秋天的人話

上星期岩岩先同華頭講過我好鐘意經典港產片秋天的童話﹐之後岩岩個星期日亞邱電視真係中午做喎﹐媽必預言又中一次。係啦﹐真係好鐘意呢部電影﹐當年係我住既屋苑一間叫大卡士既租帶鋪租黎睇既。記得當時年紀少﹐不知情為何物﹐就已經覺得好好睇。後來番睇又番睇﹐都唔知幾多次啦﹐識背出黎禁濟﹐後尾都要補買番隻VCD﹐而家重係到。講到尾鐘意既原因真係有好多﹐有我最鐘意既NEW YORK啦﹐強人街啦﹐強人街既銀宮大酒樓啦﹐即係周潤發做企臺個間﹐我當年真係去過飲茶﹐而家變左第二間茶樓喇。

入夜後既NEW YORK 卜倫橋啦﹐嘩﹐個個夜景真係我最最最鐘意架啦﹐我次次渣車經過個度都係覺得好正﹐好浪漫既﹐有機會一定車華頭去下。CREAM頭﹐餅頭就試得多﹐係車都係講笑居多。

戲裡面既華人生活啦﹐都係好真實既﹐去AC賭錢呀﹐落強人街食鴨仔飯呀﹐單春蛋治呀﹐去NEWARK接機呀﹐鬧鬼佬呀﹐百老匯呀﹐住埋D爛鬼DEPARTMENT呀﹐做BABY SITTER呀﹐你係度生活過就知。就算未生活過拒都係寫得好細致﹐好精景﹐好好笑。

裡面有幾場戲好深刻既﹐首先係阿紅姑叫發仔車拒去接陳百強火車﹐一去到﹐DANNY仔竟然拖住個ABC女﹐重鬧紅姑添﹐真係好HURT。

第二就係發仔同紅姑行秋天的童話沙灘﹐真正既媽必都行過﹐重比我講番馮粹帆係精裝既搞笑版﹐再一次笑到阿CREAM噴飯添。

第三幕就係講紅姑要去LONG ISLAND做野﹐要搬走啦﹐發仔用拒架GEO PRIZM換左條表帶送比拒﹐好唔捨得﹐重要跑到上橋送拒走添﹐嘩﹐搞到我喊禁濟。相愛但不能愛﹐最慘。

最尾TABLE FOR TWO當然經典啦﹐發哥最終完成理想﹐見番紅姑﹐紅姑臭個個細路女重係禁細﹐即係唔係格左好耐﹐華頭發現既﹐哈哈。結局係點﹐有D想象空間﹐嘩﹐何其浪漫。