星期五

九點幾起身ALL C﹐體報紙﹐沖涼茶﹐WEEKDAY唔使番工﹐我地兩條中七友考完試﹐放埋榜﹐無暑期工做禁款﹐十二點同華強出荔枝角香工同尖美食飯﹐係地鐵站撞到我老細﹐點點頭﹐我地請尖美食飯﹐我食炸魚鴨胸飯﹐華強食羊肉飯﹐之後搭巴士番大隻嘴﹐郵局寄信無人﹐好正﹐番屋企訓晏覺﹐都係好正﹐四點稔住出MK行下買隻老番卡啦結君唱啦﹐落去搭小巴﹐一落即有車﹐正爆﹐去到廣華街落車﹐體槍鋪﹐去好景體GAME﹐之後去到間DVD鋪﹐點知收埋晒D老番﹐得D正版係到賣﹐檔野非常古惑﹐一係擺晒出黎﹐一係收埋晒。

之後又經過家樂對面檔買野飲店﹐條龍長到爆﹐當然亦有好多無野做既人係度排﹐MK D友最得閒架啦。之後去左潮流特衰行過ROUND﹐體埋信和﹐之後就搭番小巴番屋企﹐上左惠康買麵﹐蠔油。

體電視﹐七點幾送華強番工﹐八點叫左亞文洪成同減黎食飯﹐一齊行去大排檔﹐食炒蜆﹐老通﹐生炒骨﹐椒鹽炸墨魚嘴﹐蒜蓉粉絲蒸扇貝﹐幾好食﹐七十蚊個人﹐抵食。