野佬

多謝各方友好﹐紅顏知己﹐世姪男女。支持我﹗我會繼續作文﹗有你地係我既BONUS﹗

見我平時資資整整﹐一定唔會諗到我都曾經做個野佬﹐何謂野佬﹖野外之佬也﹗我其實都去過三﹐四次真正露營。第一次歡天喜地走去沙田八百伴買個NIKKO背囊﹐就跟其他童軍仔女一齊去大魚山露營。個次重係我正式加入童軍既活動添。之後一次就係去西貢赤徑﹐我個次係去考章﹐所以我做埋帶路。路程太遠﹐而且開始入黑。我為有哪住支大電筒頂住上﹗好彩係我人生字典裡面只係怕凍﹐怕熱同埋怕眼訓﹐怕黑不在此列﹗終於都到﹗食罐頭﹐訓爛地﹐入村比狗吠﹐好彩個個時代少山賊﹐如果而家就唔好啦﹐比人綁住係樹成日點算﹖危險﹗