宿營

人生第一次宿營係小學六年級大宿營﹐前個排講起原來好多小學都會有﹐係指定動作。離家別井一去去五日﹐都咪話唔過癮。地點係長州(LONG ISLAND)﹐即係阿花成日去個度又即係好多賓客個度。哈哈﹗ 長州明輝營﹐去離島就點都好過去西貢﹐個人應為﹐因為鐘意港島。去到每人編排一個倉﹐每人一張床﹐準時準後有飯食﹐有天才表演﹐有燒烤﹐有集體寫信番屋企﹐有集體洗面﹐成排友仔﹐對住成排水龍頭係度洗面﹐除左石璧都無乜地方可以禁做。有集體早操。有集體行山﹐有集體去張保仔洞﹐就係去過一次禁大把﹐洞口細﹐肥姐應該入唔到﹐裡面有大量垃圾﹐香港特色。起碼叫做去過﹗

大個小小﹐人細鬼大﹐就同D中學同學去信和租度假屋﹐點揀都好就係唔揀長州﹐因為驚﹐驚遇到驚驚野。去過長沙﹐貝奧﹐呢D靚仔熱點﹐一上到三層船就緊係囉搭牌出黎消磨時間﹐一小時後到步﹐就個個自動自覺行去惠康買燒叉﹐燒乜燒物。之後就緊係趕唔切上巴士又或者逼人得濟上唔到﹐又要罰企一粒鐘等下班﹐好啦﹐上到巴士點解次次都可以無位坐既﹐因為逼囉﹐因為單層囉﹗經過D迂廻山路﹐終於到啦﹐正﹗去村口士多問賓妹囉匙先﹐搞惦﹐終於上房﹐嘩﹐點解係信和影出黎禁大﹐而家禁既﹖ 算數﹗之後既指定動作就係租單車﹐夜晚燒烤﹐有人玩牌﹐有人打牌﹐出海灘打排球﹐浸LEG﹐吹水﹐睇女仔等等﹐各式其式。

又去過一個叫澄碧村既地方﹐如果各下係80‘S既人應該會睇過陳慧嫻既跳舞街MV﹐又或者老餅麟既情義兩心知MV﹐無錯啦﹐就係D屋一排排﹐個頂橙色幾靚下個度啦﹗如果重唔識就算啦﹗因為真係唔係禁多人去過。一個類似魚景灣既地方﹐你可以玩游水﹐TENNIS﹐藍球﹐打遊戲機﹐焗桑拿。發展商其實好想搞好拒﹐但係耐何人流唔夠﹐日久失修﹐後尾重要張D屋囉黎賣。唔知而家重有無呢﹖呢到又令我諗起令一度地方﹐北海魚村橋嘴島。

黎到北美宿營係時有發生既﹐因為你去第二個州探人﹐探親戚﹐個D咪就係宿營囉﹗

聖誕襪

細個既時候係學校總有聖誕聯歡會﹐係小學學校會安排一切﹐只係比十元八塊﹐每人就會有一個由學校定番黎既禮物包﹐裡面就會有糖﹐餅﹐吹BB﹐迫力啪叻既玩具。個個時代重有好多士多辦館﹐因為當時未有七仔﹐OK﹐同埋惠康。拒地會有一款聖誕襪售賣﹐係有個聖誕老人頭係頂既﹐之後隻襪好長裡面有好多糖﹐餅﹐玩具之類。我細個都好鐘意下﹐但係阿媽通常都唔會買﹐拒話D鋪頭每年賣唔晒下年就會令番出黎賣架啦﹐所以D糖係過期糖﹐餅就係過期餅呀﹗好驚呀﹗

台慶

好鐘意睇無線台慶﹐因為好笑﹐唔係真係好笑個隻好笑﹐係低低BB個隻好笑。最鐘意睇D司儀後面既藝員一舉一動﹐可以見到好多狗遺了既藝員﹐係抽獎個時突然出現﹐又可以知道邊D藝員受力捧D排位都排前D。最好笑見到平時COOL到震既藝員﹐繼續COOL到爆﹐企領古樂成晚唔笑坐係到等囉獎﹐犧仔轎晒LEG又坐係到。最近個次台慶見到十郎鄧子鋒都要同曾志矮扮草蜢﹐就知無線越來越難勞。

阿瀾新發殼

亞視有個開心大發現﹐我阿瀾有阿瀾新發殼﹐故名施義即係講下D新發現﹐上個禮拜行經ACME﹐係個出口見到有部租DVD﹐PS2﹐XBOX既自助機﹐唔使入會﹐唔使燈記。只要有張DEBIT﹐CREDIT卡就搞惦﹐價錢方面只係1。58美金連稅一隻24小時。不過你要去番個部機還﹐過時就加多1。58一日。拒重有11。99 UNLIMITED﹐一個月任租﹐每次一隻。如果我得閒我都會哉UNLIMITED RENTAL﹐不過真係好忙﹐如果係兩三年前我一定哉。以前我係用NETFLIX既﹐但係後來乜都比我睇晒再加上一寄一收﹐前後三四日﹐對於我呢D一日可以搞惦五套片既人實在非常辛苦。所以我誠意推介呢個新服務。

PS﹕我買個個AM TRANSMITTER 係截稿前重未到﹐所以我真係對郵遞服務極度不滿。我禮拜二申請既VERIZON﹐用UPS都到左啦﹗

堡嘉勁

BURGER KING其實係香港80年代中期至90年代初出現過﹐第一間又係出現係尖東帝國中心﹐個期尖東非常禁旺﹐可以話比靡而家既MK﹐阿SAM個時係到拍最佳拍當﹐房龍又係尖東永安拍差佬故事。我阿瀾個時因為係佐敦讀小學﹐因此老豆成日都帶我去。第一次接觸BURGER KING係拒地既小皇牌﹐即係我地而家既WOPPER JR。細個唔知好食唔好食﹐總之見飽就食。唔理拒係麥狗﹐抑或BURGER KING。但係因為BURGER KING既宣傳係擺係成年人身上﹐分店又唔多﹐始終唔夠麥狗做。後尾係加連威老開多間﹐中環又有一間﹐但係最後都頂唔順﹐徹離香港。

我阿瀾大個後就鐘意食拒既WOPPER 啦﹐因為拒D牛肉係燒出黎既﹐香過麥狗好多﹐麥狗D老牛係煎出黎既﹐而且拒地D飽又抵食D﹐鬼禁大個﹐鬼禁多料。其實先個排都有D心灰意冷﹐因為BURGER KING D 飽渣左好多﹐但係近期食番﹐滿意非常。我記得年前阿牌神黎美國都成日拿住BURGER KING 食﹐拒話一來因為香港無﹐二來因為麥狗D飽好貴﹐但係拒原來唔知有DOLLAR MENU﹐笑死。各下係唔係麥狗FANS呢﹐如果係又會唔會轉轉口味呢﹖

佳節

日前Fiona在中環接受訪問時說：咁早未收到禮物呀，邊度有人好似我咁癲，我驚時間唔夠，一見就買先，跟住又忍唔到，買就好想送。舊年都有朋友送禮物畀我，o K啦，舊年都冇去玩，以前就成班人出去玩咯，而家冇啦，節日係零人約，因為人全部預我要做。

平安夜舉家飯後，緊接節目是歸家大被蓋過頭。

藝人係娛樂大眾，我每次唱886呢首歌，人人都好開心，好過冇反應，畀到人歡樂咪ok 囉。

阿FI﹐我同你越黎越夾啦﹐大家幾似﹗

聖誕節都係同阿快必呀﹐快必嫂呀﹐成班友仔行尖嘴囉。十幾人﹐周街人頭擁擁﹐D衰友又係到噴雪﹐嘈嘈閉禁。上過科學館上面影相啦﹐背景黑沉沉﹐但係又幾好玩喎。又試過係尖東間REPLAY牛仔褲前面影相﹐個效果唔錯架﹗型囉。兜下兜下落埋海濱公園﹐周圍岌下野禁。多數拒地會提意去唱K既﹐但係大時大節﹐鬼禁多人﹐等位等到天光﹐D知客會話﹐先生留個電話﹐有位打比你啦﹐禁我係掃興呢黎架嗎﹐又鬼禁眼訓﹐之後我就會話我番歸架啦﹐一條友仔坐通宵地鐵﹐火車番屋企混周功和。快必我愛你呀﹗

又有一年﹐阿文頌德知我無節目﹐無女伴﹐所以拒同阿嫂就預埋我一份﹐係青衣城食過日本晚飯後﹐三丁友就行青衣BAUHAUS﹐你知D野都好貴下D TOUGH 呀﹐BOY LONDON呀﹐通常齊睇。無幫親。後尾重出埋尖嘴添﹐哈哈又係尖嘴﹐成日尖嘴。大家影下相﹐聚下真係快樂。時間尚早過埋中環添﹐點知可能個期經濟麻麻﹐水靜鵝飛﹐重見到雷雨楊一條友仔。我地三人行就繼續留倩影。留下美好既回憶。再夜D大家都肚餓﹐三個都係食得之人﹐諗住混野食﹐點知原來選擇不多﹐間間打央﹐後來係灣仔見到間爛鬼茶餐廳就坐低﹐沖沖醫肚就離去。

記得兒時都好鐘意去屈臣氏﹐萬寧氹老豆買聖誕禮物﹐通常係STAR WAR玩具﹐又或者係LEGO﹐見到D兩舊幾水港紙既LEGO﹐真係好鬼鐘意﹐我鐘意LEGO既城市系列﹐綠色膠板上面起間靚屋﹐通常我會跟說明書起一次﹐之後自由發揮。又成日發夢可以買齊成個城市。起晒路呀﹐車呀禁。但係永遠都買唔齊。又覺得中環個間屈臣氏特別有聖誕氣分。

今日星蹤

今日星期日﹐雖然無得行銅鑼灣或者出聯和墟飲茶﹐然後番屋企嘆報紙。但係依然準時到教會同SCION總栽及張秋練詩。完左之後就係我菜瀾大派禮物既時候啦。多謝各位朋友你地對我既冷嘲熱諷﹐支持與鼓勵同埋忍我成年。希望你地會喜歡我既小小心意。大家唔使有甚麼陰謀論﹐我會係你身上囉番D乜野﹐因為我乜都有﹐同埋我今時今日已經唔使再討好任何人。真心既﹐希望你地聖誕快樂﹐唔使回禮架啦﹐回就最好啦﹐唔回我都唔會嘴奏你一世。有心得架啦﹗

再同星霸董姐浩康大衰光仔食飯﹐好耐未試過啦﹐食左個涼瓜牛肉飯﹐好正呀﹗細碟遮﹐我同黃董都唔夠啦﹐係餅鋪阿光仔問我個袋係咪APE﹐果然係識貨之人呀。各人分手後自己買餸﹐回程時阿衰重撚化拒地話去買黃鱔添﹐果然有大師瘋範呀。抵大師錫你既。多謝二師既娛樂影帶﹐大衰既精彩MP3﹐SIMPLE IS THE BEST﹐番到黎屋企對住個腦整音樂﹐已經非常開心﹐美好生活就係禁簡單。回禮回MP3 FILE 啦大家﹗哈哈哈﹗

菜後檢討

早晨﹗ 試考完﹐野食完﹐番屋企食過士頭婆D飯﹐就開工﹐直至夜晚12點先番﹐途經過教會﹐見到兩條友仔係裡面﹐但係車太快﹐唔知邊位。去左明泉食晚飯﹐惦呀﹐我會回來﹗ 今日繼續開工﹐遲D見﹗ 拜拜﹗

李黑人新碟大飯廳

一向似住自己識唱歌既李黑人新碟<大飯廳>耗資兩百港元，採取全港突破的現場錄音製作最新大碟。李黑人覺得以往在錄音室錄製唱片每次都要餓住個肚完成，所以構思一次係自己飯廳的現場錄音，過程就像一邊打邊爐﹐一邊卡拉OK。該飯廳更係依照維也立一般家庭飯廳而做既飯廳。唱片公司請得4位華人音樂大師飽樣(側田老豆)、羅敏裝(國家一級自動升降指揮)、張秋(車勞)、港版HARRY POTTER 龍向賓博士(陪張秋拉野)為專輯作現場演奏。大碟的制式亦來一次突破，採用DADC的印製模式，為全球首張華人Dual Disc。大碟一面係PLAY唔到，另一面就READ唔到，帶來10首聲畫俱備、完美無瑕的HIP HOP作品。

今日行程

話禁快又到左大考﹐呢個學期真係快到離普﹐今日搞惦左第一科MATERIAL SCIENCE﹐呢D三字頭科目﹐話難係難﹐話易唔易﹐成十九張NOTES分三日背晒。今日番去背默﹐理應無問題。成日都覺得自己其實係文科人﹐偏偏走去讀理科﹐作文既成積係好過計數﹐但係無所為啦﹐都就黎搞惦囉﹐讀完先做D自己興趣既野﹐有錢先玩藝術。不過可能日日叫我作文我又想計番數架啦﹐人就係禁衰。考完就落左唐街買野﹐岩岩比我執到個靚位近晒亞州﹐拿拿臨買多D野唔使鈴禁遠。落到去見到兩個店員係到砌公仔麵﹐拒重問我要邊隻﹐幫我囉埋﹐又有禮貌﹐我唔該前唔該後﹐對住呢D禮貌人我實禮貌番拒十倍。之後我就上左都市退番我個瀾’S POD套﹐囉番八雞﹐順便看下有乜正野﹐原來無乜﹐有排都唔使再上。番到屋企以為阿媽買左事頭婆D飯﹐點知原來無買﹐走番去麥狗買飽﹐買麥樂雞食。

藝術家聚會

本人開工既地方格黎條街有一間GALLERY﹐唔係賣黑鬼鞋個個GALLERY﹐而係真係擺藝術展品個D。較早前行經該處見到人頭湧湧﹐成班所謂既藝術家企晒係個度﹐傾下講下。我真係好想知道拒地既話題係D乜﹐會唔會話“OH﹐THIS IS ART﹐ THIS IS SO GREAT”﹐兩句對白之後重可以有D咩講呢。我講到明我係膚淺之輩﹐所以我唔知﹐好奇囉﹗

但係話說回頭﹐如果有一日個GALLERY裡面要裝修﹐禁岩得禁轎有D工人唔小心留低幾件磚頭係地下﹐又禁岩有班藝術家入到黎﹐唔知拒地又會唔會話“OH﹐ THIS IS ART﹐ THIS IS GREAT” 呢﹖

可樂糖

大家都知我唔係好好甜野﹐我鐘意食既甜野來來去去都係個D﹐而糖果方面﹐梗既我又唔岩﹐除左飯之外﹐糖我都係要軟既。好細個﹐阿媽重打緊工個時﹐係阿媽教我食可樂糖既﹐當時無優之娘板﹐買到可樂糖既地方並不多﹐我講個隻當然係遵形既可樂糖啦。當時黎講係新口味﹐係外國入口既﹐價錢都比普通糖果貴。你聞下拒係有少少膠味﹐但係就越食越過癮﹐一粒又一粒﹐直至食晒為止。唔知係咪落左D咩落去。旋風可樂糖係梗既﹐但係平D﹐又易買D﹐可多時D小學門口有得賣﹐係錫紙包裝﹐用黎頂下癮我都會。因為味道都唔錯﹐電視都有賣廣告﹐“包紙裝﹐錫紙裝﹐可樂美味甜又爽。”重有一隻就係罐形既可樂糖﹐個罐唔係鐵罐﹐係膠罐﹐好細好細既﹐個開口重要扮開罐掩﹐裡面D糖係好似丸仔禁既﹐搭落口會融﹐呈粉狀。係北美各大超市如WALMART﹐KMART﹐一般既地方你都唔會見到可樂糖既蹤影﹐唯有係D MALL既糖果店先會發現﹐不過到係幾貴﹗ 我一路都唔明點解拒唔似雄仔糖禁普及。

心寒

北風颯颯﹐凍到爆﹐又令我諗起大家樂既一人火窩﹐雖然唔係好惦﹐又唔係太好食﹐但係就係好入腦。又雖然無稻香火窩既新鮮鱔片﹐手打肉圓。但係我都慶幸係廢城住﹐起碼有中美﹐韓阿才﹐重有最新既美東超市已經係十二月一號開張。令到我可以買到靚肥牛﹐邊爐氣。起碼唔使係北卡﹐西維住禁慘﹐乜都無﹗你試過就唔會再話廢城悶﹗禁鬼凍重令我諗起天蠶衣添﹐我本身就唔著得既﹐因為敏感(吻感)﹐但係想當年見到D人排晒隊係銅鑼灣﹐尖嘴係到買天蠶衣實在驚嘆﹐重有係新港羽絨城個個拿住見SOUTH FACE﹐二千就二千﹐面不改容﹐都唔明D人點解鑊鑊凍先去買衫同買孿爐。我而家出街就梗係FULL GEAR 上陣啦。冷帽﹐手套小不得重整埋條雪褲添﹐簡直正呀﹗

今日終於黎到學期既最後一日啦﹐話時話﹐好耐未試過可以全日係屋企做下自己野﹐看下碟﹐訓下覺﹐真係好期待放假﹐但係放假我重多野做過番學﹐係D衛道之士成日以為我吞撲去左玩遮﹗希望真係有幾日可以休息啦﹗今日學校有免費午餐﹐有大食大﹐我一囉就三舊三文治﹐飲兩支冰茶﹐重有阿霸陪我添﹐多謝﹗

其實想儹我D錢真係唔係禁易﹐因為我個人生性麻煩﹐厭尖﹐克薄﹐真係唔易服侍。前個排買左個瀾‘S POD﹐買左個FM TRANSMITTER﹐試完﹐唔得﹐退﹐再買最貴個隻﹐都唔得﹐再退。試過阿CREAM個隻得﹐終於買個隻。我而家個套都唔滿意架﹐不過未看岩渣。遲D退埋你﹗

李克勤演奏廳 2

見大家呢排成日講我﹐日日眼媚調﹐整多濟大家睇下。

聽完咁多Hi-Fi友激評《李克勤演奏廳》，監製金培達回應話：「對於Hi-Fi朋友覺得克勤隻碟唔似Hi-Fi碟，其實非常，如果真係Hi-Fi碟就大鑊喇，因為呢個Project係希望將流行曲結合Hi-Fi界元素，可以話係專業流行大碟，絕對係一個新嘗試。今次創作有別於一般流行曲，佢會表現流行曲冇清晰感，我個人會推介《情非首爾》同《韓夜不冷》，比較貼近於Hi-Fi音響樂曲編排。至於會唔會變成兩頭唔到岸？其實一個新嘗試就係要令到唔似流行曲又唔似Hi-Fi音樂，兩者兼備就係今次大碟主旨喇！」

Elaine ： 「我都幾鍾意克勤，佢歌曲難度高，絕對吸引到我去買！$110 至 $120都值得，香港歌手可以做到Live錄音，我相信得克勤、學友同王菀之可以。」

我不嘍鐘意D聲犀力揭既哥架啦﹗ 110-120 就唔係好值啦﹐老老實實﹗

Helly ： 「我唔係克勤Fans，但係覺得值得一買。$120 都OK，有實力克勤加上Live相信好正， DualDisc 一碟兩用夠晒環保！」

Ling ： 「我比較重隻碟多唔多送，起碼送Poster啦，$80都會考慮買。」

你都痴線既﹐禁鐘意買POSTER咪去信和囉﹐買我隻碟把鬼咩﹗

惠 &Sarah ： 「今次克勤隻碟$110都會買，有新又好聽一定買！」

多謝﹗

Sharon: 「我唔係Fans，$90 都 值，未必買喇！」

講咩唧﹐走啦﹗

康 ： 「克勤演唱會我都好想買飛睇，實力歌手愈來愈少喇，有得聽、有得睇，$118 都 照 買！」

唔買我無飯開﹐無錢交學費﹐無錢買ZOO YORK﹐電器﹗買啦﹗

陳換人(陳奐仁)

首次聽到陳奐仁既名字係係陳亦迅既EASY RIDE 演唱會﹐阿陳當時現譯既係愛是懷疑﹐比我既感覺相當新鮮﹐比靡阿陳既另一D作品例如反高潮同第五個現代化。節奏強勁﹐節拍準承。第一次見拒真人係阿陳既另一次演唱會。一身盔甲打扮﹐繼續RAP RAP RAP﹐呢個肥仔確係有D 料。再後來同愛迪生合作香港地﹐戰爭﹐犀利。再再近期係監製阿融隻碟﹐個隻愛得耐又係耳目一新。再再再近期既林狗﹐三字頭﹐男子組。嘩。HIP HOP 搖舌既代表重唔係拒﹗當今年輕人都鐘意HIP HOP﹐只因為HIP HOP 文化等於型﹐有邊個年輕人唔鐘意型呢﹗ 令鈴加OVERSIZE加長鏈加闊褲加包頭加CAP帽加HUMMER加CADILLAC。50CENTS﹐ SNOPP DOG﹐M&M﹐連MIRAH CAREY﹐陳奐仁﹐EDISON﹐小春(淨係衣著HIP HOP﹐唱既仍然係一句到尾)﹐周杰倫﹐蔡依林﹐鄭融都HIP HOP 。你HIP HOP 嗎﹖

春街媽必搞事事件

沉日準時九點起身﹐一野彈起就整理儀容。我平時未必整理得禁好架﹐除非時間充預﹐否則堂堂潮流教父都可以頭唔洗﹐個頭訓到成條界﹐帶番頂潮帽﹐著條綠褲﹐著埋綠鞋就走去番學。原來我都可以好求其。(綠色象筋褲+免綁帶綠鞋係當今最易著既行裝﹐一穿即成)。發覺原來要參加既美國抽獎今日到期﹐一下醒起要影相﹐因為無機﹐所以要去CREAM’S PRODUCTION 影樓﹐但係當時原來阿CREAM 還未開門﹐在網上見到SNAPSHOT﹐同拒交流交流﹐講下近況。終於見到BUSY CREAM SHOP 開門﹐拿拿臨渣車過去﹐上到影樓﹐老板CREAM親自操刀﹐效果當然甚佳﹐比靡攝影大師夏永康。製作完成後﹐更有一渣新哥付送。之後我建議不如在我車試下D音樂﹐順便去埋郵局。旅程既興鬆又愉快。當時二人打扮相當隨意﹐綠褲一番﹐有提意不如搞事一番﹐但係為存厚道加上心情愉快﹐都係打消念頭。

忙爆的星期

各位我既朋友﹐呢幾日好忙﹐我又唔想求其打幾隻字應籌﹐例如“失望”﹐“過癮” 既TOPIC黎交功課﹐更加唔想打埋D令人不安又要人估估下既題目﹐因為我鐘意指明道姓﹗ 想繼續同我一齊過優質生活同回顧我既過去既朋友﹐請稍等﹐多謝。