揾工要噪

除左收銀係我一個理想職業呢﹐細個重有一個想法既﹐就係鐘意係別不同做煎年糕﹐煎蘿蔔糕喇﹐個間野位於太子麗聲戲院格黎。見到D阿伯係個熱板度煎糕﹐何其過癮呢。身後個雪櫃又有大量馬豆糕﹐紅豆糕供應﹐真係一分理想既職業。我同華頭都係鐘意呢D他他條條既工﹐無壓力﹐又開心。好可惜既係呢D禁既舊式涼茶鋪﹐已經買少見少。

噤我唯有退而求其次﹐作日係華頭協助底下去到揾我既第二志願﹐政府工去了。首先見到既一分係衛生處請醫生﹐嘩﹐七皮幾一個月喎﹐住邊都得喇﹐老婆發達啦﹐夠錢租跑馬地﹐半山﹐柏建時道喇。不過我要問下讀工程拒請唔請先。同埋我有怕核突﹐怕污糟架喎﹐比得禁鬼高﹐更係大把野做啦﹐都係唔好喇。

警員﹐唔使啦﹐以前無學位就話遮﹐可以做高級D既督察﹐起碼唔使做散仔要係凶案現場看屍先啦。放且D古惑鬼做既野我又一清二楚既﹐破案應該易如反掌。但係衰危險同埋遇埋D人麻煩啦。家人又唔放心﹐算把啦。

之後係政務司司長辦公室請高級管事﹐即係做政務司個工人﹐輪班添﹐要番夜﹐唔惦﹐我要訓覺。

食物環境衛生處請食物安全主任﹐又係七皮野一個月﹐發達囉。職責我稔都係周圍試菜架啦﹐重要係政府比錢我去試菜﹐不外乎睇下D野有無毒啦﹐拿住支銀筷子督督下啦﹐無變黑就走得架啦。見工問我你咩名呀﹐菜瀾囉﹐禁得啦﹐請你架喇﹐稔得過啦﹐呢份。

助理音樂主任﹐教唱野﹐惦喎﹐但係要識小提琴﹐我細個無放棄就可以做喇﹐而家唔得啦。

季節性救生員﹐唔惦﹐我淨識蛙式﹐要晒黑﹐唔好喇﹐夠黑架喇﹐樂仔咩。冬天又量地。

影視及娛樂事務管理處﹐高級規管事務主任﹐不離睇下戲﹐管下D電視台﹐管下志雲﹐岩做啦。七皮一個月。