係殺入屯門

我山雞前兩日殺入屯門﹐我最唔鐘意既地方之一﹐為做野﹐無法喇﹐條公路真係好長﹐好危險﹐好彩個日好天﹐幾次見到前面D TRUCK急煞﹐之後我架九巴又煞﹐險像橫生﹐要我同D朋友食完夜飯﹐番去屯門住﹐我情願。。。

我唔鐘意既地方﹐梗係不會久留﹐做完應該做既事﹐就即走﹐見車係出九龍就上﹐番出去尖嘴同華頭食藝壽司﹐估唔到原來係呢間野﹐係麻原張房囉個本集誌見過﹐介紹過﹐D下午茶餐平到廾蚊個﹐但係唔係垃圾喎﹐好野黎喎﹐食左九州麵﹐雞扒冷麵﹐咖哩牛飯﹐好食﹐抵到爛﹐唔去對唔住自己。

去赫德道囉超市免費FOOD STAMP﹐以為間野係新世界開架啦﹐點鬼知竟然有一間野係專同人換禮物既﹐笑死﹐換野都禁PRO﹐見到間野裡面好多LINKSYS ROUTER。

之後帶華頭體下PHYSICAL個門口﹐過去忠僕號﹐見到高校長﹐蘇絲黃﹐買飛入場﹐體下隻船﹐影下相﹐體下風景﹐乜都無買就走番入海運。無野買﹐無體野﹐過番新港體BALL鞋﹐都無﹐我眼訓啦﹐搭小巴番歸﹐係惠康買餸番歸煮。