快必特輯

圖左為菜瀾室內籃球告別賽
左起﹕MARK雷﹐菜瀾﹐袁文傑﹐快必

圖右﹕亞視藝人快必﹐無線契仔李克勤﹐亞視藝人袁文傑﹐難得兩台藝人聚首一堂﹐喜相逢。


當快必好夢正甜既時候﹐或者今晚根本訓唔著太緊張既時候。係地球另外一邊既我﹐係到黎一個回顧啦。識左快必十三年啦﹐由何文田文福道到大角嘴道﹐我同拒都經歷過不少。中五重讀﹐工業學院﹐出黎做野﹐放學去深水埗打槍GAME﹐走堂落中央圖書館打波﹐買槍槍玩﹐周末係通州街同BARKLEY係球場打波﹐暑假成日去海運睇SPEED﹐INDEPENDENCE DAY﹐異形﹐黎狗仙人掌﹐唔知有無人睇過﹐食新港中心中東飽﹐食大角嘴拿渣麵﹐係大角嘴同大隻玩健身﹐成日放學去食橫綱九州麵加多個牛肉飯仔﹐再買埋舊壽司番學食﹐食鬼禁多野﹐去加連威老道食好渣既上海野﹐去利時﹐百利買CHIPIE扮型。去東龍島玩﹐夜晚同你一家食海鮮﹐一齊去混暑期工。0154B籃球輸波輸到開巷。一齊看張彼德﹐NBA INSIDE STUFF﹐一齊落女人街買小喇叭灰褲番學﹐一齊番你間教會﹐一齊唔番教會去唱K﹐成日過海行街﹐成日行恆豐﹐PEOPLE ARE PEOPLE﹐K2﹐KITTERICK。成日PUFFY﹐RED WING﹐一齊去大輿山宿營﹐兩個大男孩訓埋同一張床之後係度唱黎狗既女友的男友﹐比你老婆個妹見到﹐個時拒個妹重好細個﹐而家亭亭玉立﹐問我地兩位哥哥係到做乜﹐我地話唱野。成日睇黎狗演唱會﹐一齊排隊買飛﹐重比萍果影到。一齊落西九龍ICE FIRE﹐點知比鄧浩光訪問超級無敵大BIG JEAN。成日落家樂食烈寧格勒﹐食豌仔翅兩溝。成日行信和買CD。成日睇聖誕燈飾。成日探快必媽媽﹐同埋ME ME﹐睇住你識阿嫂﹐聽日就結婚﹐衷心祝福﹐希望好快見面。