華頭飯局

下晝係快必同拒阿媽PUSH介底下去左揾高佬﹐係利得街既高佬麵館﹐唔係別府或者味千個D年輕人竇﹐大家都知道個D地方滿足唔到我既﹐係D細路同唔識野既人先會去﹐利得街曾經出現過一班賊王﹐槍戰﹐如今變成高佬既基地。事先快必媽已經話會同D地盤佬坐埋一台係到食﹐我梗係唔怕﹐怕咩。吸收左上次係蛋河既教訓﹐先叫一碗雲吞﹐一食就知岩我﹐可能唔岩你﹐麵帶乾﹐似象根﹐豬油味﹐細細個﹐可口﹐食多個腩麵﹐今次有腩汁添﹐重正﹐廾二蚊兩樣。好野唔一定貴﹐當你知道麥根25蚊一兜。不過可能你唔鐘意去D污糟竇。

夜晚接放工﹐之後落番老銅﹐當然又係呢個家私時間﹐知道華頭都好TIRED架喇﹐好心急揾地方食野﹐兜過利園﹐行過怡和街﹐茶餐同粉麵都唔岩架喇夜晚﹐後來我見到金河越南野﹐記得好耐已經有﹐重係到應該唔會衰得去邊﹐生菜包住春卷食得過﹐粉皮包住碎豬肉﹐呢個正呀﹐兩個熟牛河﹐D河粉每條都好夠味﹐有晒牛肉湯係裡面﹐岩岩好﹐唔過火。唔錯既一餐﹐番歸。

番到黎快必無耐就番﹐重拿住碗雞湯比我添﹐太好喇拒﹐重有亞婆整既一D糕點﹐古法整既﹐香到爆﹐想唔肥都難。