星期一

七點半起身﹐ALL C﹐刷牙﹐著衫﹐放菜佬﹐翻工﹐地鐵小巴上葵盛﹐食早餐﹐做野﹐上網﹐吹水﹐中午上七樓同艾力食飯﹐我食菜金牛肉﹐白飯﹐食飽落去訓覺。

兩點做野﹐上網﹐六點三就走人﹐地鐵翻美菰﹐之後自己上祖堯村買KK咖哩﹐都幾大期望﹐入到去一個人都無﹐要左咖哩雞同海鮮﹐拒叫我下次唔好外賣﹐堂食有飯有薄餅任食﹐臨走同印度婆傾左幾句﹐問拒生意點﹐拒話死下死下﹐假日就有生意﹐平時無人﹐傾完走人﹐翻歸。

老婆岩岩翻到﹐食飯﹐咖哩海鮮唔係好惦﹐無料既﹐咖哩雞好少少﹐不過都唔係幾夠味﹐飯就唔係印度蝦仔飯﹐普通港式飯﹐差D﹐間野可能頂唔順﹐麻麻。都係穆斯林正D。