標籤人

係教會我比標籤為一個姓格孤僻﹐講野無句真﹐浮誇﹐無聊既人。

係天旺我被標籤成一磅肥叉。

係賓城我被標籤為半隻海南雞。

係錄影帶鋪我係代表新到港產片。

係魚檔我被標籤成一條大鱔(EELS)或者一條側魚(TALAPIA)或者一磅蝦(HA)。

係我D靚面前我係一個講得笑又識野多既師父。

我D老死標籤我為一個極度抵死﹐又識飲識食又可以傾到計又唱得既朋友。

而我上司就標籤我為一個做得野﹐認真﹐幫到手既員工。

係老師面前﹐我係一個資質平庸既OK學生。

父母就會標籤我成有時聽話又有時扭計既衰仔。

原來一個人係可以有禁多面既﹐所以睇DVD都有多各度啦﹗