FINE ART(笑話)

前幾年我見無咩做﹐走去學人讀書﹐讀番個FINE ART DEGREE﹐稔住第時可以幫補家計﹐點鬼知我份人懶到出汁﹐一個學期番個三日學﹐落雨﹐落雪故之然唔番﹐眼訓少少同凍少少都係唔番﹐渣車又嫌遠﹐要比橋費﹐七除八扣得番開學﹐MID TERM﹐FINAL三日囉。

做功課就整左幾座好鬼大既鬥獸棋﹐成個人咁高﹐搞到屋企都無位行。又做過D人頭仔﹐自己無乜錢﹐走去D生果鋪囉人D椰皇就整左幾隻維悄維妙既人頭仔。FINAL PROJECT﹐要我畫幅畫﹐我咪叫大衰幫手囉﹐我捉鬼住拒﹐用拒雙股作石﹐兩點作花﹐重畫左隻雀擔住條蟲添。交埋幅水墨畫就畢業喇。