星期五

送兩張今晚係屋企影既夜景你地嘆下。

起身﹐ALL C﹐刷牙﹐著衫﹐行去奧運站﹐囉都市實報﹐搭地鐵去荔景轉車﹐美菰買豬柳飽食﹐係門口蘇PASS﹐囉杯﹐斟水﹐食飽﹐開機﹐MSN﹐CHECK BLOG﹐同田雞吹水﹐CHECK EMAIL﹐晏晝去海麗村祥景食祖母豆腐飯﹐穩陣之選﹐唔覺意擺低埋杯熱檸茶﹐唔係我叫既﹐飲埋。

下晝做野﹐幫老細解決左個問題﹐幫拒一把﹐打過去西班牙同條友夾野﹐搞唔惦﹐要下個禮拜先得﹐今日亦都認識左個新國家格鲁吉亚﹐知唔知英文係咩呀﹐GEORGIA呀﹐電訊福將﹐六點半走人﹐番歸體奧運﹐中國加油﹐梗係啦﹐愛國架嗎﹐番去已經開始做前奏﹐見到方力根﹐亞叻係廠﹐韓郁霞就同我(克勤)﹐DO姐﹐三個係鳥頭體育場﹐唱國GOR個時﹐我重企起身添﹐今次派我出去坐﹐點計都唔會出現上次葉旋D串字事件掛﹐我禁好口﹐係衰過一次係台慶遮。

見個個台都係個D野﹐開始有D悶﹐就轉下D台﹐轉左去十九台亞視高清﹐見到谷一蕉﹐亞撈﹐猿彩雲都可以擔正﹐當時訪問緊搖搖大王亞晨同麥家棋﹐係麥家棋喎﹐唔知拒對D體育有幾熟呢。

八點開幕式開始﹐係禁放煙花﹐張藝謀做奧運開幕式導演﹐記住拒最善長既叫做農村小品﹐今次咪好似體緊另一套英雄禁囉﹐整D竹揀呀﹐碌張畫出黎禁喇﹐一開場成班解放軍打一種叫做否既野﹐唔係越南否呀﹐係一個好似豆腐格禁既野。

體到呢度﹐我忍唔住落街食米線喇﹐叫左肉片﹐腐皮﹐清強﹐華強好憎食既一間東西﹐親拒去旅行走去食。