白色遊艇同中式遊艇

我到今時今日都好鐘意白色遊艇﹐因為好靚﹐可以係船尾就禁跳落水﹐真係好玩﹐但係我都未試過。玩黎玩去都係中式遊艇﹐好幸福可以係香港跟住老豆阿媽﹐好幸運八十年代D公司多數有隻公司遊艇﹐感謝主比我老豆阿媽係個度打工﹐如果唔係我無咁既機會可以出到海。個時D公司真係好﹐因為混到錢﹐多多福利﹐有得遊船河+美心到會+南丫島食海鮮。我上到船好少坐後面﹐多數坐最前有排位﹐因為我會雲。但係前面就唔會﹐有澳門水翼船經過﹐就會有大浪過黎重拋下拋下添﹐好玩過過山車。沿途望番個維港﹐望下西灣﹐個種感覺﹐真係好好。

去到D無人既沙灘﹐見到有白炸﹐船長又會車去第二度﹐車到去一個更加淨既沙灘﹐十幾廿年前﹐我重見過一個係望到海底既添﹐香港喎﹐而家邊有。D美心到會夠好食啦﹐D肉醬意粉﹐CREAM DOG同日本野食都應該鐘意到爆啦。

同D女一樣好怕晒黑﹐但係偏偏好易黑﹐因為呢個原因﹐令我係NORTH PHILLY安全好多﹐拒地以為我自己人﹐讀左咁多年﹐出出入入都無比人打死既原因。