不變的大圍

多謝阿凱灘影左D大圍相﹐令我有得作文﹐我中二到TI個段日子都係係大圍住﹐住係大圍半山D村屋﹐好鬼靜﹐好多人養狗﹐重唔鐘意綁住D狗添﹐試過幾次比狗追﹐草叢又多﹐好多真禽異獸﹐當然有我最怕既蛇。細個未有車牌﹐日日都要行落大圍火車站﹐或者行落舊大埔道搭巴士途經深水埗嘉頓出旺角所以又會同阿CREAM叔撞過(其實大圍出九龍係好近﹐最快15分鐘)﹐個條斜路又斜﹐都相當辛苦。阿媽阿爸要混食﹐好多時我自己就會自己搞惦﹐落大圍食野﹐食下魚蛋粉﹐食下美林村既PIZZA HUT﹐幫親最多就係圖中既上海鋪啦﹐衰然唔係好好食﹐但係全區得拒一間﹐我又鐘意食客飯﹐所以都幫親﹐間野既食客以上左年紀既人居多﹐我係裡面算係相當特出。後尾大個仔啦﹐發覺住大圍最方便既原來係去駕駛學院學車﹐我住個條村一個山頭之格有個火葬場﹐之後重有個寶福山添﹐我地搬左無幾耐﹐班友仔竟然夠膽成副棺材揼係個垃圾房度﹐都咪話唔得人驚。