灌籃

比老強點左添﹐連亞強都話唔錯﹐自己又想體咪體下囉﹐禁渣都有既﹐果然係台灣王晶D野﹐最鐘意整D少林寺學功夫﹐家陣烏龍院咩﹐重釋小龍呀。連達GOR都只係可以做大茄﹐要用曾志偉夾周董﹐就知時代唔同啦。劇情無聊﹐孤兒仔周董﹐比志偉利用做搖錢樹去打籃球﹐之後遇到勁敵要出達GOR拒地﹐最後出番假金城武又比奸鬼得呈要周董出乾坤大挪移玩時間翻轉頭改變歷史。最後又要玩認親生老豆有錢曾江﹐後來都係唔做有錢仔跟番志偉﹐幾渣﹐真係幾渣下﹐廣東配音都唔好聽混王祖籃配周董﹐唔係紅就惦既﹐頭文字混亞牛咪幾好囉﹐我開頭以為真係周董講添。

櫻花節

櫻花節係1912年日本將櫻花送比美國以示友好後既一個節日(送完花先再打丈)﹐為期兩星期﹐呢幾日岩岩囉番件粉紅TEE囉黎著﹐又見到雜誌既報導﹐令我錦秀故鄉色變﹐烏胡惡湖。令我稔番起餅娘個次帶隊既慘痛被奚落既一次經驗。

餅娘當日帶住拒新買既HANDFREE做領隊成個特工造型﹐好不威風﹐電話一個接一個﹐我當日都係比面拒而出席﹐拒一早BOOK定晒車係強人街落DC﹐我去麵飽鋪同唔知邊個執左好大堆麵飽比班友食(侍奉一種)﹐之後就上車落去喇﹐同行無FRIEND去﹐最親係餅娘同亞花﹐我自己一個坐係差唔多最前既位置﹐D FRIEND個日都唔得閒有事要做﹐我自己就一個人揀左D好味既飽自己係到食。

去到分組同D唔知咩人一齊﹐第二組好似有大衰同亞DEEP係度﹐不過個時唔熟﹐未收大衰為靚。我組D人好似有十鴿﹐不過十鴿掛住追亞花或者淨係同D蕾女傾計﹐都無乜野同拒好講﹐唔多岩傾。另外就有賈思樂嫂﹐又係係度四處張羅男性朋友﹐我當然無理拒﹐拒亦無理我。最後應該係有帶章﹐拒有自己FRIEND啦﹐唔通同我呢個老餅傾咩﹐岩數既﹐無話拒唔岩。

個日幾大風下﹐係室外都唔頂得幾耐﹐我有PROFESSIONAL既靚褸梗係無事﹐我記得帶章件衫都幾薄下﹐不過拒頂得順﹐好野。下晝個餐要局住同班友食﹐不過好彩係自己買自己﹐好多攤當﹐好多人﹐排晒長龍﹐見無乜野好食﹐自己走去買左個燒雞飯盒食﹐串燒雞好鬼大碌﹐賣相唔多好﹐D凍風重好快吹到舊雞凍晒﹐所以唔多好味﹐班友就懶FRIEND禁夾錢食壽司﹐周圍人又多﹐又無臺﹐最後局住係某間商場邊係條街到食﹐臺凳都無張﹐禁大個仔都未試過。

體完花之後去左間MUSEUM排隊入去﹐自己一條友體野﹐之後又係攤當同餅同花買左件TEE留念﹐最尾集合原車番費形。唔知當時華頭係邊同做緊乜野呢﹖

禮拜六蕉

今朝七點起身﹐行去窗邊望下落街﹐望下對面海﹐舒服到呢。

中午係澤記食左個腩河﹐夜晚又買左半斤蝦翻黎煮﹐食下毛油介蘭﹐冬菰蒸肉絲﹐體導火線﹐滿足。最衰係租唔到I AM LEGENG同灌籃遮。

禮拜六的YURK定

禮拜六媽必好應該YURK係奧海城食下飯﹐或者係SOHO間MOMA商店行下既﹐之後再過去UNIQLO﹐無印禁﹐個感覺幾好﹐一時係美國﹐一時係香港就最好。太耐係同一地方又會太悶。

沉晚就體左我們這一家既電影版﹐今日我親華頭唔係屋企就租左CREAM樂既導火線體下﹐唔錯喎﹐第一好過陳木勝D動作片先﹐CREAM樂飾演餓底﹐夾鄒少龍﹐林國賓﹐呂良偉﹐差佬方面就係則士同子彈。我同亞媽不褸都鐘意體子彈﹐因為動作夠快﹐由皇家師姐之直擊證人開始體拒。拒做人拍戲有D似屎提分屎葛STEVEN SEAGAL﹐即係有拒打無人打個隻﹐比拒威晒﹐比拒打晒。ONE MAN SHOW﹐ ONE MAN BANK﹐衰然比D記者﹐市民係禁串拒都依然故我先好笑﹐所以我仍然鐘意體拒﹐禁拒實在係打得丫嗎﹐似住識打囉。

套野無令我失望﹐無ON居野﹐無做埋D多餘野﹐子彈一句問鄒少龍“講野﹐係邊”﹐就渣車去﹐廢話小說最好。打得最真實同最震憾係係大排當個幕﹐打到個犯死為止﹐最尾結局未隻揪之前玩槍都唔錯﹐反而最後打大佬就好似殺破狼對吳京好體D。CREAM樂都係做行行企企角色﹐但係拒有對白個D都算幾好笑﹐比子彈老點左捧拒為動作巨星。

點會丫﹐套野編劇﹐導演﹐演員﹐動作導演﹐茶水﹐剪接﹐燈光都係甄子丹﹐捧自己就會。

係時候喇

後起﹐冠BAPE﹐周董﹐CREAM樂﹐電腦

係時候要整D野比美國朋友體下﹐唔係拒地禮拜六起身好鬼悶﹐喇﹐姨丈﹐呢幅相就真係為左美國既朋友整喇﹐今朝姨丈見到我晨早ONLINE問我係咪為左美國既朋友喎﹐梗係唔係啦﹐起咪起囉﹐關人咩事﹐同埋你對我都好重要架﹐我都可以為你而起既﹐SOR仔。

電影節之古CREAM樂

中間PAT野咪你囉

中午出我最喜愛的MK的電話公司同華頭囉電話﹐係送比拒既﹐送既當然渣架喇﹐比我部機王你咩。無啦啦拒就轉台﹐所以為左答謝拒就送部機﹐個部野係門市都重賣緊架﹐不過華頭就嫌核突囉﹐又膠又盛﹐設計平機係稔過既﹐係會專燈整到核突樣衰﹐唔係D機王點賣遮。囉飛排隊有張飛之前出左無人囉﹐我為免有人打我尖﹐後尾都囉埋個張飛﹐霸左兩個位。

囉完出左去尖嘴體戲﹐之前要食野就去左SOGO個FOOD COURT食﹐我逢FOOD COURT都唔禁叫日本野﹐因為覺得唔荒整得好﹐於是乎我就買左煥越南牛肉窩河食喇﹐點知重衰﹐D強得D咸味無肉味既﹐D炸春卷蔗蝦又非常難食﹐炸野好少禁衰。華頭塊比薩多料但淡而無味﹐都真係渣得幾離普﹐無下次。

跟住壓根兒去太空館體兩套大陸戲﹐請投我一票同我的鄰居說鬼子﹐第一套唔錯﹐第二套有人頂唔順離場﹐完左有分享會﹐點知係第二套個導演分享﹐D友毫不比面離場﹐包埋我同華頭﹐我地第一個行出黎添﹐D友係女廁話如果係第一套個導演都會留低聽既。

體完過左TIFFANY買野比媽媽。之後又番番去文化﹐見到有車到﹐D友尖叫﹐知道亞CREAM黎左﹐我即刻走埋去﹐點知都係影得亞CREAM個背脊。

入場﹐揀靚位﹐坐左無耐﹐林雪﹐曾志偉個仔﹐陳惠敏﹐道理龍﹐陳自強﹐楊生﹐鄒文懷入黎﹐再一陣見到劉YURK英黎﹐知道亞CREAM就出﹐開定機一影﹐亞CREAM行得好快﹐一渣矇影。

部戲OK﹐不過出品人係成龍同楊生華頭已經減左90分﹐唔算太好又唔算太衰﹐即係幾好﹐頭段幾好﹐後段有少少TALL長﹐有D悶﹐艾嘉電影弊病同地久天長一樣禁悶﹐無乜經典場口﹐對白﹐亞CREAM無黑社會2禁好﹐但都幾好﹐最好體係拒同拒老母苗可秀母子情﹐拒同個女同老婆既感情反而麻麻﹐由其做拒大左既女個段最差﹐個個國語女仔交唔到戲﹐有大眼莫少同林雪都係交普通料﹐反而昨晚套神探重好體D﹐由其林家棟有七個內心鬼吹口哨行出黎個段﹐好型﹐其中一個係劉錦玲。

體完出到黎見到有個爆炸頭﹐係場裡面CREAM樂同拒傾左兩句話做咩整個禁既頭﹐個個原來係周俊偉。華頭有靚女飲野局(麻麻遮﹐我唔岩胃口)﹐我自己番大角嘴食安格斯牛柳飯﹐飲凍檸水﹐紅強。

復活節係愛黎體電影既

體到華頭既MOVIE LIST見到好多麻麻既字樣﹐無錯呀﹐發覺近排好多野都真係麻麻﹐唔知係咪盲目左﹐習慣左定D友既水準真係下降左好多﹐無論出街食飯﹐電影﹐演唱會﹐電視﹐呢渣娛樂野都真係幾麻麻﹐出去食飯唔加價﹐但係減餸減飯都已經好唔惦﹐唔夠食係一個好大既問題。味道唔好又係。所以我晚晚都盡量係屋企食﹐由其見到鼎泰窿係新港間分店個條龍﹐我排到去都唔想食﹐根本唔會等。

電視我體完新聞﹐一D資訊性節目例如AV事務所就會體﹐其餘時間又係熄機﹐體雜誌好過。

電影﹐已經好耐好耐無體過一出齌笑既電影喇﹐重有好似無間個D禁深刻場面對白既電影又無。

黎緊﹐希望紅祖兒演唱會好體啦。

定位﹐標簽

如果一個朋友送一D好貴既禮物或者一D你好岩心水既禮物﹐個個一定係你好既朋友。

如果一條友平日WEEKDAY得閒去飲茶既﹐拒一定係無野撈或者係黑社會無野撈。

人生最慘既莫過於局住一連食兩個酸橙。切左出黎無人食﹐自己要啃兩個。

禮拜四晚開心到爆禁放工﹐梗係啦一連四日假期﹐全世界都無禁好﹐之後自己係大X樂食章魚蒸雞飯﹐喝例強﹐食菜﹐之後同反美華頭搭多一個站去九龍站GRAND CINEMA體美國既電影﹐美國清一SICK當案﹐一套講下美國醫療制度既電影﹐去到好早﹐未有人排隊﹐行下行下﹐望下冰場﹐又望下書局﹐之後先見到有個鬼婆係到發爛渣話無SIGN比拒知係邊度排隊體戲﹐因為係無劃位既﹐先到先得。

隔左一陣﹐我地兩個都排隊喇﹐九點三度就比人入﹐華頭飛禁快沖入去﹐我都未見過拒行得禁快﹐一定好心急體下美國點衰法。一入到去我就拿拿聲揀左最後排﹐後面無人位置﹐正正中間既皇帝位﹐九點半準時開場﹐試音片段非常正豆﹐座位都有WOOFER﹐體過香港暫時最靚聲戲院。之後無廣告直隊﹐整左個驕陽電影﹐嚇死我﹐唔通播徐小明﹐好彩唔係。

電影係禁講美國醫療制度唔惦﹐如果無錢就等如唔使醫﹐你醫到訓街都唔惦﹐我相信﹐唔係一飛都唔會番黎香港醫﹐我亦相信醒目既鬼佬真係非常古惑﹐因為我見過﹐遇過。蠢既鬼佬亦都係好蠢﹐ON居到震個隻都有﹐基本上香港所有既古惑橋都係來自美國﹐係班鬼佬稔出黎既﹐我係度都講過超過十萬次﹐例如一年分租層樓﹐手提電話既合YURK﹐保險﹐次按﹐股票﹐所有關於到利益既錢既通通都係。

之後肥佬又去到其他唔同國家﹐體下人地國家有幾禁好﹐加拿大﹐英國﹐法國﹐重係FLORIDA坐船落古巴添﹐手法上當然有誇大既地方﹐但係我作為係香港最熟識美國文化既人黎講﹐呢套電影的而且確導出左好多美國既社會問題﹐值得一看﹐如果你關心美國既屋企人﹐媽必﹐妹﹐老牧﹐等等既人。

快D過埋聽日

昨日下午去左海麗村當野食午飯﹐個鮮菰雞球飯唔係好惦﹐D雞好大舊﹐有雪味﹐連皮﹐唔好食。逢親D雞太大舊有D味我就好驚。

今日晏晝食大家樂煎蛋免治牛郁飯﹐紅強。夜晚番屋企食埋個牛腩飯之後出左旺角朗豪接華頭﹐見到IT CARHARTT又賣番我之前減價個個袋﹐正價。

AF1真係唔係禁好著﹐個底好梗下。

劉美君賣480﹐祖兒都係賣400﹐人地爆晒﹐拒重可以買到第一行握手位﹐遲D實要半價散飛﹐關淑怡都唔好得好多。軒仔就兩野賣晒﹐而家老鬼唔係禁惦架喇﹐後生仔世界。

過去一周

上個禮拜﹐我係唔似生日底下生左日﹐成個禮拜都無打BALL﹐休息﹐禮拜二叫左表GOR竹中直人同拒老婆何椅雲同我地一齊慶祝﹐我地一行人去左奧海型既風月強食飯﹐一人叫左一個菜﹐SHARE食﹐繼續自負營虧﹐飯上講講笑笑﹐飯後去左百佳買左支假酒番屋企飲同切蛋糕﹐番到黎先知原來係一支真酒﹐快必兩杯到肚﹐面如關公。拒今年送上一個黃金戰士給我作為生日禮物﹐多謝。

上星期五失驚無神要我番夜﹐我最歡迎喇﹐之後有假放﹐放工之後自己買飯番黎食﹐之後出左太子搭車過去﹐做通頂﹐做完訓左陣﹐晨早七點半先番到屋企訓﹐下晝去左沙田沙禁同華會合﹐點知教會都柵門﹐原來沙禁三十周年係第二度搞﹐唯有出番屋企啦。夜晚食豉油婆既車仔麵作為晚餐。

星期日全日係屋企清雜誌同錄影﹐夜晚煮海難雞飯食。

星期一兩點幾出左油麻地食九州麵﹐去工聯會﹐百老匯電影中心入會﹐自己行油麻地﹐MK﹐花園街後回家﹐夜晚在家食飯。今個星期只番三日﹐星期五再度放假。

對咪講野

好多人渣住支咪唔識對住黎講﹐手有手拿住﹐講有拒講﹐總知唔對咪﹐咪收唔到D聲﹐等如無用。瘋收介紹新人係禁﹐無線都會﹐全世界都會。

我地呢D用慣咪既人見到會好掹。曾志偉都好憎﹐所以見拒係節目見到D嘉賓唔對咪﹐拒都會串爆拒﹐不過就用串笑既方法。

不過好可惜既一樣野係掌門人又做﹐不過真係好無聊﹐一做﹐我即刻熄電視。

最慘既一樣野係﹐連亞撈都無埋﹐過左亞視同顧老版﹐谷一蕉做奧運﹐一齊唱主題曲。

破事兒

飛鷹唔係套戲﹐係JUNO個角色﹐破事兒終於體左﹐香港慘淡收場﹐台灣提早落畫﹐不無原因﹐呢D戲如果比我亞爸亞媽體﹐一定鬧到飛起兼最多崖到十分鐘﹐之後我亞媽會入房體萍果﹐我老豆會訓覺﹐一定會留番我係到體。

七個小小故事﹐有D長D﹐有D短到得幾分鐘﹐題材離不開涉及性﹐為左年青人鐘意體。第一場找黎林狗﹐輝雄﹐蕊妮﹐當然係講性﹐好笑不足﹐粗俗有餘﹐由其蕊妮無拿拿講野夾D粗口﹐完全對故事無幫助。

第二場冠希出場﹐有冠希果然係唔同﹐拒同融姨兩個係DISCO對話﹐聽得出老融D英文唔係美式英文﹐冠希就係。

第三場奕迅﹐又講性﹐女角係BELLA﹐BELLA二號﹐唔係梁洛B﹐係陳逸寧﹐BOBO格既一位女孩﹐網友推介的一個故事﹐屬不過不失。

第四場我們的關智衰+ANGELA BABY+谷一蕉既旁白﹐講一本便利既無聊星星茗名﹐體完都唔覺體過。

第五JUNO﹐嬌﹐吉澤出場﹐選角貼切﹐嬌做SOR女﹐吉澤做番小器屋村女﹐JUNO扮車房仔最好笑﹐拒認真做一個角色都唔錯﹐當然某程度係因為我同拒個外型有D似﹐不過我都想好似拒禁住淺水灣同有禁多車玩有禁多衫鞋著。

第六場講SOR強叫濟﹐最無聊既裸露﹐最無聊既故事﹐徙時間。

第七場余人樂﹐陳子聰﹐更加無聊﹐更加徙時間。

意見

媽必有時真係要堅持己見﹐衰然禁樣會比人話唔合群﹐唔肯接受別人意見﹐盟室﹐但係如果我地每次一太好人﹐心軟左既時候﹐就好多時都會賴野﹐昨日體番蕭沾去加州食蟹﹐一心軟聽個部長話要整DOUBLE ORDER個時﹐換來既就只係一堆無用既廢蟹﹐錢故然徙左﹐唔好食﹐食唔晒先係最大既問題。

所以除左華頭同板頭呢D聰明人既TASTE同意見可以信得之外﹐其他真係不可能盡信。

生日禮物

ZOOM DUNKESTO﹐多謝晒CREAM及板﹐好鐘意﹐好舒服。

DOUBLE PARK 送比我既CARHARTT煙灰缸﹐好靚PACKING。

今個WEEKEND囉黎用既NOKIA E61手機﹐ 外形大﹐但聲好﹐我好滿意。

XLARGE夏衛衣﹐華頭送﹐亦都非常滿意﹐MADE IN USA﹐夠大件。

去買禮物個時重比我撞到融姨添﹐現場獻唱一曲﹐我的朋友個個也喜愛她﹐快必﹐平﹐丈CREAM。

周日派出所

周日去左石夾尾同快必打BALL比賽﹐之前食間越南野﹐我食左個生牛肉窩河﹐都唔錯﹐識得落青檸。練BALL都練左兩個鐘先開BALL﹐贏左﹐不過我無入過BALL。

之後同快必行番屋企﹐經過大角嘴廟會﹐見到大王﹐我自己買宋之後番屋企煮飯吃。

星期一至五照常番工﹐星期二打過籃球﹐星期四用左華頭贏既贈卷去奧海體左誘心唔怕遲I COULD NEVER BE YOUR WOMAN﹐低成本C 級片﹐七點五十都幾多人體﹐起碼周圍都係人﹐故事設定在LA。米雪菲花主演﹐UNITED AIRLINE飛機戲一套﹐不過不失﹐見到譯字幕條友自把自為加本地文化落字幕度﹐例如沒有吳尊的飛輪海同埋講BEN STILLER譯左星爺﹐驚D港友唔明﹐專燈講白D。

體完九點三十去左麥九買DOUBLE QUARTER POUND CHEESE港譯足三兩﹐唔好食﹐太乾。

禮拜五晚番屋企煮飯食﹐休息﹐係MSN周圍亂SEND MESSAGE話比人知我既心聲﹐吳浩康膚顯左我一句REALLY。

星期六上晝同華頭食椰林閣早餐﹐之後拒番工﹐我兩點自己出左去新港買生日禮物比自己﹐見到區錦強同拒老婆﹐拒帶左頂賊仔帽先係高我少少﹐我都唔算矮。我自後體NIKE SHOP﹐體AIR ZOOM FLIGHT 95﹐96﹐CPU間野D AF1只係賣四舊零水﹐好平﹐不過我著過麻麻好著﹐都係D跑鞋舒服﹐輕D。

行左上去IT OUTLET﹐竟然要排隊入﹐無去啦梗係﹐對面頂泰窿都排架啦﹐未排過咩。終於係個層紐左隻蛋比華頭﹐之後自己行左去加記方向。係厚福街食左個泰式海南雞飯﹐麻麻﹐D雞好UN。係利時兜左個圈﹐得D女人野﹐行過黎既目的﹐其實係想體下STUSSY﹐去到都無減價﹐又體左百利﹐嘩﹐呢邊D地方真係好唔惦﹐十年如一日﹐無變過﹐無進步過﹐我禁盟膝都唔留一生不變頭整JUNO頭啦﹐呢邊真係好唔好行﹐BLACK LIST。行行下體體下BALL鞋亞丈打比我話係德國買左D HAND MADE豬古力比我YURK我聽日係青衣寧﹐我咪話得囉。

體完D渣野﹐都係行番去新港XLARGE﹐買左件粉藍色衛衣﹐好靚﹐頂帽好挺﹐MADE IN USA﹐係我前面條友買左件NIKE SB背心﹐係底衫個隻﹐又細件又盛都二百幾﹐都唔知著係邊好﹐洗兩洗變童裝。買夠三百重有野送﹐一係FINGERCOXX MUG一係CARHARTT煙灰缸﹐我要左煙灰缸﹐好靚﹐好型﹐我會囉黎裝HAPPY NUT殼。隻杯太核突﹐LOCAL野﹐我唔會要。

上星期的周末

美金既咖哩牛飯

姑媽食飯既地方

一條鞭PIE

幾靚吐露港

魚茄豆腐飯

呢條叫PK梯﹐因為好多PK行既﹐其實係因為以前中間無整扶手既﹐所以整到D友成日PK。

重記得十甲常講既一條鞭故事嗎﹐常常囉黎取笑﹐取笑自己間母校。而呢間學校亦係華頭既母校﹐而上個星期華頭既雪魚透視就帶左我去呢間一條鞭大學參觀喇。

係度講下咩係一條鞭啦﹐故事係發生係中大既一條路上面﹐有日有個學生見到一個有鞭既女仔係前面行緊﹐於是就趨前體下咩料啦﹐點知當去到呢個女仔身後既時候﹐另過黎既竟然係另一條鞭﹐即是呢個女仔有兩條鞭係身上喇﹐強強女仔有條鞭係個身喎﹐重要兩條添﹐認真核突。所以呢個係一個恐怖既故事黎架﹐問你怕未。

而上星期我就同華頭番左去同拒周圍行下同囉圖書證喇。番度去已經兩點幾﹐兩條友都未食飯﹐於是華頭就帶我去左其中一個CANTEEN食飯喇﹐事前我已經話要去食架喇﹐因為本人對CANTEEN﹐CAFETERIA既食物非常鐘愛﹐遠自SOGO年代﹐駕駛學院﹐而家做緊既公司都係禁鐘意食拒地既食物﹐但係多數唔得到其他人認同。來到今天﹐呢間野亦都得到我不錯既評語﹐一來食左一個魚香茄子豆腐飯只係十三元五角遮。二來逢CANTEEN都係自助囉水﹐我唔買野飲都可以有好多水比我飲﹐三來係度做D人個個都好親切﹐所以我就係禁鐘意喇。兩個人食飽飽都係三十幾皮﹐抵玩到雲。

食完飯就大把氣力行來行去﹐跳來跳去﹐空氣不錯﹐天氣不錯﹐上到D高點又可以望吐露港﹐船灣﹐周圍影下相都唔知幾過癮。愛吃的華頭又點會錯過一條鞭的美食﹐座落係醫學大樓既小食部﹐馳名一條鞭檸檬PIE﹐我食左一口﹐都真係唔錯﹐另外我飲左杯雜果賓治﹐亦都好美味。可以見到臺臺都會叫黎食﹐真係無人唔知。但係當我想再買D野食下既時候出到去望下個大水牌呢﹐淨係得D三文治﹐公仔麵﹐我即刻垂頭喪氣。

最尾行番落車站既時候﹐重比我見到我十二年前同姑媽食飯既地方添﹐一條鞭大學﹐我幾歲就去架喇﹐因為姑媽個時係中大做﹐係埋個度訓﹐所以我地九唔九都會去探拒架。

傍晚番沙禁﹐夜晚係旺角火車站間美金食咖喱牛腩飯﹐之後番屋企體電視。

港版STEVEN SEAGAL

似到丫﹐媽生兄弟禁﹐一樣鐘意替天行道﹐警察理唔到既野﹐拒就去管。呢D就係叫做ABOVE THE LAW。

老友鬼鬼

唉﹐快必為左生活成日都要做埋D禁既亞視節目﹐重要同我同事田雞第一次合作添﹐你地知唔知個D咩女仔黎架﹐AV女黎架。

你亞

你亞﹐唔好禁夜番呀﹐你亞﹐唔好食禁多炸野呀。肥娥訓左係度﹐後面有牛肉碎﹐七嬸﹐韓馬利﹐大眼雞。

老豆

老豆靜雞雞番左黎我都唔知﹐重要係唱K前面﹐去鞠恭都笑笑口添﹐頂拒唔順。

最美麗的第七天

NIKI最尾患CANCER﹐SAD ENDING喎﹐咩年代呀﹐重玩呢D橋﹐未做完架套野﹐不過最近我無點體D電視﹐玩電腦多﹐直頭熄左部電視﹐費是噪住我。

酒店風雲﹐光頭婆個電話竟然用套劇既主題曲做聆聲﹐你唔嚇死呀。

係禁先﹐要訓覺。

古CREAM樂的貨倉

你地體下亞CREAM著住件間間幾鬼馬。

美國的肥婆生活

你地識唔識架﹐我驚呢個題材深得濟呀﹐你知你地無知架啦﹐淨係識驚比人LAY OFF同點抄股﹐體下其他野啦﹐求求你地。

你地知唔知美國D女人點生活架﹐一早預備D早餐比仔女bagel oreo﹐叫醒拒地番學﹐天都未光一朕霧氣就走出去送晒D仔女上黃巴士﹐之後就會番入屋﹐體電視﹐體REGIS + KELLY 或者體NBC10 TODAY﹐晏少少就會體個個全個女人做既ABC台清談節目。之後就會親屋企無人﹐D細路番晒學就出去行MALL﹐去GROCERY買奶﹐記住係GROCERY唔係SUPERMARKET。亦都唔係GREGORY。D女人通常食少少野就算﹐不過男人都係﹐求其雪櫃有咩就食咩﹐會用個鑊黎煎麵飽﹐有多士爐都唔用個隻﹐係要用鑊煎既﹐之後求其擺D COLD CUT﹐是但夾D野落塊飽度就食。

傍晚D細路玩完AFTER SCHOOL PROGRAM番黎﹐個女人就會整晚餐﹐通常買隻SAMS﹐ SHOPRITE﹐WEGMAN﹐COSTCO燒雞﹐整少少沙律就隊比D屋企人食﹐六點到就食架喇﹐六點﹖我都未放工。食完無乜野做﹐或者體下D HIGH SCHOOL MUSICAL DVD﹐之後十點全屋熄晒燈﹐又一日﹐一日復一日﹐日日如是。

周末同村有個師奶帶D仔女去體戲﹐你又識拒又想隊D細路同拒D細路玩﹐係可以既﹐拒係會帶埋你D細路去體戲或者去打BASEBALL。