豬豬油油禮拜六

好耐都無試過禁悠閒既禮拜六啦﹐一早起身﹐第一時間看下BEST BUY﹐CIRCUIT CITY﹐一大渣廣告。之後見肚餓就落去COSTCO食早餐﹐無錯係COSTCO﹐晨早就大把野試食﹐燒雞﹐蝦﹐餅乾﹐沙律。平時有三文魚添﹐今日無﹗望到IPOD﹐當然未有最新個隻﹐重賣緊IPOD PHOTO 40GB﹐賣329﹐混鬼買咩﹗ 望下D 電視﹐越黎越大部﹐玩57-62寸喇﹗行過少少﹐有成部機鋪個隻游戲機賣添。揀直痴線﹗格黎又有部氣墊冰球。全部可以買番屋企玩﹗再過少少﹐見到黑武士頭盔啦﹐賣26。99。KMART 賣23﹐不過小把劍﹗飲未飽﹐食未醉。過埋TARGET﹐見到隻WINNING 8﹐上面個架話19。99。原來唔係。係29。99。貴﹗ 見到隻頭文電腦GAME﹐嘩2。48。買左番黎﹗係時候買午餐﹐本想HOAGIE﹐但係諗下諗下都係事頭婆D TAKE OUT 好食﹐買左番去三仔乸又搞惦一餐。舒服﹗

很狗不見 yumiko﹗

都幾想見下YUMIKO 呀﹐自從年幾前一次AC之旅之後﹐拒都無同阿大衰同場出現過喇﹗以家淨番既就只有肥浩康+大衰﹗話時話阿十甲都應該想見下拒﹐事關拒同拒都有兩嘴﹗

邊個先係大衰﹖

最左邊係阿大衰﹐左二又有人話係大衰。邊個似D都係由觀眾自行定奪﹗我淨係知道阿大衰好耐無作文﹗

卡張的波鞋

第一次見係NYC間白色波鞋店﹐已經比拒D顏色吸引住。夠晒卡張﹗ 通常NIKE D特別版都係D鮮艷既顏色。呢對我最鐘意既設計係後面唔整NIKE﹐整個CUSE字。係NCAA藍球其中一隊﹗2003 年囉過CHAMPION添﹗如無意外應該會著爛其他鞋先著拒﹗

百戰大勝利

認識呢個節目係因為垃圾臺播﹗唔覺意食食下飯看到。望落又幾過引﹗節目類似掌門人﹐但係系戶外。參賽者都係台灣D公司。上上下下員工到廠長都一齊玩。幾好笑﹗有D游戲難度幾高下﹗阿吳宗憲重會玩野﹐親身上陣或者叫拒D女拍當示範。最精彩就係呢PART啦﹗因為D女主持好似阿小潘潘﹐真係全力以赴﹐完成任務﹐唔係姐手姐LEG個隻﹐男士們應該喜歡﹗女士們也不容錯過﹗ 東森電視出品﹗阿志偉都係係度偷橋渣﹗

簡約主義(短編故事)

發覺自己越黎越物質﹐係朋友勸導下﹐為有去LANCASTER 跟D 荷蘭人過D簡撲無華既生活。牛拉車﹐馬耕田﹐我出入都係坐驢仔車。無電視﹐無電腦﹐無IPOD。忽然有一日﹐老豆叫我去村口買D冰番黎。我又坐驢仔車出LANCASTER 間WAWA。點知路程中經過一個OUTLET﹐見到SONY﹐ZOO YORK﹐ 就入去睇睇﹐誰不知我又再一次墮入物質主義當中﹗

生活小品

瘋顛電影之後﹐我繼續面對我既忙碌工作。今個禮拜特別多野做﹐去到今日禮拜三啦。搞惦左好多﹐但係重有好多﹗希望可以盡快弄好﹗放學再到唐街買海南雞番歸食。係新教門口先見到阿霸加佛羅倫司﹐係中美門口竟然見到我西人歷史老師。寒喧幾句﹗晚飯匆匆吃過﹐老豆阿媽繼續“爭分奪秒”﹐一家繼續鬧﹐繼續煲。

重有幾日萬勝節﹐當然唔會興祝﹐但係希望過後D黑將軍頭盔可以大特價就好啦﹗

今日天寒地凍﹐米之連細羽絨出場。老虎姐個邊應該落雪啦﹐我地都應該不遠矣﹗

瀾之選無出好耐﹐究竟會唔會變成瀾’S POD呢﹖未知﹗

老餅倫既演唱會CD又黎啦﹐DVD KARAOKE 又有得唱喇﹗

高空廿狗呎

餅娘飾演餅娘
IVY飾演餅娘個女
阿星﹐阿霸飾演後座乘客
華叔飾演空中服務員
茂叔都係空中服務員
鬼王飾演機長
媽必飾演中東乘客

餅娘係教會設計師﹐熟識教會一切設計。某個主日因為美國教鐘關係﹐不知不覺同女兒早到成個鐘。華叔﹐茂叔都未黎。會堂空無一人﹐餅娘只好先入座。因早起唔夠訓﹐訓著﹗一覺醒來。驚覺女兒唔見了﹗見到後座阿星﹐霸就問有無見過拒女兒。答案係無。焦急之際﹐走到兩位空中笑爺再問。結果一樣。餅娘開始發矛﹐勢要混到女兒下落﹗走到會堂頭混鬼王。鬼王應承全堂翻箱倒籠。都係陶勞無功。此時中東媽必開始不耐煩﹐想打人。餅娘情急底下就走到停車位﹐見一部綠色本田雅閣。恐怕女兒在車內﹐把窗門打到稀巴爛﹗都無發現。最後醒起會堂頂部有一窗口仔。走到該處﹐原來女兒就係係拒離地面廿九呎﹐我地成日見到個窗口開燈息燈個度﹗ 見到IVY整緊壽司﹐反問餅娘“ARE THEY FINISH YET” 餅娘答﹐“ALMOST”﹗ 搞惦﹗

My style

小弟喜歡的STREET FASHION﹐ 有吊電話﹐OVERSIZE 衛衣﹐LV袋加NECK WARMER加黑超﹐ 正呀﹗

東龍島

一個座落於柴灣對出﹐鯉魚門過少少既一個島嶼。係筲箕灣公眾碼頭有街渡去。未走前跟快必教會去過一次。島上得一間士多﹐多人起上黎﹐我試過叫一豌餐蛋麵﹐等足一個鐘。島上風極大﹐係碼頭行去一塊平原﹐會經過一D石邊﹐D浪打埋黎﹐極度震撼﹗因為風大﹐好多人會放紙妖。個次快必加快必嫂預備左好多好玩既集體游戲﹐所以我對東龍島有個幾好印象﹗

美多詩餐廳

以前既尖沙嘴太陽廣場係有一間三越百貨公司﹐阿媽因為係付近做工﹐所以好多時都會同拒係三越百貨公司地庫既美多詩餐廳食LUNCH﹐個間餐廳係有個波璃櫃然後擺好多假食物個隻。價錢一D都唔貴。因為常去既關係﹐同一D侍應都開始混熟。我最尷尬一次經驗就係阿媽同個侍應講開﹐話我有時都會去食但係唔係同阿媽﹐係同個女伴﹗我當時跟本就無女伴﹗我比個侍應激死﹗

野佬

多謝各方友好﹐紅顏知己﹐世姪男女。支持我﹗我會繼續作文﹗有你地係我既BONUS﹗

見我平時資資整整﹐一定唔會諗到我都曾經做個野佬﹐何謂野佬﹖野外之佬也﹗我其實都去過三﹐四次真正露營。第一次歡天喜地走去沙田八百伴買個NIKKO背囊﹐就跟其他童軍仔女一齊去大魚山露營。個次重係我正式加入童軍既活動添。之後一次就係去西貢赤徑﹐我個次係去考章﹐所以我做埋帶路。路程太遠﹐而且開始入黑。我為有哪住支大電筒頂住上﹗好彩係我人生字典裡面只係怕凍﹐怕熱同埋怕眼訓﹐怕黑不在此列﹗終於都到﹗食罐頭﹐訓爛地﹐入村比狗吠﹐好彩個個時代少山賊﹐如果而家就唔好啦﹐比人綁住係樹成日點算﹖危險﹗

維他奶哥哥

聽到七彩蝦條姐姐﹐我會諗起LIZA。講到維他奶哥哥﹐我又會諗起陳浩文或者魯文傑。但係系我生命當中都出現過一位維他奶哥哥。話說小弟小學二年班就開始自己照顧自己﹐放學搭羅叔叔部保母車番屋企就會自己REHEAT D 飯黎食。有一次因為唔記得帶屋企KEY﹐所以就要CALL番緊工既阿媽接我放學。誰不知阿媽好耐都未到學校。我一路等一路等。見到我D同學都走晒﹐淨番我一個。我開始唔耐煩同驚加喊添﹗就係呢個時候一個高年班既哥哥就埋黎安慰我。重比左包維他奶我飲添﹗十分感動﹐難忘﹗我呢一世都會記住維他奶哥哥﹗

爭分奪秒

最鐘意電視送飯。睇到爭分奪秒﹐無線又係到抄野﹐抄無間1﹐2﹐3﹐旺角黑夜﹐PTU﹐大事件﹐笑到我死死下。連無間2打邊爐都要學埋。又學PTU差佬食消夜﹐大事件文英樓挾持人質。最好笑係高科技差館個PLASMA電視係到SCAN世界地圖﹗

雙重性格

雙重性格既我雖然極度自閉﹐但係另一方面最怕見到D鋪頭柵門。可能係因為我係一個購物狂﹐見到條街冷冷清清﹐我個心就覺得好唏虛﹗所以我到而家都好憎農曆新年。因為D鋪頭柵門﹗而家好少少﹐因為係美國同埋香港年初一都開門。頭先係天普大學做野﹐做到咁上下就走﹐見到電腦LAB無晒人﹐圖書館柵埋﹐個種冷清﹗令人感概良多。據個熱鬧好例子﹐以前係高燈商場地庫﹐有當大型番梘店﹐人頭湧湧﹗重有道防海關門添﹐個班友仔係到大聲叫賣。見到可疑人物立刻關門﹐你都比拒關埋係裡面﹐人氣扉比沉常。好不熱鬧﹗

千樺不醉

之從一套“忘不了”之後﹐對爾冬陞先生開始留意﹐拒再之前既作品我比較少看﹐因為個期我本人未興故事片﹐重係沉迷緊晶哥﹐馬偉豪﹐肥谷﹐星爺式笑片。上個禮拜岩岩搞惦左千杯不醉。發覺阿爾生又一次發功﹐我諗拒大概出左五成功力﹐但係已經好過好多所謂導演。例如黃精甫﹐江湖都還可以﹐阿嫂實再嚇人﹐浪費一班好演員。講番爾生﹐唔好話我菜瀾長氣﹐好野緊要介紹比大家﹐“旺角黑夜”真係正﹐不過係對於成年觀眾﹐細路唔岩。”神經俠侶“﹐改壞名之作﹐一聽到個名以為難片﹐阿爾生係監制﹐唔係導演﹐不過實在係好戲。“早熟”﹐雖然係我好朋友阿鴨薛既處女作品﹐拒係OK架﹗話我偏幫都無計﹗拒重搞到我買埋隻VCD。但係平心而論﹐套野麻麻﹗現實生活邊會有BENZ雄咁既員工﹐見到自己老細個女無啦啦帶男仔番屋企﹐都唔報串。因為明知秋生唔係人咁品﹐重要律師添。然後阿房生又係羅戲黎做同人練車﹐送石油氣﹗黎個時代做OK﹐做7仔架啦﹗“千杯不醉”岩睇架啦﹗

無聊笑話

從前有個叫李講先既人﹐拒老婆叫吳好提(又係呢D禁老土蘭搞笑既名)
拒地個仔叫李笨
拒地有一日唔見左個仔去差館報案
差佬問拒地名﹐(又係個D對答)
李講先﹐吳好提﹗
差佬忍唔住問拒地黎做乜﹖
拒地話“混李笨”籮﹗ (呢個有D新意)

生活多樂趣廣告集誌

煩忙的工作﹐加一把勁來過渡
無聊的交際﹐只管把笑容製造

現今都市人既寫照﹗

好多人都覺得美國生活無聊﹐枯燥乏味。但係為左將來﹐又或者之前根本無得選擇﹐揀個個係你老豆老媽。與其係禁﹐點解唔好好過日子﹐享受下人生呢﹖當你係美國你就諗住香港﹐係香港咪又會諗翻美國﹗係呢到小D朋友遮﹗ 對我呢D自閉人岩數羅﹗你話如果有份工﹐叫我去泰國生活﹐我都OK 架﹗ 哈哈哈﹗響受揸車﹐美國公路冠全球﹐去邊都惦﹗睇戲唔洗畫位﹐多西片選擇。唐人街租第一輪影帶﹐無線未上已經煲晒﹗去沙灘玩﹐唔驚污染﹐仲有好多野睇添。買名牌﹐潮野超平(STUSSY﹐ ZOO YORK﹐ SUPREME﹐NIKE)。去遊樂場(SIX FLAG﹐DISNEY﹐UNIVERSAL STUDIO)玩包無混笨﹗因為大陸﹐香港個D最鬼混笨﹗玩名牌電器﹐電腦(SONY﹐IPOD)低玩﹐無抄價。買野可以退貨(好難得架)。係出面買野小機會遇到假野(無羅湖禁多)。住既地方大﹐靜﹐無人嘈住﹗空氣清新﹐萬里無雲。人口密度低﹐唔會人迫迫。寄信超方便﹗係無靚雲吞麵﹐無朋友遮﹐將就下啦﹗哈哈哈﹗

富臨飯店

故事講到富臨飯店分店其中一位總廚申請升為行政總廚﹐但係經過一哥同其他股東商義過後﹐罷免左有關申請﹗一哥先出黎勉勵員工﹐再叫大家團結﹗當時飯店上下死氣沉沉﹐一哥神色凝重﹐氣分相當跪異﹗ 話說富臨有三間分店﹐總店賣廣東菜﹐其餘兩間就賣西菜同京菜﹐河水不犯井水。但係某一日三間店進行循例試菜既時候﹐西菜部總廚就為左點處理鮑魚而同一哥產生不同意見﹗故事就係由呢度開始﹗

我愛迪生

無摸面認細佬﹐無溝野飲﹐無光頭仔﹐剛剛周末為左用掉我張金門超市贈卷﹐一家三口開車到愛迪生﹐路程其實好近只係56咪﹐一到步已經係午飯時間﹐拿拿臨混飯食﹐本想飲茶但係無IDEA﹐經過濱城﹐又係拒﹗就係個到搞惦﹐海南雞飯加碟貴刁又一餐﹐永無失望﹗之後係金門同美東兩間超市買左大量食材﹐重買左個狗遺了的栗子蛋糕﹐非常新鮮﹗美東超市﹐D菜非常揀手﹐價錢低﹐正﹗CHERRY HILL 就黎開啦﹗韓阿才死期到﹗下一目的地係EXIT 13A 既JERSEY GARDEN OUTLET﹐想去好耐架啦﹐無機會﹐終於有﹐商場什﹐小心荷包﹐NIKE SHOP 正﹐買到恨左好耐既TERMINATOR LOW 突別版﹗

四大發明

中國四大發明粥粉麵飯﹐對我來講粥都係非常重要一環﹐以前早餐好多時都食粥﹐粥係首選﹐火腿通粉A﹐B餐係次選﹐麵飽係唔選。飲食習慣尤如一個老野﹗魚片粥係我既最愛﹐又香又滑﹗免治牛肉粥﹐艇仔粥都好好﹐級底又係永遠唔會叫既﹗豬內臟難頂也﹗基本上而家食粥都係自己煲﹐因為天旺D粥實在貴﹐禁既價錢﹐我一定叫唐介蘭牛肉飯好過﹐粥食完好快肚餓﹗圖片既粥係蠔仔粥﹐潮州粥是也﹗裡面唔加腐竹﹐上湯加飯加蠔仔﹐非常可口。

立體電影

第一次接觸立體電影應該係無線明豬臺播立體黑湖妖﹐其實係一套好舊既西片重要係黑白既添﹐當時明豬臺隆重其事係各大七仔賣埋立體眼境﹐一邊紅色一邊藍色﹐重要狄寶拿麼亞﹐關潮聰賣晒廣告﹐好啦終於到播啦﹐娃哈哈﹐實在好笑﹐係個湖度有D魚游下游下﹐游左出電視﹐黑湖妖上岸又突出黎小小。當時黎講實在破格﹗好多年後第一次到美國迪士尼﹐睇到我小時候既偶像米高積信既CAPTAIN EO立體電影﹐嘩﹗犀利羅﹗乜真係禁立體既﹖黑湖妖上岸突出黎小小遮﹗米高對隻手出黎隊到我禁濟既﹗好似呀﹗個恐怖誣師隊出黎﹐我直頭縮後﹐嘆為觀止呀﹗音響又勁﹐好野﹗

再過幾年有幸係彿州睇到又係我年青時既最愛MUPPET SHOW 3D﹐其實係4D﹐因為有埋野出﹗咩野呀﹗水羅﹐風羅﹗套野已經好正﹐無論燈光﹐音響﹐所有野既配合都係正﹐畫面做到有主角淋水﹐真係出水﹗14年前黎講已經玩到禁盡﹐叫我無野好講﹗而家都係﹗來到今天最想睇既係TERMINATOR 2 3D﹐同埋SPIDER MAN 個架立體過山車﹐對大隻佬此終心有獨鐘﹗

落到幾時

由結怨禮拜六到今天(TODAY)落野落足禁多日﹐搞咩呀﹖

搭錯車

如果你叫我係狗同車之中揀一樣﹐我一定揀車﹗重要係自動波車﹐因為懶﹐因為我覺得起步差唔多快﹐無乜分別。如果你話型D﹐我無需要﹗講玩車離不開美國﹐因為公路靚﹐多﹐度度都去到﹐泊車方便免費(你試下去轉銅鑼灣幾錢)﹐除左大城市。鐘意玩改裝又得﹐又多材料。D車重要架架馬力大岩我﹗你試下求其去一個PARKING LOT都架架靚車﹐鬼禁有米﹗講到我鐘意既車就多羅﹗波子四駒﹐QX56﹐G35 COUPE﹐SLK55﹐G 55﹐SL55﹐CL55﹐M3﹐MINI COPPER S﹐350Z﹐AUDI ALLROAD﹐AUDI TT﹐太多啦﹗你叫我點揀﹖唯有落BJ買1﹕18車仔羅﹗

如果叫我比較香港同美國既公路經驗﹐我會覺得係香港你會學識涉位﹐又其過海底隧道﹐大城市渣法﹗係美國又另一回事﹐又其當你由小路出公路﹐香港D車邊有95 禁快呀﹗

老人院

聽林狗﹐阿葛始於張麗瑾年代﹐拒地只不過係配角。節目裡面得一﹐兩個還節﹗到後來唔使我多講拒地當然獨當一面﹐係大紅既年代拒地有老人院﹐逢禮拜六晚1130開始﹐至到零晨一點﹗節目講埋D舊野﹐大家有同感既野﹐TVB呀﹐衣服STYLE呀。。。當然重有最受歡迎既還節﹐玩電話﹗ 我當時個個禮拜六就係訓係張床到﹐聽住WALKMAN﹐係個被竇久唔久發出一D笑聲﹐我阿媽都唔知我咩事﹗個個年代我既深消節目重有明豬臺既夜GIG情。真係好想同阿沾﹐阿MARK一齊去睇林老狗。

訓係被竇聽收音機我已經做左好耐架啦﹐好多時迎接新年都係用呢種方法﹗ 到後來林狗既好世界我突登走去買部收音機反工搭火車聽添﹗

幽人一默

未怕分開﹐縱使分開(呀阿亞)﹐亦都知美夢仍會在。
可必襟蓋﹐誰會意外(呀阿亞)﹐此心不變千可曾改。
喂﹐邊個岩唱上黎啦﹗

多謝大家﹗真心架﹐我唔虛偽架﹗
好野﹗ 我都係﹐同道中人﹗ 我塊面黑起上黎真係好黑架﹗ 哈哈哈哈﹗

火警鐘

當火警鐘響起﹐唔係提醒各位老師要上堂﹗ 亦唔係校長拿住個秒表玩走火警﹗而係小弟沉日又係屋企燒牛扒﹐因為落雨關係﹐一滴風都無﹐搞到D煙攻翻入屋﹐搞到火警鐘都響埋﹗ 鬼禁尷尬﹗好彩無人報警﹗ 講起報警前兩日屋村管理就報警要拖走格黎屋幾部車﹐原因係個幾條友仔係做車房既﹐成日擺D車係屋園﹐霸佔車位。呢渣鄰居神憎鬼厭羅﹐渣埋D路筍噪到拆天﹗朝朝MORNING CALL﹐我最怕比人噪醒家嗎﹗

雙十節

鬼王生日快樂﹗我知你好感動﹐我又何常唔係呢﹗

今日天寒地凍﹐食野都食得多D﹐下奏三叭兩缽就搞惦盒飯﹐放學翻屋企﹐心血來潮落左唐人街濱城買海南雞飯外賣﹗ 經濟抵食﹗

沉日訓左晏覺﹐沉晚無禁入睡﹐影響今日精神﹗要多望靚女提神﹗

黎九演唱會

闊別三年﹐我個FRIEND黎九又黎啦﹗以前次次睇﹐排隊買飛比萍果影埋相﹗夜晚要開工都照去聽﹗去完就行翻落紅磡翻工一月一號好鬼難忘﹗唔使翻工﹐去完同快必落老尖食消夜又試過﹗我本人對四面臺情有獨鐘﹐今次係﹗一見呢幅相重著住成套老西﹐我非常喜歡﹐希望快D出碟﹐唔好CUT哥﹐全部落齊﹗謝謝﹗

減災扶貧

見到又地震﹐有感而發﹗

小小怨氣﹐多多歡樂
小小懶惰﹐多多勤力
小小事飛﹐見到見飛
小小金錢﹐買到正衫
小小鬧人﹐多多訓覺

訓覺實在太舒服﹐唔好搞我﹗ 阿媽唔好大力閂門嘈醒我﹗唔該﹗

咬文笑字

唔係雞蛋挑人頭﹐而係實在好笑﹗

以拒禁聰明﹐樣正﹐追到拒實在易如反腸﹗(咩意思呀﹖)

今日將會有六位弟兄姊妹受死(洗)﹗ (唔使死阿馬﹖)

巴西好唔好玩呀﹖ 幾好啦﹗ 下﹗物你去玩架﹖ (比人陰到正)

樓下呢﹖ 一定有既﹗ (無都唔係可恥既)

某人問﹕ 你個女有無男朋友呀﹖ 女仔媽媽答﹕ 一定有既 (又禁肯定﹐西利)

高空三萬呎

前兩日鈴架車去換油﹐見無野做﹐比我搞惦左啦﹗見到海報﹐睇埋影評。係我鐘意個隻戲啦﹐不出所料﹐岩睇﹐豬姐D戲唔知點解D境頭次次都禁正﹐上次有PANIC ROOM﹐講緊既係個畫面又地下上到二樓﹐再ZOOM埋豬姐個身﹐或者係境頭追住個匙窿然後入埋個窿個隻﹐鐘意﹗我知係電腦整架勁呀﹗故事唔講禁多﹐喜歡真實﹐生活化應該鐘意﹗

我上頭條

古唔到我都可以做頭條﹐不過都係漫呀電腦車邊﹗再古唔到既係﹐我仍然對銅鑼灣有一分情感﹗ 今日雖然唔得閑﹐但係我唔會忘記我D FANS 既﹗

帶膠表

阿CREAM 分人其實對膠表麻麻﹐但係我諗呢隻例外﹗我自己﹐當然鐘意啦﹗

HEAD PORTER

先前曾經講過NYC 間STUSSY﹐拒佔地兩層﹐地下賣STUSSY﹐二樓就係賣HEAD PORTER﹐D 野都唔平﹗大家對呢兩條電話繩又點睇﹖

無菌設計

呢隻商店其實已經出現左好幾年﹐成間野白晒晒﹐拒地叫無菌設計渦﹗呢種設計起原於日本裡原宿﹐之後利時間水貨APE SHOP 就照跟﹐之後唔洗我多講﹐以香港人既性格﹐見禁正﹐當然搬字過紙啦﹐成個旺角就變左(原叔)蘿﹗

白表

我又鐘意呀呢隻﹗最鬼鐘意D白色野﹐BEAMS 黎架﹗

一年一度大蘇

剛剛整好結怨﹐廣野既音樂部分﹗禮拜六係酒樓究竟會唔會整晒間格﹐D大人係到打牌呢﹖ D細路就走黎走去玩捉﹐玩牌。有D負責體細路既大人就叫蟹肉伊麵係到食﹗大個小小既細路就出去行陣街先﹐開席先翻黎﹗四大會唔會失縱幾小時﹐後尾先出現呢﹖我禮拜五洗唔洗試下開下D汽水先呢﹖餅娘﹐掌門人整左D咩游戲呢﹖究竟我坐個抬會唔會玩埋D變態野呢﹖究竟阿星既對隊又會玩成點呢﹖究竟媽必既RAP BATTLE DEMONSTRATION 能唔能夠帶起高潮﹗ 一切一切好快揭宗﹗

正衰仔

黎兩個衰仔﹐好鬼識嘆﹐個個禮拜六都落唐人街飲茶﹐大個個衰仔聽拒講話前兩日正式 做INTERN ﹐一日企足幾粒鐘 。 拒從來未服侍過人 ，細個有賓妹湊 ，大個都是飯來張口家務少做 。現在調轉要服侍人 ，才知師父以往照顧拒有多辛苦 。所以拒決定第一次出糧要請師父食大餐 ，服侍番他們 。

我識細個個就係系某一個深夜﹐拒係一間唐人街既茶餐廳開緊工﹐而我就係買外賣既﹐大家似曾相識﹐就講開話題來﹐後尾先知拒同大衰原來情同手足﹗

大細比心機呀﹗

鄺狗

狗係得意既﹐不過對於我黎講﹐我最鐘意無牽無掛﹐唔洗煩﹗話去邊就去邊﹗都係玩人個隻好D﹗

終於見肥蛇

開學成個月﹐終於見肥蛇﹐肥蛇重坐我格黎玩電腦添﹗ 我地一見到面﹐當然諗下禮拜六搞乜啦﹗玩碌蛋定食提子呢﹖

蕭孝奴

其實想買個燒烤爐好耐架啦﹐但係鐘意個隻就成日都正價未減過﹐因為個隻裡面係生鐵底﹐易清洗。禁為有繼續用個原始爐﹐玩火水﹐燒炭。老豆係韓阿才買左D肥和牛﹐再加D豬扒﹐雞翼﹐就係今晚我既晚餐﹐希望今晚夠飽啦﹗哈哈﹗

剛剛食完D和牛﹐搞到成口油﹐阿媽以為我流鼻涕﹗

泡菜皇

鐘意食韓國野始於住沙田既時候﹐新城市廣場有間麗花莊漢國菜館﹐拒地為左本地市場推出好多平價韓燒套餐﹐抵食﹐好食﹗ 見到一碟碟既配菜﹐就已經歡喜快樂﹗因為已經可以食成豌飯﹗ 拒地有個辣牛腩湯好味到爆﹗ 過到黎美國韓人重多﹐韓菜重正宗﹐我係學校唔係食蝦飯﹐酸辣湯就係一定食韓國飯﹐菜式日日不同﹗前兩日食到個尤魚辣湯﹐新鮮感滿分﹐而係東北區有間韓菜重正﹐有我同鬼王至愛好味薯仔﹐下次一定要帶阿媽﹐老豆去試﹗

天氣不錯

剛剛個暑假非常炎熱﹐聽說夏天炎熱﹐冬天就會落大雪﹐重會早雪添﹗ 睇下點﹖ 不過大家真係要小心渣車﹐換套正軚呀﹗

和文都是這樣長大的

講完SOGO既日子﹐今日講下TI既日子﹐TI 。。。工業學院是也﹐當年因為升唔到中六﹐暑假之後﹐快必收到TI既告白信就同我商量入TI既大計﹐因為知到大家都無需要禁快投身打工行列﹗一齊報讀﹐編埋同一班﹐分外開心﹗個時有堂叫公民教育﹐一個月一次﹐唔使上既時後﹐個LUNCH TIME﹐就會好長﹐所以我地會周圍覓食﹐唔知大家有無去過麥九食PIZZA 呢﹖ 我地個時就發現到天馬艦格黎間麥九有PIZZA 食﹐係維一一間有PIZZA 供應既麥九﹗ 對住維港食麥九﹐一樂也﹗ 我地又會去油麻地既橫綱食九州麵﹐個到D日本叉燒一定好過ZOO YORK 間味千﹗而當放學既時候﹐我通常重會同快必行落深水埗﹐打我地最鐘意既雙槍遊戲﹐彭彭聲﹐好不震陷﹗打完我地先會反歸開始做功課﹗

黑框等你回來﹗

快必結婚了

唔老太結婚令我諗起快必﹐快必同你識于微時﹐真係好開心你終於有今日﹗我相信如果我係到﹐你一定唔會叫我整雞﹗我亦都相信如果我係到﹐會帶比你好多歡樂﹗但係唔緊要﹐一切在心中啦﹗你明架啦﹗ 我再相信下個會輪到MARK雷﹐之後姨丈﹐最尾先係我﹗ 因為我實在厭尖﹗

你地呀﹗快D過來呀﹗大把野帶你地去玩架﹗ 去少幾次東南亞啦﹗

我不會唱哥

就憑你地一件番薯﹐幾件旦散﹐係我後面成日掩掩樣樣﹐(有把口就識唱哥)﹐就以為可以形響到我對唱哥既熱誠咪﹖ 唔會既﹗ 有識當既時間﹐地方﹐人物﹐你妨我唔會浦頭咪﹗ 哈哈哈哈﹗

不過我有一樣野要感謝主既﹐就係兒家唔洗再夜媽媽出去開工﹐因為我而家重有時形住要開工﹗如果你試過冰天雪地﹐夜媽媽出去開工﹐果種感受真係非常難忘﹗所以各位朋友﹐如果曾經比我既自閉﹐瘋顛﹐目中無人既態度嚇怕﹐係到講句唔好意思﹗因為我真係痴線既﹗用常人既諗法去諗我係唔WORK既﹐不過我都相信無人會禁無聊﹗我仍然會一個人買鱔﹐買報紙﹐渣車﹐放狗﹗多謝大家關心﹗

和文都是這樣長大的

唔知點解我住開九龍﹐新界﹐下意識突必覺得香港島係高級D既(膚淺)﹐所以我人生第一份暑期工﹐都專混香港島既﹐所以系一本便利既廣告下﹐膽粗粗混到去SOGO見工﹐初時見係見文員既﹐但係拒問乜就唔識乜﹐拒話有無興趣做SALES﹐我心諗好啦﹐後尾講埋人工﹐我即刻應成添啦﹗哈哈﹗個個暑假真係好開心﹐好難忘﹗個時諗呀﹐賣時裝就好羅﹗日日對著﹗點知我派去既係賣喼既﹗(後尾先知好野﹐賣衫摺餐死﹐賣喼唔洗)同事好﹐上司好﹐夫復何求﹖最重要係連個飯堂都好鬼岩食﹐D蒸餸﹐小菜。到左禮拜六﹐日重有突別餐供應添﹐只要平時飯飛兩張就可以食到﹐個D飯飛係包埋架﹐人工淨袋﹗D同事又食唔晒比埋我﹐所以實夠飛換突餐﹗最正係個景呀﹗15樓望海﹐死未﹖唔鐘意海景咩﹐令翻落自己倉食又得﹐對住銅鑼灣個三角過馬路位﹗禁都未算﹐盤點個日﹐晨早搞惦﹐夜晚公司萬歲落會展食BUFFET﹐重有﹐做到生意頭十位既部門﹐利事一封﹐證書一張﹗ 有一次就係遲左起身﹐我都要打的翻去羅﹗係個到做知道左一樣野就係原來每逢落雨﹐成間野會播首落雨音樂係同平時個首唔同既﹗ 不過呢D都係經濟好既時候﹐依家已經無呢支哥仔唱羅﹗為有變成一個好好好好既回憶﹐埋藏心底﹗

PS﹕ SOGO已經從日本人手上交到大劉﹐彤叔手上﹐重係尖嘴開多一間分店添﹗

可口可樂

以我一個禁物質既人黎講﹐三歲定八十﹐細細個已經貪威識食﹗ 當我未識得洗錢﹐未有經濟能力之前﹐我最鐘意既就係暑假可口可樂搞既換禮物哪﹗換搖搖啦﹐換毛巾啦﹐浮床啦﹐最佳拍當舊黑霸王臭膠公仔啦﹗因為真係好臭﹐臭都換﹗ 我又試過茂街邊等搖搖大王玩比賽啦﹗個個時代突別多人請飲﹐所以就有好多羅到蓋掩既機會﹗ 臨開席前﹐伙記問飲乜野﹐就喉住拒開蓋﹐之後拒會擺落個杯到﹐我同我D表弟﹐妹就會立晒D蓋掩﹗之後重會係成間酒樓巡邏﹐格黎廳個D都唔放過﹗當時我地就係禁樣去飲架啦﹗

亞邱電視(老周電視)

我分人平時好偏擊﹗但係看電視有D唔同﹐係香港既習慣係邊到有好野就看邊個台﹗點解禁講呢﹐因為我識D朋友真係成世都唔看亞視﹗我細個時候﹐看無線既SUNNY 哥哥﹐跳飛機﹐張國強既430穿機﹐而亞視呢﹐就有醒目仔時間﹗係由李家聲既姐姐﹐李家齡主持既(應該無人識)﹐之後又有500飛虎隊﹐有飛虎隊當然有槍啦﹐重要係孖槍添﹗ (唐品昌+容錦昌)﹐嘩正呀﹗講下亞視D好節目啦﹗萬花筒有無看過呀﹗ 通常係伍國任配音﹐個節目係講世界各地D風土人情﹐奇異事物﹐好似講下非州食人﹐人頭仔呀﹐西藏天葬呀﹗個類﹗成二十年前又試過做“未來偶像層霸戰”黎個經典羅﹗主持混黎尖酸刻薄既黃韻詩+曾志偉﹐然後加一大班當時既幕後音樂人﹐主持串到爆﹗抵死過癮。我可以講無線都無一個蘇係好笑過拒﹗ 終於冠軍係張立基﹗ 之後又有今日睇真D呢﹐都係一個好破格既節目﹐後尾無線先跟整個城市追擊之馬﹗而今日睇真D引伸到一個節目就係真係乜都有﹗ 黎個又係次次混黎一D古靈精界既野既節目啦﹗ 影下條LEE牛仔褲有幾長呀﹖無拒我都上唔到電視啦﹐我之後去飲見到D表弟﹐表妹又比拒地認到渦﹗正明都有兩三個人睇亞視﹗講到劇集就係亞視死穴﹐最出名個兩套係縱橫四海﹐陶大做利兆天﹐譚耀文做奸鬼。當然不得不題我和GINGER屍有個虐會啦﹐比觀眾應識到阿照﹐唔係﹗ 正確D講應該係長腿姐姐萬二蚊﹐阿照都仍然無人識既﹗其實亞視都做就左好多勁人﹐亞SOR強啦﹐文慈﹐偉哥﹐江美兒啦都係好戲之人﹗衰就衰在亞視次次混外援﹐D外援又貴到爆﹗拍埋D無人睇既戲。如果拒做多D知訊性既節目反而好D﹗ 不過禁﹐以我試過有一排係大陸豬江三角州既經驗﹐大陸D人係鐘意亞視多D架﹗可能拒根本志不在香港﹗哈哈﹗