雙魚談食

係美國無大家樂﹐大快活﹐美心﹐要食飯鋸扒就為有去一D大營餐廳食飯﹐當然你可以去CENTER CITY 食D貴價餐廳﹐但係我唔係魚真﹐唔講野拒地禁有米﹐我只係一個食慣旺角新法茶餐廳既菜瀾﹐所以企附近既餐廳就成為左我既飯堂﹗係云云餐廳之中講下幾間先﹗ CHARLIE BROWN﹐ 第一次去試基於近﹐個價又好似幾抵﹐仲有任食SALAD BAR 添﹗ 拒地個SALAD BAR 係OK 既﹐之不過主菜呢就差少少﹗ 好﹐比第二次機會拒﹐食個龍蝦先﹐舊龍蝦都OK﹐但係點解D青口有味既﹐大鑊啦﹗ 都好難翻轉頭羅﹗

APPLE BEE 啦﹗一入到去鬼禁多人﹐應該唔會衰得去邊﹐所以黎間野係我去得最多既﹐的確係停車場就已經聞到好香既燒扒味﹗我次次差唔多都係要BOURBON STREET STEAK﹐ 因為頭一次食真係好正﹐好似港式牛扒禁﹐有磨菰汁。但係久而久之﹐D水準一間差個一間﹐唔係D扒唔得﹐就係燒過龍﹐ 漸漸少去﹗

LONE STAR﹐剛剛去過一次﹐發覺原來唔錯﹐要MEDIUM RARE﹐真係MEDIUM RARE﹐可惜碟頭太細﹐應該唔夠鬼佬食﹗ 因為我都唔夠﹗係阿衰同阿CREAM唔發覺底下﹐都食埋舊朱古力飽﹗

DENNY‘S 千其唔好看低黎間茶餐廳﹐好多人都鐘意食拒D早餐﹐以前香港既美國餐廳就係拒黎嫁啦﹐不過後來頂唔住咋﹐我一家人最鐘意食拒既T BONE 扒﹐多汁好味﹗

OLIVE GARDEN ﹐最記得成班人生日會﹐次次D水準都非常穩定﹐面飽好食﹐燒扒都有水準﹐意粉更加唔使講﹗阿CREAM 知我最鐘意就係拒地個辣薯仔湯嫁啦﹗