換新野

正所謂舊既唔去﹐新既唔黎。今年我都換左好多野﹐架地球牌渣都唔識郁﹐就換左架ALPHARD﹐部電腦玩到唔玩得又換埋﹐近排就終於買左恨左好耐既瀾‘S POD﹐之前都諗左一陣究竟買相機先定瀾’S POD先﹐終於我都選左音樂。正呀終於可以實然夢想﹐將所有冷門野整落部機到。重可以係車聽添。當然重有我喜愛既林狗啦。

今日番到學校﹐晨早流流中東佬走埋黎問我借功課抄﹐好日都無乜兩句﹐一開口就問我借野﹐拒都算大膽。我當時都未做晒﹐就緊係話唔得﹐搞惦先比拒望下。搞惦啦﹐比拒﹐之後重夠膽問我D答案﹐ARE YOU SURE﹖話大佬你叫我點答你呀﹖再之後重話我個答案錯埋添。我又以我一貫既態度﹐當拒無到。終於死死地氣話看錯左﹐體錯PRACTICE PROBLEM﹐吹漲﹗我奉勸抄功課既朋友﹐以後唔好禁多聲氣。

辛辛苦苦到食飯﹐韓國佬又有驚喜比我﹐今日整個燒牛BONE﹐軟熟﹐入味﹐好野﹗

好野一定要推介﹐渣野一定要彈﹐見到阿霸作番文﹐正呀﹐繼續努力﹐支持﹗

快必生日快樂

阿快生日快樂﹐我永遠唔會忘記你既生日架﹐做兄弟既真係一生一世﹗今日好兄弟﹐聽日笑爆你。點呀婚禮搞成点呀﹖ 我可以越洋送受流行曲比你架喎。我REPEAT 又REPEAT 禁唱CHORUS 你聽囉﹗

做野禮拜六

當各位再以為我去左買野既今日﹐我都係去左開工﹐假期旺場無計。但係我開完工都有周圍巡邏既﹐好似去下BLOCKBUSTER﹐看下25皮3隻呀﹐看下TARGET CLEARANCE 呀又或者落下去DEPTFORD MALL呀禁。今日最好笑係見到人地放狗﹐兩隻狗相遇﹐1隻係假FRED﹐1隻係D打狗﹐戰鬥格﹐兩位鬼妹主人見到大家既時候已經做足準備拉住隻狗﹐當兩隻野埋身既時候﹐緊係胡黎胡去胡聲四起﹐當大家遠離既時候假FRED就係到凶隻打狗係到吠﹐真好笑﹐D假FRED既性格隻隻一樣都係鐘意馬後炮又無膽。個樣又可愛﹐成隻公仔禁﹐重好鐘意扮未食野添﹐笑爆﹗

買野星期五

係咪以為我去左買野呢﹖唔係﹐我只係去開工混錢買野遮﹐我禁怕迫人點會同人迫丫。沉晚衰婆﹐大衰不約而同問我有乜正野買﹐我話大家早D抖啦﹐聽朝唔好禁早起身。要買平野等平時好過啦。今朝看新聞見到D友未天光﹐就係BEST BUY 門口等開門﹐笑到我丫﹗我買物王雖然鐘意買野遮﹐但係唔係顛架﹗假期如果有工開﹐我一定選開工﹐平時先買野﹗終於我開完工咪去左COSTCO 食自助餐囉﹐正呀今日我食左2隻雞翼﹐意大利雲吞﹐龍蝦湯﹐餅仔﹐米布甸﹐之士沙律﹐汽水。真係乜都抵番。

李克勤演奏廳

一向以唱功取勝的李克勤新碟《演奏廳》耗資百萬港元，採取全港突破的現場錄音製作最新大碟。李克勤覺得以往在錄音室錄製唱片每首歌都要急趕完成，所以構思一氣呵成的現場錄音，過程就像一次無人演唱會。唱片公司請得4位華人音樂大師黄蒙拉、霍世潔、譚寶碩、龍向榮為專輯作現場演奏。大碟的制式亦來一次突破，採用DADC的印製模式，為全球首張華人Dual Disc。大碟一面是CD，另一面是DVD，帶來10首聲畫俱備、完美無瑕的作品。

李克勤主持大熱節目《殘酷一叮》而曝光率高企，這次《演奏廳》盡顯他的唱家班身份。近年香港流行韓風，李克勤以一曲「情非首爾」來趁趁熱鬧，而此曲亦高踞各大流行榜多時，「韓夜不冷」是一首回應韓流襲港之作。大碟Bonus Track收錄製作特輯、相片巡禮及創作及製作人員介紹，令歌迷對這張製作過程特別的專輯有更深入了解。

環球05升級版壓軸專輯 李克勤演奏廳 全球華人首張Dual Disc 現已登塲 全碟現場錄制 全球華人首張可以看的CD 10首聲畫俱備達至完美無版瑕的曲目 匯聚四大國際級演奏大師: 黄蒙拉/霍世潔/譚寶碩/龍向榮

DVD: PAL LPCM Audio dts 5.1 /16:9 wide screen CD Side

01. 十年前後
02. 勝情中人
03. 婚後事
04. 情非首爾
05. 未成年同盟會
06. 常在你左右
07. 婚前的女人
08. 韓夜不冷
09. 阿李爸爸
10. 輸情歌

PASSPORT

終於收到我個PASSPORT啦﹐搞鬼禁死耐﹐又印表﹐又填表﹐又要叫我老師簽名﹐麻麻煩煩﹐張表重鬼禁唔EASY FRIENDLY﹐整埋D SURNAME﹐ GIVEN NAME﹐幾錢又無寫﹐又要SEARCH 一輪。

嘩見到電視THANKGIVING D廣告好勁呀﹗WALMART 有激光劍賣八皮呀﹗又有D DVD 賣3。44。又見到RADIO SHAKE 有9。99 藍牙耳筒不過鑊鑊都REBATE既最憎﹗我只要等多12 個鐘就可以羅到報紙看下有甚麼平野啦﹗正﹗

岩岩係MARSHALL 見到REHEAT一條友仔係到揀褲﹗

究竟我會唔會禮拜五起到身6點去LANCASTER呢﹖ 唔知﹗

假期前夕

聽日又會少人番學﹐又或者班友一上完就走啦﹗個種氣分正呀﹗重有禮拜四報紙D廣告呀﹗我等你﹗我呢排米之連﹐冷帽﹐FLEECE巾乜都出齊囉﹗

標籤人

係教會我比標籤為一個姓格孤僻﹐講野無句真﹐浮誇﹐無聊既人。

係天旺我被標籤成一磅肥叉。

係賓城我被標籤為半隻海南雞。

係錄影帶鋪我係代表新到港產片。

係魚檔我被標籤成一條大鱔(EELS)或者一條側魚(TALAPIA)或者一磅蝦(HA)。

係我D靚面前我係一個講得笑又識野多既師父。

我D老死標籤我為一個極度抵死﹐又識飲識食又可以傾到計又唱得既朋友。

而我上司就標籤我為一個做得野﹐認真﹐幫到手既員工。

係老師面前﹐我係一個資質平庸既OK學生。

父母就會標籤我成有時聽話又有時扭計既衰仔。

原來一個人係可以有禁多面既﹐所以睇DVD都有多各度啦﹗

得益周末

嘩﹗岩岩過左既周末﹐多姿多彩。禮拜六上左闊別兩﹐三年既WOODBURY OUTLET﹐上次無買野﹐今次都係無買野。但係今次舒服好多﹐有阿妹渣車﹐個度無乜人﹐食野又無乜人。中食左個幾好味既FOOD COURT 中國餐添﹐有祖母豆腐﹐炸蝦﹐兩隻炸蝦留番最後食﹐知咩事啦﹗正﹗
拒地一人整件SOUTH FACE﹐阿鬼整個袋袋添。我原本看中A/X既褲鏈既﹐但係唔岩價﹐最後放棄﹐發覺阿CREAM﹐阿鬼買野好梭爽﹐可知他們近排財力強橫。

到禮拜日啦﹐65周年臺慶﹐晨吉禁早番到唐街﹐拍好個靚位﹐準備就遂﹐同黃董行去新教會﹐一路上遇見講野及講野嫂﹐他們一人帶一副有食眼境﹐他們越來越有默契﹐越來越似周啟邦。在門口再見到阿霸﹐一齊入去混個靚位坐低﹐發覺呢度真係好過租借醫院九萬八千倍﹐無乜遮擋﹐無脹爆係我格黎郁旭貢﹐唔使搬喇吧。重有帶位員添﹐每個帶位員都頭帶HEADSET以幟識必﹐醒目非常﹐雖然個HEADSET係無縛電既﹐但係都看到設計人既一番苦心﹐做型突出。

節目去到中段﹐由敏莊主理既合唱團開始獻詩﹐還未發覺敏莊身處可方﹐原來早已混入人群當中﹐人體升降徐徐升起指揮﹐觀眾如我都嘆為觀止。到介紹阿CREAM出場﹐白衫既MR COOL﹐上台﹐沿途都保持住極COOL無笑容。實在搞笑。節目完後﹐我躲在一傍享受我為自己準備既缽仔糕。

精彩節目可謂一鑊又接一鑊﹐番到舊教會見到我兩位靚﹐之後就一齊入場﹐霸到最前排既有利位置﹐我坐係BOYZ﹐肥浩康﹐見飛﹐擂女一干人等之中﹐作為前輩既我﹐以教訓口敏訓話一番﹐此時剛剛到蕭仔上臺。拒用一貫既串爆作風作為拒既演詞﹐極之抵死﹐聽得震動人心。

完禮後我自己一人行到家鄉雞飯店﹐比我見到金毛﹐但係拒既注意力被對面馬路既女士們吸引住而見唔到我﹐我用力一拍他﹐他才醒覺過來。

恭喜蕭仔﹗

阿菜拜疆

我今日喺度諗。。。其實唔係今日至諗﹐早就有諗過。。。點解一位咁有才幹嘅弟兄會如此浮誇? 佢嘅浮誇就好似與生俱來一樣咁自然。浮誇到一個地步好似佢真係完全唔知自己有才幹。浮誇到我聽過有個唔係咁識佢嘅人話覺得佢無嘜料。不過我諗就算佢聽到都可能唔係太介意﹐事關我懷疑可能佢真係唔係咁知道自己浮誇。

續集不能勝上集﹖

講真﹐好難講﹗異數有帝國反擊戰﹐異形續集經典﹐未來戰士續集正到爆﹐魔介第一最悶﹐後尾好看﹐BAD BOYS 2﹐豬頭1﹐2 集啦都唔錯﹐古惑鬼就1-3 都唔錯巢皮死左有蕉皮。失敗例子也有好多SPEED 2 慘不忍睹男主角一招了﹐英雄本色續集﹐第三集夾罌黎MARK 哥死左有媽生細佬KEN哥﹐BATMAN越拍越衰﹐前傳又好番D﹐家有喜事續集﹐賭神續集﹐SPIDER MAN ﹐HARRY POTTER我就麻麻﹐太過細路仔玩泥沙﹐不過漫畫就係禁架啦﹐無計﹗FINAL DESTINATION越拍越有﹐出年第三集玩過山車添﹐笑爆。SCRARY MOVIE 啦﹐鬼佬王晶式笑了。ROCKY 1-5 龍哥玩完好耐啦。MATRIX﹐都叫見得下人﹐除左最尾個集你唔好諗個條友係禁發炮半個鐘。INDIANA JONES 又係越拍越好。福百勁。第一滴BLOOD又係龍哥1-2 OK 喎。無間都係第一最好﹐羅拉1﹐2睇完等于無睇﹐電影我愛你﹐繼續努力﹗唔好求其張開個口就話好演技就得啦。

鯊魚頭

呢件鯊魚頭衛衣﹐抄到禁貴﹐值咩﹗

保母車

岩岩講過我係沙田長大﹐好衰唔衰以前從來未試過唔使搭車可以行路番學﹐其實我好想﹐因為唔使禁早起身。係沙田住都要出到尖嘴番學。無可奈何之下唯有混架保母車。就係禁遇上羅叔叔﹐我地稱呼他羅白。我住個度就係拒第一站﹐所以係最早上車﹐回程又最尾先落既。真係慘。搭拒車個五年就真係多姿多彩囉。一架保母車拒係唔會淨載一間學校既﹐因為無禁多客。所以就會有其他唔同學校既學生。作為男校人既我﹐最有趣都係可以同其他校既女生有交通既時間。終於比我遇到拒﹐我一上車自不然期望拒既來臨。我甚至張我對面既坐位混書包定住﹐等無人可以埋到黎﹐而其他人亦知道我係不好冶的﹐所以都唔禁搞我。一個非常岩傾既女同學。不過事與願違﹐邊有禁多快樂既日子呢﹐最後因為路線既問題﹐拒就轉到另一部車了﹗

往後既日子重有羅白車我地一班友仔去摩士公園玩﹐食炸魚蛋。而羅白架保母車有一站係沙田世界花園﹐當時黎講係沙田高級屋院﹐住左好多名人﹐禁D名人都有下一代家嗎﹐拒地都要搭保無車﹐我見過SAM HUI架法拉利﹐同埋係羅白口中既霆鋒﹐拒係坐行家曾太架車既。

想當年重有一件事令我印象深刻既﹐就係近排都成日講起既翁美玲﹐拒死個日﹐羅白架車岩岩要上廣播道﹐我都係到﹐見到好多差佬係拒屋企樓下。

溜冰

太古城冰場亦係我細個流連既地方。因為我D舅父﹐阿婆全住個頭。自不然我就出現係個頭。記得當時年紀小﹐根本都未識係冰場看東西﹐哈哈﹗我又因為驚死﹐所以到而家都玩得唔係禁好。唔知點解我D舅父神高神大成個十甲老豆禁﹐但係又玩得好鬼勁。聞說七彩蝦條LIZA都係太古城有D朵﹐可能我細個都見過下拒都唔定。

單車

那個靚仔不多心﹐可況我菜瀾﹐細個乜野都玩得一餐﹐因家住沙田﹐擁有第一輛單車﹐學識左當然大把機會玩﹐因為沙田單車徑出晒名。城門河兩邊由細練到大。我地個期又興單車喎﹐真係好鬼熱鬧。逢周末就會同阿爸阿媽一齊踩。又會同同學仔由沙田踩到大埔。然後由大埔踩番轉頭。當中當然會係隻小食船﹐上船食魚蛋啦。

玩結婚

洲際新建三間主題套房，凡訂購酒席滿五十萬元，就可以五千呎海景花園套房住一晚，日間則可當註冊場地，婚禮過百萬元，再送7,000 呎雙層總統套房住宿。酒店還會統籌場地布置、提供名牌優惠、擺酒吃的菜式特別高級，如蠔皇原隻廿八頭中東乾鮑、醬燒鴿脯拼鵝肝等。查詢︰香港州際酒店 2313 2211。

各位唔係我結婚﹐只係諗下遮。如果有機會。我會混間全包宴既﹐唔使大家為我既婚禮而無覺好訓。我唔係係到串邊個﹐只係我希望我既賓客舒舒服服。因為己所不欲勿施於人阿嗎。

老土戲名

見你地餓文以久就即刻作番幾篇先。費是你地話我有口鬧人﹐無口鬧自己。

阿花都曾經講過改名既問題﹐無錯﹐名係好緊要既。一個名跟你一世﹐唔好都好大獲。以前做電訊既時候﹐有機會收電話費﹐會見到好多奇名。多到跟本唔記得禁多。但係有一個我一世都記得既。個朝如常收費﹐一位女士行埋黎﹐拒話唔見左張電話費單﹐要查﹐我咪同拒查囉。通常我地要CONFIRM﹐所以要全名﹐拒答‘高潮‘﹐我就無笑﹐因為我好忍得﹐但係我格黎D同事﹐就即刻笑到肚孿。

戲名當然重要﹐近期見到殺破狼﹐神話﹐飛鷹﹐MISS杜十娘﹐猛龍﹐神經俠女﹐X X 戰士。我聽到就已經唔想睇。

強戰世界

靚佬湯＋史匹堡＋外星人侵略地球＋電腦特技，《 強 戰 世 界 》一心諗住大殺四方，誰不知… … 為電影宣傳變成同老婆大晒恩愛兼猛叫人信科學教派，靚佬湯弄巧反拙變成趕客；做足保密功夫但 賣相超唔掂火星人造型，更加令人大失所望。頭三十分鐘完全無問題，最最最估佢唔到係草草收場結局。我親拒DVD出再鬧多次先。因為同餅娘看個時﹐我未開臺。十甲老豆重話因為跟番原著所以禁喎。我唔理啦﹐作為觀眾﹐比左錢就大晒。唔好就係唔好﹗

JIMMY

因尺度問題會有所不同

JIMMY於外國讀書回香港後﹐一度跟(聯和墟)旺角區領導處理一D業務﹐做得有聲有色﹐被視為社團第三把交椅。JIMMY雖身為(區議員)成員﹐但不認同社團的價值觀﹐本來協助梁家輝爭奪龍頭一位﹐但眼見他續漸失勢﹐開始轉投任達華旗下。

捨不得

幾千蚊買條牛仔褲﹐我捨得
幾皮野買隻表﹐我捨得
幾萬蚊買部車﹐我捨得
比女朋友飛起﹐無得唔捨得
去富臨混阿溫﹐我都重捨得
但係。。。。要我係街買幾蚊野飲﹐勢係假﹗
當你知道可樂只係兩蚊12罐既時候

炭纖

沉日晨早番學拍好我架ALPHARD 之後﹐係條車罅行出黎﹐又見到我好多時見到既一架HONDA SI﹐係舊款既。但係就覺得拒都整得幾靚下﹐因為同期D CIVIC 已經好殘。拒改晒炭纖車頭﹐鮑魚﹐黑波璃。望一望裡面隱約見到車主。今日求證﹐原來係我同班同學。大家重係到講下車經添。

媽必經典

媽必舞
剪接舞
係呀﹐唔係呀﹗
買樓就買
磨
擊掌

油價回落

油價回落REGUALR 係NJ只係1。99 得益既有鬼王﹐日日落FRANKLIN MILLS MALL 買野都無問題。又益左阿忌廉﹐日日過海番新城。鼓勵大家多D出街THANKSGIVING 買平野﹗

何謂蟹粉

蟹粉是蟹肉與蟹黃混在一起的通稱，現拆的比冷凍的成本高，但口感、香氣也更好。體積較小的大閘蟹賣不到好價錢，就會拆肉起膏，即是所謂的蟹粉。一般而言，活的大閘蟹蟹粉最鮮美，但成本高，1斤蟹只能拆下4兩的蟹粉，現今市面上大多是冷凍進口，一年四季都可供應。蟹粉入菜前還是要先處理，用酒炒過，去腥之餘還提升香氣。

有窿的汽車

屋頂有窿就大獲﹐架車有窿就叫做型﹐玩吸氣﹐條氣都順D。鐘意MINI COPPER S﹐M3﹐M5﹐RANGE ROVER ﹐WRX則邊D鯊魚鰓。

我愛陶大

登堂入室

某日行經SOUTH STREET 一帶﹐係SOUTH STREET 後兩條街﹐原來個區有唔少特式鋪頭仔﹐買下古著﹐古董﹐意大利餐廳。我最鐘意望下人屋內既設計﹐幾有品味架原來拒地﹐屋仔不大不小﹐但係個班類似歐州客既美國人﹐幾ZOO YORK STYLE 架﹗著衫又型型地﹐渣既又係D歐州車如AUDI﹐ MINI 之類。我係車箱岩岩播緊小黑與我﹐我心諗如果呢首野係個區拍個MV﹐用菲林拍﹐加埋呢D 靚景加多架令鈴HUMMER慢動作﹐效果一定會好好喇﹗

阿CREAM轉臺(故事)

阿CREAM前兩個月先同亞視簽部頭合約。作為拒幕前演出。而拒本身既正職DJ﹐因為長期頂唔順魚曾而終於係前兩日同商臺解約﹐轉職新城。本身住係九龍塘既阿CREAM﹐以前番工十分方便﹐一野就番到廣播道。但係而家就要渣去黃埔先番到工。重要重新適應新同事﹐例如路芙﹐潘兆聰﹐快慢必﹐家燕姐﹐郭偉安﹐甘國亮等人。最慘既係拒本身做開商臺早晨節目在睛朗的一天出發。而家就要紓尊降貴每朝同薛家燕﹐快慢必做家天下﹐我諗個種感覺重難頂過同鄒凱光做節目呀﹗希望拒可以快D適應。 不過禁係黃埔都有好處既﹐就係落黎我既菜美瀾食坊食飯囉﹐收你平D又點話丫﹗

爆下阿CREAM既逸事﹐拒係詞仙﹐鐘意創作。係拒書房有張音符地氈﹐同埋一定有床﹐拒話訓係到D靈感好D喎。而拒係威司康星讀書既時候﹐有個細拒十幾年既做拒老師﹐但係拒都非想尊師重道﹐有禮貌﹗

翡翠星星賀臺慶

翡翠星星賀臺慶﹐最記得第一年﹐有好多正人﹐四大呀﹐肥媽呀﹗氣紛熱鬧﹐好好笑﹗但係我最怕就係無線既編曲﹐D渣人唱D經典野﹐又跟唔到﹐又唔好聽﹐又快﹐都唔知做乜﹗

戲院

當大家重係到響受緊火車頭101大既時候﹐我又番左直播室作文去也。開臺兩月已經有111個POST﹐實在鐘意作文﹗我所講既野除左笑話之外﹐其他野都係如假包換﹐真野﹗希望大家可以了解多D﹗

今日想講下戲院﹐我第一次看午夜場係紅磡看動畫動物奧運會﹐午夜場同阿媽阿爸去看細路片﹐好野﹗而平時父母都會帶我去看戲﹐我個時代有旺角既麗聲戲院﹐凱聲戲院係格黎。係麗聲就看阿SAM同光頭佬既最佳拍當。凱聲就做西片既﹗個時新藝城最惦架啦﹐有少鳳姐聖誕快樂﹐橫財三千萬﹐監肉風雲。之後有美孚既影都戲院啦﹐看帝國反擊戰﹐講過啦﹗重有普慶戲院既星戰第一集﹗又有間係油麻地唔係禁多人識既華盛頓戲院﹐看飛俠哥頓﹗正﹗

又有佐敦既嘉禾戲院﹐許冠文既鐵板燒係個度啦﹗

從紅磡搬左去沙田﹐去得最多既就係UA6﹐神探朱古力﹐GINGER 屍先生﹐回到未來﹐史太龍第一滴BLOOD等等。當時阿媽想看異形續集﹐我重話驚驚添。大個鬼禁鐘意﹗

大個小小喇﹐開始會同D同學仔出黎啦﹗就多數去黃埔﹐因為當時有個同學仔係個到住﹐成日去拒到聚會既。多數D賀歲片都係個度囉﹗阿星既家有喜事﹐縱橫四海﹐房龍大哥既簡單任務呀﹐賭俠﹗成班男丁聚手一堂﹐霸晒成行﹗

講到我最有感情﹐最鐘意既戲院﹐諗都唔使諗一定係尖嘴既海運。音響正﹐銀幕大﹐舒服﹐唔什﹗高上﹗看INDIANA JONES二﹐三集。鐵金剛﹐INDEPENDENCE DAY﹐異形﹐MUMMY﹐SPEED。套套大片﹗

隨住時代既轉變﹐戲院收入下降﹐後來又有星期二特價﹐搞到我又看多次帝國反擊添﹗有試過走堂看職業特工隊。格黎個鬼佬重問我香港人係咪唔使番工﹐晏晝都爆晒﹗

重有我永遠唔會忘記既華懋甜蜜蜜﹐海城既寶貝小豬麥﹐百老匯電影中心SLEEPY HOLLOW﹐ 明珠既CIDER HOUSE RULES。新港既LAST ACTION HERO﹐豪華戲院既DIE HARD 3﹐古惑2。旺角百老匯既國產007。

時移勢易﹐除左可以周圍走既CINEMARK 16之外﹐我都係鐘意屋企個HOME THEATER + NETFLIX 多D﹗

COSTCO 試食

今日有豬肉腸﹐波蘿﹐MEAT BALL 意粉﹐金寶湯﹐火雞漢堡。

見天氣涼涼地﹐買左見岩價位既絨樓﹐長長地。唔使下下著米之連外出。見ZY襪有平﹐買埋﹗

就快感恩節﹐各大商店又延長開放時間﹐對我地呢D購物精黎講﹐真係天大喜訊。但係從以往經驗所見﹐黑星五賣D野﹐唔係特別平﹐平時重好。由其是電器﹐BEST BUY﹐ CIRCUIT CITY都係羅埋D狗唔搭八野出黎賣。一係就係好渣既﹗拒地見D人乜都買﹐會將D正野收埋﹐費事太多人逼爛D正野。

啦你番扯

唔同文化有唔同用字同講法﹗

好似有廢城李少好之稱既阿妙禁﹐拒會叫感恩節做火雞節。
我本身會叫番感恩節﹗

又好似阿霸﹐阿姐禁﹐拒地會叫睡衣做睡衫。

阿警察﹐當然有大家熟識既啦你番扯﹐我要走﹐咪話走囉﹗

我識得個同學﹐拒可能講慣家鄉話﹐所以講乜都會加個“磨” 字係後面﹗ 例如﹐我番屋企磨﹗係六旗玩游戲會話﹐禁多人排隊磨﹗

由朝做到晚

今日九點出門﹐十點幾番到黎﹗唔係太差。辛苦混黎志在食﹐夜晚去一去OLIVE GARDEN﹐整番個辣薯仔湯﹐MIX GRILL雞牛﹐SEAFOOD PORTOFINO青口﹐蝦﹐帶子意粉﹐果然係水準穩定既OLIVE。上菜重有阿RENEE ZEWINGA 靚女﹐不過落單唔係拒﹐可惜﹗

今個禮拜係學校都係幫親中式多D﹐星州米﹐楊州抄﹐蝦飯﹗你知D星州米D蛋幾好食架啦﹗香到爆﹗不過D雞肉就乾D﹗

ZOO YORK 清單

上開ZOO YORK 既弟兄姊妹﹐見到麻煩你幫我買一買啦﹐謝謝﹗
去到SUPREME 如果有BOX TEE 賣廿皮﹐幫我整件啦﹗
見到對面間白色波鞋鋪﹐如果有AIR FORCE ONE﹐DUNK LOW﹐廿皮一對﹐幫我買對啦﹗
過到STUSSY﹐如果有長鏈﹐槍袋賣廿皮重有七折﹐掃埋拒﹗
去埋鹿明春﹐幫我整三籠蟹粉小籠加多豌雪菜肉絲湯麵。
落番順明間CD鋪呀﹐廿皮有六隻VCD﹐幫我買六隻古天樂舊戲啦﹐求其得架喇﹐陰陽路都OK。
去D記念品店幫我買地球移同埋LASER雙子塔膠膠四舊﹐要靚喎﹗

係禁多﹗

蘇褲底拍賣行

有一日媽必去到蘇褲底拍賣行諗住買番個LV車牌﹐但係公迪﹐蝦仔媽咪﹐華達拖馬﹐金毛連成一線諗住唔好比媽必投到個幸運車牌。一見媽必出價﹐拒地班友就舉手。志在必得禁款﹗係都唔比媽必投到。但係拒地可能係拍賣初哥。唔知訂﹗定係媽必棋高一著﹗拒地晨禁早就知到有人會玩野﹐事前已經混左存喘坐係觀眾席﹐時機一到﹐存喘舉手﹐又贏一丈﹗班友重以為比個靚妹冷手執個熱煎堆添﹗

Nigo

圖中呢位人兄就係A BATHING APE 既老板﹐NIGO 啦﹗拒岩岩係台灣開左新鋪﹐拒就哪住部SONY T7係到影下影下影人龍﹐衰得拒丫﹗拒著住個對咪就係APE STA 囉﹗八彩禁多顏色﹗人做製衣拒做製衣﹐有D人越做越耷﹗拒就風生水起﹗當然有拒既理由﹗日本仔玩包裝﹐果然有一手﹗

戲說當年

對於我呢D愛宴樂﹐喜睡覺既人黎講。以前就最鐘意聽到以下既一段說話﹗

八號東南﹐或西南烈風訊號經已懸嫁。即表示香港八百公里範圍內有一鼓熱帶氣船。
教育柱宣報所有學校今日停課﹗之後我就會聽住個收音機係床豎﹐訓番﹐諗起都覺得正呀﹗呢到落雪試過一次唔洗番渣﹗

給阿花的﹗

阿花唔好話大佬唔益你﹐呢架就係我話既SMART CAR 啦﹗岩你渣嫁啦﹗望都望你大佬我發達﹐我送部比你點話﹗十甲唔使呷醋﹗禁你就唔使行路上廣州囉﹗

人生馬戲團

我諗起個部要用FIREWIRE無USB 既IPOD﹐要入野都唔知點算﹖

沉日較左鐘﹐今日好眼訓﹐唔知點解﹖ 阿餅娘已經話大家訓多個鐘﹐應該好夠訓﹖

配服韓國飯﹐普通薯仔都可以整得禁好食﹐齊青椒又可以係配菜。泡菜對落D湯又可以好好飲﹐簡單材料變化多端﹗抵我日日進貢五個大洋﹗

上次係愛迪生金門超市買左包急凍黃鱔絲﹐嘩正呀﹗唔洗再去鹿鳴SPRING喇﹗DO IT YOURSELF ﹐自己煮都惦呀﹗

張德蘭葉振棠感恩演唱會

見到張德蘭葉振棠感恩現唱會就自自然然諗起紅館既演唱會﹐以前我差不多係演唱會都看﹐最早期既有老餅倫﹐國榮﹐梅姐﹐少鳳姐﹐林敏兒(無錯係林敏聰個家姐) 當然唔係拒唱﹐係其他人﹐好似雞黃禁羅﹗鄭伊麵﹐黎狗﹐劉華﹐克勤(幫親番自己) ﹐周慧敏﹐寶麗金集錦﹐梁柄﹐學友﹐葉德殘+陳潔玲。基本上我多數都係買最平個隻既﹐點解﹖去戲院都50-60啦﹐演唱會100 水﹐底玩﹗最鐘意係佐敦食完飯行上紅館﹐他他條條﹐舒舒服服﹗看完又可以去食消夜。不過老老實實其實去現場看蘇﹐有時麻麻﹐因為我個人就鐘意D冷門哥多D﹐但係為左市場關係當然唔會唱禁多冷門野﹗

個人黎計最深刻係老餅倫86 年既個唱﹐當時最當紅。真係首首好野﹗同克勤係左倫講既一樣羅﹐最記得係愛的根源全場燈仔著晒﹐我當時係山頂位﹗好近好靚﹗當時老餅紅到個唱要開日場﹐我都係看日場渣﹗近年就唯有學友既色狼湖啦﹐都係97年既事喇﹗D哥唔洗我多介紹啦﹐耳熟能詳﹗過到黎係蘇哥帶領下都看過王傑﹐克勤﹐彭鈴。王傑都唔錯架﹐個期(唔係暑期) ﹗