星期三

六點起身ALL C﹐涼沖﹐之後叫醒老婆要走喇﹐囉行李落街﹐搭E21去機場﹐去到唔係太多人﹐行去大陸航空排隊都好快到我地﹐係CONTIN亞嬌幫我地CHECK IN﹐開頭話我地兩個位唔連﹐我話唔係呀嘩﹐之後幫我地改番一齊﹐好快搞惦晒﹐入去過關﹐都多多地人﹐不過三條隊我揀中最喇快個條﹐秘訣係唔好跟老外﹐跟本地佬無禁麻倫煩﹐一個迷老彩加部電腦OK。

入到去又見到大狗樂有位即叫華強坐低﹐我去買野食﹐我要粥加腸粉﹐老婆要炒蛋通粉﹐排隊買聽到D友去日本﹐好煩禁喇多中國人去。

食完行去閘口﹐好近﹐ALL 多篤C﹐上機﹐好新﹐唔錯隻機﹐隔黎窗口坐個南美佬辛苦D﹐好高下。機上體左鐵甲奇兵﹐猛龍﹐智能﹐有線旅遊去ZOO YORK﹐本能二﹐閃神﹐一夜賭城搞大左﹐幾好幾好夠多野體。

十五個鐘食三餐﹐第一餐魚飯﹐之後七點幾食雞三文治﹐臨落食麵條點心。

之後到左落機超多人﹐排過海關同華強一齊過﹐問我有無帶食物話無﹐蛋左超耐﹐最後搞惦囉完行李過去﹐我地架機多數要查﹐好彩我地又唔使﹐出到去見到松仔同老母好開金。

松仔泊左架車好近﹐過條馬路就上到車﹐我想渣﹐我渣﹐老豆想食小籠就車上去﹐成實稔住95NORTH過HOLLAND TUNNEL點知過左﹐又要番轉頭﹐過到去都多多地車﹐係強人街重無位泊添﹐兜左好耐﹐又急尿﹐最後都有位﹐泊低行過去食小籠﹐鱔糊﹐家常豆腐﹐出番黎下起大雨來﹐件褸無帽照頭淋﹐行番去囉車﹐車番黎﹐好多車﹐成八點先番到屋企﹐放低行李﹐覺訓。