星期五

扑界條條友都唔得閒﹐無心戀戰﹐得番我呢個扑界狂人留守到最後一刻。衰然我D TRUMAN SHOW日日都一樣﹐淨係碟飯唔同﹐但係起碼講比人知都叫做UPDATE過。

起身﹐ALL C﹐刷牙﹐洗面﹐查膏﹐著衫﹐行去奧運站﹐囉都市實報﹐搭地鐵去荔景轉車﹐美菰買豬柳飽﹐係門口蘇PASS﹐囉杯﹐斟水﹐食豬柳飽﹐開機﹐MSN﹐CHECK BLOG﹐同田雞﹐亞釘吹水﹐CHECK EMAIL﹐做野﹐中午係海麗村祥景茶餐廳食蒜蓉豬扒火腿飯﹐雞蓉強﹐熱檸水﹐飯後都係餅鋪買左支BALL蘿檸茶番公司飲下﹐夏天係要飲D凍野先爽既。

下晝做野﹐七點收皮﹐自己去左美孤多多餅店買左個海棉體蛋糕﹐之後去左百佳買罐頭什果﹐桃片﹐鮮CREAM番屋企﹐華記番工﹐自己係快必媽樓下既海欣茶餐廳食飛天通菜牛肉晚餐﹐例強﹐熱檸水﹐買左份比古惑仔體既太陽報番歸整糕。

番到去將海棉體蛋糕打橫片開﹐將罐唔係夏日什果既什果鋪落去﹐我最憎夏日什果﹐希望大家都知係咩﹐個罐面基本一樣﹐但係寫住TROPICAL﹐裡面唔係我最鐘意既桃同提子﹐而係木瓜。之後唧CREAM落去什果度用刀片平。將海棉體蛋糕頂層鋪面﹐再唧CREAM鋪平﹐鋪桃﹐就變成我最愛的淨土蛋糕了﹐祝華頭生日快樂。