得閒飲茶

飲茶文化對於大細衰黎講好流行﹐兩條友仔嘆慣食慣﹐成日走去飲茶。我都好鐘意飲茶﹐因為多野食﹐

普通車有﹕腸粉﹐蝦餃﹐排骨﹐牛仔骨﹐鮮竹卷﹐燒賣﹐珍豬雞﹐山竹牛肉﹐干蒸牛肉(CREAM叔提供)﹐雞絲粉卷﹐羅漢齊粉卷﹐臘腸卷﹐叉飽﹐奶黃飽﹐豆沙飽﹐雞飽仔﹐大飽﹐叉燒餐飽﹐灌湯餃﹐狗菜餃﹐豆苗餃﹐潮州粉果﹐香茜餃。

甜品車類﹕白糖糕﹐芝麻卷﹐木桶豆花﹐芝麻糊﹐紅豆沙﹐綠豆沙。

煎野車有﹕青椒﹐矮瓜﹐煎腸粉(煎腸粉﹐我最怕啦﹐無味﹐唔軟熟)﹐蘿蔔糕﹐年糕﹐馬蹄糕﹐芋頭糕(糕類我又麻麻﹐邋口得齊)

如果係我個年代既又會有玻璃車類﹕遮仔啫哩(好想要把遮黎玩﹐開下柵下﹐整到爛晒)﹐旗仔椰汁糕﹐芒果布甸﹐海蜇燻蹄﹐鹵水鵝掌﹐成架車整到好鬼多燈﹐又靚﹐但係媽媽多數唔比叫呢車野﹐因為話貴﹐多數超點﹐我其實好想叫海蜇燻蹄﹐不過拒次次都用D野唔新鮮既籍口話唔好。

炸野車類﹕春卷﹐鹹水角﹐芋角﹐炸尢魚鬚﹐蛋撻仔﹐腐皮卷﹐重有西米焗布甸添(我唔食既﹐不過以前先有﹐而家無晒﹐有次阿泰凱就係用呢種方法整芒果布癲﹐拒好野呀夠OLD SKOOL﹐不過芒果布癲唔係咁整架呢﹐雪出黎家嗎。)

之後又有牛腩車類﹕有狗菜豬紅﹐蘿蔔牛腩﹐牛什﹐又有肥蛋瘦肉粥。

後來又有D淥淥下車﹐有淥麵﹐油菜﹐牛柏業﹐生腸。(好鬼多人圍住個阿姐﹐阿姐唔知比邊個先好)

真正呃錢類﹕抄蜆(飲茶食抄蜆﹐笑死)﹐炸豆腐﹐鮑汁餓掌(成日覺得係前一晚飲宴淨個D)﹐椒鹽蝦﹐炸多春魚﹐薑醋 ﹐這些都是超級特點﹐媽必是不會叫的﹐但還是有很多人會叫﹐阿姐拿住個盤問你炸豆腐岩唔岩﹐媽必一定答﹕唔岩。

阿岩岩記得有車抄米粉都好鐘意架﹐顏色又多﹐又大碟﹐最尾重加芝麻添﹐好味到爆呀。

推車仔之後又演變成剔紙仔﹐要乜剔乜﹐懶高級咁。

再後尾演變就有成排長臺代替點心車﹐一字長蛇陣﹐要乜囉乜﹐拿住張卡﹐一隻手最多囉兩碟﹐鬼咁危險﹐後尾又整D盤比人囉﹐興到以家。

重有好多好多﹐未能盡錄。

當然大人有大人飲茶﹐細路有細路玩啦﹐好似爸爸帶你睇魚魚﹐混牙籤黎整星星﹐吹筷子筒﹐幾張凳夾埋比BB訓﹐走黎走去玩捉。。。


得閒再講﹗