乜MAN物MAN

前幾日同CREAM叔研究下次我地應該開咩戲呢禁﹐我就話開乜都好﹐千其唔好乜MAN物MAN喇﹐投資大﹐回報少﹐乜特技都玩過晒啦﹐用呢D去撼人﹐死梗。故事千篇一律﹐邪不能勝正﹐不能教壞細路。

乜MAN物MAN開始係比野咬﹐細個有陰影﹐奇遇之後有特異功能可以變副麻雀出黎既。有錢科學家混自己做研究﹐搞到自己變左怪獸同乜MAN物MAN打生打死﹐地鐵﹐飛機﹐海底﹐掉黎掉去﹐因為要救個細路搞到比怪獸走甩。

乜MAN物MAN個樣好正義﹐D怪獸個樣好核突。結局怪獸比乜MAN物MAN打瓜﹐原來怪獸有個仔﹐下集覆桌。兩年後既暑假再混過錢。下次再變隻更怪更勁既怪獸同乜MAN物MAN再打過。不過D乜MAN物MAN可能嫌件膠衫太熱﹐怕被定型﹐要換人都唔出奇。

現在黎講﹐我都係鐘情故事﹐笑話﹐愛情﹐細路片多D。