全職學生

一切從禮拜五講起﹐放學後同兩鬼妹﹐一鬼仔同學練舞﹐因為聽日FINAL﹐GROUP DANCE﹐唔係無意思禁齌跳一輪收工﹐而係要有主題﹐我地既主題係男與女﹐小小故事形式﹐講男女成長既故事﹐前段動作多過真跳﹐最尾黎個集體真跳埋齌。我個GROUP岩岩好兩對熟識既朋友仔﹐溝通無問題。 練舞過程輕輕鬆鬆﹐忍唔住笑。

跳舞堂有位西語同學﹐人見人怕﹐原因係個身其臭無比﹐游人避之則吉。有時真係唔係好想歧視人﹐但係真係頂唔順﹐行過飄埋黎已經好勁。

之後例派動作﹐幫老豆手﹐夜晚再黎個兩周一次既龍蝦之夜﹐次次都鬼禁好味﹐隻龍蝦甜到爆。碟通菜差左小小。途經煲煲好﹐執左囉﹐換黎既係由肥婆強主理既中菜﹐我望過入去﹐客路不多﹐都唔係幾禁入﹐都係下次先試菜啦。唐人街中菜真係難做﹐你夜晚望下D大酒樓﹐水靜鵝飛﹐做茶市又混唔到幾多。燈油火蠟﹐好多人都係比‘做生意’三個字累死﹐真係聞者心酸。

沉日禮拜六繼續幫手﹐晏晝食DENNYS免治牛扒﹐夜晚本應支持快必﹐但係番到屋企已經六點有多﹐主要又‘累’﹐所以都係打消念頭﹐休息去也。

聽日有PUBLIC SPEAKING FINAL﹐跳舞FINAL﹐黎緊重有三個FINAL﹐求主保守。

菜瀾暑期節目預告﹐古靈精介泰國遊﹐大酒樓﹐鬼眼2﹐我和MARK雷的面試。