JONO人身真好玩

JONO﹐衣著大碼﹐喜愛淺白﹐鐘意搞事﹐喜歡說笑﹐食得慢﹐乞兒一名﹐不過係一個識英文既乞兒﹐比起美國華人熟識美國文化﹐唔識找平機票﹐唔會找人麻煩﹐結婚唔會叫FRIEND番熱D雞﹐過目不忘﹐憎人唔記得自己﹐愛自己班底﹐串爆人地班底﹐鐘意既野多數好﹐唔鐘意個D多數垃圾﹐深信普通好人好過教會既好人。不吃煙﹐不喝酒﹐不會和不熟的人扮FRIEND﹐唔蘇SO。134.4磅。

Sunday, June 22, 2008

星期六

開完夜已經係七點幾喇﹐係控制室不見天日﹐出到去一天都光晒﹐最遲走既一次﹐差幾個字條街就多人到爆﹐我肚餓﹐去左藍田三盞燈食番個金牌早餐先﹐腿通﹐蛋﹐厚多士﹐番去稔住訓番覺好既﹐點知九點幾出面轉牆﹐我破口大罵﹐用綿花擺係耳裡面﹐都係好噪。訓下醒下終於兩點幾起身﹐體下報紙﹐電腦﹐煮左個灣仔碼頭食下﹐五點宜家張臺到﹐砌臺﹐傍晚自己出左千色買臺布﹐點知無晒圓BALL BALL點﹐買左張核突既﹐之後金都囉帖﹐小巴番黎﹐街市買菜金﹐西檸雞﹐煮飯﹐食飯﹐體更上一層樓﹐劉華既兄弟。

劉華既再說一次我你愛同埋童夢大家都領教過﹐想拍好戲﹐點知都輪為BEE MOVIE﹐這次都唔例外﹐大陸王志文(想扮無間陳道明)做大佬有兩個仔﹐一個三GOR﹐一個奕迅﹐細個因為王志文求神問卜要分開拒地兩兄弟﹐同期林雪比奸佬方平殺死﹐林雪個仔就係黃實華﹐實華後來比王志文收養左﹐做一個好愚忠既人﹐扮相同舉動似足龍五同未來戰士﹐笑死媽必﹐強鎮業當然做奸喇﹐做方平個仔﹐劉華做差佬﹐林家棟做拒條靚。事前話劉華係做一個對故事好重要既差佬﹐所以一定要有拒分﹐有拒係成套戲扮型﹐當然惹笑好多。

故事講三GOR是龍頭﹐又要做一個好既龍頭﹐唔賣白粉既﹐方平兩仔爺就鐘意賣既﹐所以唔LIKE三GOR﹐D戲成日都有D禁好既黑社會既﹐唔賣白粉﹐只做對社會有益既事﹐功能咪同教會差唔多﹐導人向善﹐又講義氣。

方平唔LIKE三GOR當然會搞下事﹐殺拒老豆﹐狗唔狗開會又串下三GOR個隻﹐禁劉華知道呢兩條友兩邊都想開TALL﹐所以狗唔狗又會出黎打擊下﹐係王志文喪禮就係喇﹐黑社會最鐘意搞事就係係喪禮丫嗎﹐因為呢個喪禮﹐奕迅亦係美國番左黎﹐同期三GOR知道自己有腦岩(劉華戲一定有既絕證原數)﹐所以就部處個局黎整瓜方平﹐個局就係奕迅車瓜左拒﹐之後要著草去泰國﹐三GOR放料比強鎮業引拒過去﹐係泰國殺埋強鎮業﹐同期實華都比強鎮業殺番﹐搞惦晒全部人番左香港﹐奕迅一番去就比劉華捉左﹐三GOR又引劉華係果欄見面﹐奕迅係家棟監視下走甩左﹐去左果欄﹐三GOR人都傷晒﹐最後奕迅不小心想開槍劉華既時候打瓜左三GOR﹐完場。

片尾又整句罰計學下無間﹐我都無理拒講乜。

Labels: , ,

4 Comments:

At 2:07 PM, Blogger Milto said...

Hello,我間吾中搵到你呢個Blog'=)

 
At 2:14 PM, Blogger JONO said...

你好﹐ 間唔中﹖ 唔覺意呀嗎﹖

 
At 2:31 PM, Blogger Milto said...

系呀.,呵呵=)

 
At 2:33 PM, Blogger Milto said...

其實你系咪真系上TV個果菜瀾呀?

 

Post a Comment

<< Home