我係上禮拜四既強啦﹐夜晚要去郊外﹐禮拜三呢﹐無假放啦﹐要上禮拜五喇﹐FANS請留意。

禮拜四呢﹐感恩正日﹐得KMART開既唧﹐應該係屋企會相當悶﹐好彩今年終於可以話比人知我有節目啦﹐WHERE YOU GOING IN THANKSGIVING JOE﹖I GO TO SEE VEGGIE E LAM IN CONCERT﹐ 今次唔係AC呀﹐係CONNECTICUT﹐好遠下﹐搭車上去喇﹐唔渣啦我。狗阿嫂又黎探我﹐難怪現任阿嫂會有所華兒﹐拒話狗阿嫂係咪對我餘情未了去又來﹐回頭又錯偏不改﹐無耐又無耐﹐離別但未放開。唔係啦一定﹐放心啦阿嫂﹐無野架啦﹐純娛樂﹐無其他。

開心過後就緊係要做番D野啦﹐禮拜五開工架啦﹐全日﹐禮拜六都要架啦﹐禮拜五夜晚同CREAM﹐妹﹐浩康食飯喎﹐下話﹗ 可以講下D大膽話題啦﹐不如。

食之家

雞蛋兒子哥﹐姐﹐呢底正呀﹐裡面重有軟心架﹐唔係呃錢之作。 圖中就係我最麻麻既抄麵啦﹐太哽啦﹐杉口。
四寶河﹐麵﹐魚餃﹐魚扎﹐彈牙﹐好味。
新鮮既方飽其實我好鐘意﹐又其係D乜乜牛奶公司既茶餐廳﹐衰然D飽好厚﹐重落左成層鮮牛油添﹐D健康人實話鬼我﹐但係真係好好食﹐你睇下呢件蛋牛治先講啦。
師父在包雲吞﹐隻蝦大到呢﹐包雲吞令我稔起驃叔禁左世界暫停個REMOTE經過見到拒老細﹐拒用紙巾包左隻有料雲吞比葉榮祖食。 Wii﹐CREAM﹐餅﹐大﹐細﹐拿﹐莞著衫啦﹐同你去食呀﹐著夠衫呀﹐得4度渣。

新鐵金剛之葡京賭場

係未有PIXAR之前既年代﹐鐵金剛其實係一套合家歡既電影﹐因為我識唔少人(其實得我同餅妹﹐為左我篇文既權威性作勁D)﹐拒地既父母都會帶拒地D仔女去睇鐵金剛﹐其實係D父母想睇遮﹐我就緊係睇唔少啦﹐到我大個又帶番阿媽去睇﹐真係好鬼親子﹐父母同仔女建立關係既橋樑。

就係因為羅渣摩亞﹐唔係辛康臘味﹐因為拒個D太早期喇﹐我未出世。因為鐵金剛我學識點同D邦女狼轉﹐因為D邦女狼真係相當狼。我記得太細個個時﹐一做到轉既場面﹐阿媽重菴住我對眼添﹐後尾先解封﹐先有野學。而家睇番就緊係小兒科啦。

以前既鐵金剛係無禁多打既﹐唔係下下埋身肉博﹐賤格雲頓咩﹐係食腦既﹐即係職業特工隊啦﹐不過拒隸屬軍情六處遮﹐即係英女皇﹐MR BEAN﹐碧鹹﹐奧雲個度啦。個時既鐵金剛都係用下D美男計呀﹐呃呃騙騙﹐扮鬼扮馬禁黎出TRIP既﹐重而完成拒既任務﹐當然拒會用MR Q整比拒D古怪武器啦﹐近年既鐵金剛自從皮亞斯布士南做左之後﹐就唔同晒啦﹐打多好多﹐動作好密下﹐一定唔會悶添﹐我成日都覺得拒似何守信架。不過我又幾鐘意睇拒架喎﹐所以近幾年既邦片都係賺大錢之作﹐證明醇娛樂片始終有拒市場。正如一週個度講拒打異形﹐打隕石D觀眾都照收架喇。

對上一齣又真係打到幾誇既﹐一開場係北韓﹐飾演曾江個仔個條友仔同拒鏈快艇﹐比拒整死﹐捉左何守信番去打﹐何守信偷走左之後﹐可以由北韓游水落香港上岸﹐已經笑死啦。之後玩架隱形ASTON MARTIN﹐隱形OK喎﹐但係坐係裡面個人唔會隱埋架嗎﹐照道理應該凌空坐住D野禁囉。拒又乜都隱晒﹐好野。

之前比拒整瓜個個曾江個仔係韓國仔﹐後尾講拒原來無死到﹐重FACE OFF 埋添﹐變左鬼仔樣﹐真係變左賤格雲頓禁上下添﹐笑到我呢。

重有就係拒既開場音樂啦﹐好正﹐好耐以前個D得立體聲﹐而家個D SURROUND架﹐同MI﹐MB一樣禁經典。

好啦何守信終於無得再做啦﹐最新一齣個個成個蘇聯佬禁﹐新鐵金剛之葡京賭場唔知點呢。

長途嚇車

我既物品﹐其實無咩花考﹐都係大家常見常用既野﹐11/16喇﹐重有一個月渣﹐快喇﹐快喇。前個排天氣好凍﹐近排又熱番好多﹐小心身體﹐前兩日渣長途車﹐好辛苦﹐一次比一次辛苦﹐12-3點我渣﹐時落大雨﹐之後轉左比老豆﹐我係到猛食薯片﹐630AM到埗﹐係REST AREA訓左一陣﹐我四點後都已經大昏迷左架啦﹐七點入城﹐係JIFFY LUBE玩到電腦﹐做好晒手續之後﹐食過早晨全餐就走﹐一個鐘後又睡魔黎料﹐訓一陣﹐直踩番黎﹐長途嚇車﹐唔好搞我住啦。

無得選擇

我係無線契仔﹐當然成日講不離口﹐食飯都要同人推銷衛星電視。

係無線做捕快阿頭即係捕頭只有兩個選擇﹐一係元華﹐一係劉家輝。

做賓妹只得一個選擇﹐就係假肥媽﹐以前有江欣燕既。

做阿嬸又係得兩個選擇﹐魚毛﹐朱咪咪。

做鬼佬又得一個﹐河國榮。

做大隻佬有多D既﹐有ROCKY﹐有個不知名有鬍鬚既。

做印度佬有喬寶寶。

差D唔記得同大家講﹐我係學校多左個新角色﹐同班同學黎既﹐OCEAN 11個個識縮骨功個為人兄﹐嘩﹐真係好似﹐十成呀。

熱情如我

嘩﹐你睇我又拉住葉童喇﹐熱情到呢。笑到幾鬼開心﹐又醉左啦。

沉晚阿蛇囉“家法視后”都OK﹐鄭老頴就麻麻啦﹐不過同屆都唔知邊個夠料囉﹐好難揀﹐馬德窿就唔好搞我啦﹐韓豪都OK﹐林強啦﹐正呀。我都係揀拒。

新角色

最近我地大家庭多左幾個新成員﹐其實有兩個都唔係新架啦﹐係度好耐﹐不過無名遮﹐一個人有名好緊要﹐無名無姓重慘過無錢架﹐歡迎三位加入﹐ANNA同表姐唔該唱我們歡迎你。拒地分別係華盛頓既泳兒﹐瘋收既蘇絲黃同埋係香港既家駒﹐今晚係慧珊度食飯就係聽到真的愛你啦﹐嘩﹐正到呢。

今晚散餐菜式﹐芥蘭牛肉﹐蠔餅﹐豉汁蒸鱔。

近排又凍又熱﹐番到屋企有浸酒店味﹐緊係啦﹐MOTEL黎家嗎﹐煙味加D地氈味﹐聞到好想訓覺。

今個禮拜最慶係大王係到玩我CREAM叔﹐叫拒個女打電話比拒喎﹐痴線﹐唔好囉呢D野玩囉。

港版鹿鳴春

基本上兩幅相無關既﹐樓上個幅係係尖嘴既鹿鳴春﹐我細細個就去食架啦﹐D野唔錯﹐後尾中一有個姓蕭既老友係個度附近住﹐拒阿媽帶埋我去飲茶添﹐成日都識埋D姓蕭既人。但係呢間野唔係食蟹粉小籠出名既﹐係食雞包翅起朵既﹐高檔好多。

樓下張相呢﹐就係寶寶寶寶飯﹐四寶飯﹐唔係燒味四寶係鹵水四寶﹐豬手﹐牛腩﹐金錢肚﹐牛筋﹐以前麻麻地﹐而家幾鐘意食呢D野。

回到希萊

昔日當藝員，如今洗盡鉛華的阿萊凡事親力親為，由傳菜、執碼、入貨、樓面都一腳踢。盧希萊，多年前今日睇真D的節目主持。阿萊小時在廣州住大屋，1 3歲全家移民美國，在彼邦大學畢業，明明生活無憂，26歲卻隻身返香港工作，糊糊塗入了亞視當藝員，當今日睇真D的主持，算是風光過。六年前，合約滿後，公司卻沒有跟她續約，成了人生的轉捩點。

一些感覺

回到未來

認唔認得呢架野呀﹐唔係AE86喎﹐又好熟但係唔記得係邊見過呀﹗回到未來丫嗎﹐上個禮拜岩岩係電視見到米高霍士﹐拒得個四十幾歲人﹐唔知咩事搞到柏金遜症﹐個身係禁震﹐我見到都覺得拒好慘﹐又係拍唔番架啦﹐呢D戲﹐真係好慘架﹐超人係咁﹐拒又係咁﹐重有星戰個皇子都係咁﹐一蕉了﹐得福伯福大命大﹐頂得順﹐重話拍INDIANA JONES四添。

今日我有幸識得人有呢架野﹐真係可遇不可求﹐有錢既人就大把﹐有錢又識使呢﹐又少D﹐有錢又孤寒既又好多﹐有錢識洗又捨得使又唔孤寒就最少啦。好似有呢架車既個位人兄就係啦﹐任我坐﹐又摸又盛﹐又影相﹐重問我識唔識渣棍波車添﹐如果識渣就可以渣轉添﹐嘩﹐真係好人又捨得﹐不過後尾拒混唔到條匙﹐我又趕住走先無渣。係到真係要多謝拒﹐事關有錢都未必會買呢架野架嗎﹐咁岩。拒話架野原本係個農場到擺既﹐後尾拒買番黎﹐所有零件重有得賣架﹐而且機件正常﹐好快下添﹐不過無冷氣同埋個窗好細。拒話第一個禮拜會好鐘意﹐之後就會好憎喎。呢架野成架不綉綱做架﹐93年出廠。

三集回到未來之中﹐我最鐘意第二集﹐因為係唯一一套有未來既﹐著對未來NIKE﹐凌空滑板﹐飛天車﹐好鬼得意﹐個故事又複什喎﹐講未來條友帶左本馬經番去比個以前既拒﹐搞到歷史改變﹐世界大亂﹐幅相唔見左自己既橋段﹐媽必就係係呢到抄番黎。第一集到好好﹐講米高番左去以前﹐搞到拒阿媽差D鐘意左拒﹐無嫁比拒老豆﹐又搞到歷史改變晒﹐拒又消失係張相到。二集同第三集其實係一齊拍既﹐當年去環球片場就見到好多布景啦﹐好正架。

心有獨鐘

蛋蛋為你先又毒中﹐煙為埃過猜知情多壟
壟得化筒齌先中﹐筒全是間董﹐我是真得真得魚中不同

話題天王

比榮華話我個身好單薄﹐番到學校我又成為話題天王喇﹐唔知點解拒地對我禁有性趣架呢。

JOE你幾磅呀﹖120囉
泰仔﹕嘩﹐我同你差唔多高﹐但係我175喎
肥仔﹕嘩﹐我係你三倍呀﹐嘩360磅﹐勁

泰仔﹕我一日食個兩餐﹐就禁啦﹐阿JOE食成4-5餐﹐都禁鬼瘦既。
賓仔﹕嘩﹐半個鐘頭前見你食緊飯﹐而家重食緊呀﹖
係呀﹐我食野慢丫嗎。

賓仔再問﹕依﹐你係唔係NIKE COLLECTOR黎架
我﹕唔係﹐我鐘意買同著遮
賓仔﹕禁你有無DUNK LOW PRO SB呀
我﹕無呀
賓仔﹕禁你有咩呀﹖
我﹕洛文呀﹐AIR MAX呀﹐TERMINATOR LOW呀﹐HURACHE LIGHT呀禁啦
賓仔﹕係邊度買架﹐有無幫親NIKE ID
我﹕無呀﹐禁貴﹐我多數係OUTLET抵價買架

偶像媽咪

通天奇兵唔識禁偶像媽咪又識唔識呢﹐後滕狗尾子﹐中山美穗﹐下晝六點做到六點半﹐我鐘意到癲﹐個時木村都唔知係邊﹐未出世。

甄妮即係肥肥﹐MELODY即係欣宜﹐其實得兩個人。食切片鮑魚做SNACK﹐食燕窩﹐肥牛火窩做早餐。