最佳女仔闖情關﹐精裝損友

華頭講周董個咪咪﹐我就講番晶王﹐其實精裝即係最佳﹐兩套野差唔多﹐最大分別係最佳係無志偉既﹐變左曹查理﹐亞叻﹐粹帆﹐劉華就依然有售。當然都無老周電視台。

故事講牛華同翁世傑係太子爺﹐比雞華害﹐搞到無左間公司﹐拒地重慘到要去雞華間公司打工添﹐雞華就同牛華輸賭﹐話牛華如果三星期大假後﹐職位可以高過拒就同拒吮。。。﹐哈哈王晶D野。

牛華就同拒班損友入去做野﹐開頭想見行政助理﹐但係九千幾人排﹐後面見到格黎條對排做後生無人﹐四條友應徵做﹐請左。行政助理個邊茂叔就請左D世叔伯個仔陳輝雄﹐笑死﹐個時已經係拒做。

開頭拒地係想係拒公司搞破壞﹐即係好似媽必禁﹐但係後尾變左做好間野﹐有一次拒地三條友入左老細明SIR房搞事﹐見到三個機械人﹐三條友係到玩個遙控﹐要其中兩個機械人唧粹帆﹐之後死人曹查理要第三個機械人埋去﹐但係唔好唧拒﹐粹帆以為拒好兄弟﹐點知原來拒話叫拒捉住粹帆﹐其餘既唧拒。玩玩下﹐玩鬼爛左三個﹐明SIR翻到黎﹐牛華知道大鑊﹐將計就計叫拒地三個扮機械人頂住﹐立左大功﹐四條友做左高層。

錯摸位﹐媽必學野喇﹐媽必最渣既一環﹐錯摸。豆斗老豆葉榮祖帶豆斗去相體﹐牛華就叫左之之係同一間餐廳食飯﹐牛華係瞞住豆斗同之之去食既﹐大鑊啦﹐又黎兩間影院一個牛華應付兩邊﹐搞到個頭亂晒﹐首先亞叻本來贏左錢可以包場既﹐點知後尾輸番﹐無得包﹐連買花錢都無﹐拉小提琴又無﹐班友去殯殯館點左班亞叔黎吹D打﹐令左渣花圈黎﹐笑死﹐班亞叔D野唔岩聽重可以轉GOR。粹帆想製做包場既效果﹐係餐廳樓下同亞叻扮黑社會話上面有人講數﹐趕D客走。後尾豆斗一乾人等上到黎﹐牛華要哩臺底﹐對隻手同豆斗握手﹐之之同豆斗重要識既﹐小學同學﹐之後牛華要出黎﹐曹查走去熄大制﹐黑晒﹐牛華走左入廁所暫避。

亞叻走去同豆斗講話牛華知道拒同人相體﹐好激動﹐要黎找拒悔氣﹐叫豆斗同拒老豆同個條友仔走。搞左好耐牛華先甩到身﹐安全。

最尾又黎多場錯摸﹐之之搞生日會請埋豆斗﹐一個劉華要兩邊走﹐又要啪走豆斗對隱形眼鏡等拒見唔到牛華﹐後尾豆斗叫拒老友墮蓮拿吳君九幫拒囉眼鏡黎﹐亞叻知道大鑊﹐報警話有個叫墮蓮拿既女人攜有大量毒品要警察拉拒﹐點知事敗。