新年快樂

不停既工作使我練得一身好身體﹐唔使訓晏覺﹐玩教會尋寶唔會抖晒大氣﹐坐晒係到﹐重可以周圍串串貢﹐食雞翼。今日難得有半日空閑當然同屋企人享受下﹐你知啦我係裙LEG仔黎家嗎﹗各位緊係等左我好耐架啦﹐唔使心急﹐即刻黎料﹗

12/31晚上我晨早就報左名參加教會倒數﹐嘩﹐係教會喎﹐緊係大力支持啦﹐我最鐘意係教會搞活動架喇。地點又好﹐交通又方便。我呢D成日鬧人遲到既人﹐當然不敢怠慢啦。預早好多黎到﹐見有時間兜落唐街行行﹐當我重打緊電話比D負責人問地點既時候﹐比我見到細衰﹐拒重蘇個新電話我過目添。好喇見時間差唔多﹐番到教會﹐村泉開門﹐我謝謝他之後就走到禮堂裡面小睡片刻。重比我見到我個妹二姑添﹐拒好有心禁整緊尋寶遊戲﹐我呢個冷水王當然要撥撥冷水﹐猛話﹐嘩尋寶好TIRED架喎﹐玩第二D啦﹗你估我地真係INDIANA JONES咩﹗拒當然無理我D廢話﹐繼續整野﹐我就繼續訓覺。聽到大衰把衰聲﹐我即刻行出去禮堂﹐同時見到JIMMY仔係到傾遊戲。傾左無耐見到細衰同KRUSTY﹐大家係三催四請之下終於落去地牢。西湖即係西湖﹐全係大家意料之內﹐個晚由其無乜味﹐我唯有下大量既士拉差醬才可食多幾碟。無幾耐BUFFALO之友浩浩蕩蕩黎到。係無人催我食飯底下﹐我碟駁碟禁食。之後少爺尖就收錢﹐每位三皮或三個一。真係搞笑﹗

好喇﹐節目終於開始﹐首先有SMAP乘SMAP既成員木村帶詩﹐掀開序幕。羅蔔緊隨其後。再之後就係由JIMMY仔同東莞仔帶GAME﹐先玩床單估人﹐張床單好明顯做過手LEG﹐禁薄既質地竟然見唔到對方。我都坐低玩番兩手﹐好好彩﹐兩戰兩勝。囉番個2005尾彩。之後再玩嘴唇NARY﹐呢D野最鬼鐘意架啦。多謝阿黃董比TIPS﹐如果我做一定口水多過茶﹐好似WELCOME NIGHT我做MC介紹新人禁﹐我實多多野講﹐叫人介紹自己﹐但係我重多野講過D新人﹐之後一定有人叫我﹐你比人講啦﹗原來我真係適宜估多﹐因為可能我比D TIPS大家GET唔到。呢個一定係我既問題﹐唔關大家事。好似要估BANANA﹐我一定講REPULIC之前係咩呀﹖我永遠諗唔到係生果。估禁鬼多生果﹐果欄咩。見到D名牌BATHING APE﹐SONY ERICSSON﹐點比TIPS遮﹐我實飛架啦。

再玩分享大風吹﹐正呀﹐每次D主持人都扭六壬諗新橋黎分享﹐因為知道個個一玩呢D野就變身唔講野(側田) ﹐見盡人生百態。今次玩王帝位﹐下次無禁好彩架喇。見到大家抽唔到自己都連聲好彩﹐究竟係好笑定可悲呢﹗

輪到尋寶﹐我組隊員實在太強﹐除我之外﹐因為我淨係識食雞翼同係個波爐到混紙仔。10﹐9﹐8﹐7﹐6﹐5﹐4﹐3﹐2﹐1﹐新年快樂。