淡水一日遊

禮拜六一起身就落B1食早餐﹐今日食中式﹐前一晚囉早餐票問我D粥加唔加地瓜﹐唔囉﹐唔岩食﹐白粥﹐肉鬆﹐椰菜﹐麵筋花生﹐幾廾樣配菜﹐我六歲個時去台灣就係食呢D架喇﹐個次重住間鬼酒店添﹐幾廾年後又食番﹐真係得意。食完今日唔係番房ALLS﹐係訓一陣﹐頂唔順呀﹐太累﹐話十一點出﹐比我推遲兩次﹐十二點先出去﹐落LOBBY搭酒店車去中山站﹐搭乘九廣鐵路前往淡水。

一路上係架車度﹐已經鬼禁多人﹐原來真係禁多人去淡水既﹐去到我見車就上﹐見到架去漁人碼頭既公車﹐就上左喇﹐我係根據網上既指示由金色水岸到紅毛城既﹐但係我都唔知個度係D乜﹐好在華頭見到紅毛城站﹐識落車﹐資料上亦都顯示﹐去周董間中學﹐係要先經條好斜既斜路既﹐一落車﹐見到個條野喎﹐重有兩個妙齡行上去﹐應該無衰架喇﹐先見到間大學﹐唔岩﹐再上﹐係喇﹐係喇﹐管理員真係唔理﹐任你行﹐學校裡面重鬼禁多學生添﹐禮拜六都番學﹐呢班友見到遊客都見怪不怪了﹐自從周董套野之後。我同華頭見野就影﹐影晒D橙色建築﹐之後就走喇﹐回程經過大學影一影。

肚餓﹐見到對面有間海邊餐廳﹐就去左食喇﹐無期望﹐因為呢D鋪實係食風景多過食碟飯﹐果然﹐地方不錯﹐叫我坐露天﹐我梗係唔會啦﹐你估我禁鐘意大自然架咩﹐坐裡面﹐涼冷氣﹐食既野有中有西﹐華頭李明知我國語無拒禁標準﹐拒幫我叫埋野﹐點知都出事﹐拒叫個餐岩﹐黎左﹐但係我個個就黎錯左﹐重要問我兩次添﹐最尾黎既野衰然係我叫既雞﹐但係都係用錯左方法黎煮﹐呢間野真係渣。

飯後同華頭沿住海邊行﹐幾舒服﹐係晒左少少﹐重見到好多人影結婚相添﹐就係個D喇﹐去台灣影野個D﹐華頭一野就話都唔知有咩好影﹐真係抵死﹐同我既意見一致﹐想去漁人碼頭﹐行落我覺得應該係有排行﹐所以就搭車去﹐果然重有好遠距離﹐好彩。去到風景唔錯﹐有我孖魚座最鐘意既海﹐船﹐橋﹐影完又出番去淡水市。

初頭以為D小食係D街市附近﹐唔見﹐原來係車站另一邊﹐多人多到呢﹐又多野食﹐不過又唔係野野岩食﹐串串鵪蛋﹐魚丸﹐紅醋肉丸﹐蔗汁﹐蔥強﹐一口腸﹐高高舌糕﹐炸舌糕﹐冰強胡盧﹐鐵蛋﹐應有盡有﹐食左唔少野。稔走華頭重買埋個DUNKIN 都甩添。

下一站士林﹐聽就聽得多囉﹐未去過﹐又逼爆添﹐大鑊﹐今日連逼幾鑊﹐未餓﹐先行賣野街﹐無野買﹐但多人﹐見到好多狗鋪重有槍鋪添﹐正﹐好多豬古力得意狗﹐我歡喜。見到APE 襪﹐APE背心﹐恤衫﹐但無買。後來先過去食物部﹐又唔係我想像禁多野岩我食﹐苦瓜汁﹐ALL仔煎﹐小籠飽﹐都算幾好食﹐但係又唔係嘩一聲個隻啦。太累喇﹐行一陣就走﹐番中山站行地下街﹐體下書﹐去番地面行衣碟EDITH百貨﹐三越﹐係三越買左個超好食蛋糕﹐如果士多脾梨變左罐頭桃﹐會正多一百倍。服務非常好既台灣商店﹐抵讚。

最尾一日﹐食過日式早餐過後訓多一陣就走了﹐坐酒店VAN﹐非常舒服﹐抵比拒賺﹐去到機場好早﹐可以慢慢玩﹐美國時間星期日零晨兩點幾我同華頭飛越子午線回雞香趕。

去後感﹐對上一次去係我六歲﹐重係國父紀念館放紙妖添﹐今次去之前好期待﹐因為我之前儲落一大班台灣朋友﹐又對拒地既食物非常有性趣﹐又有101﹐除左食物令我有少少失望之外﹐其他既我都非常滿意﹐環境﹐人﹐天氣﹐氣氛。聽日又禮拜四喇﹐真係想聽晚放工又坐飛機。