睇學警

嘩你而家先睇學警雄心﹖有無搞錯呀﹐重話自己潮人﹐無計啦﹐美國丫嗎﹐係遲少少架啦。我禁鬼忙一定唔係坐定定個隻﹐係用黎送飯。緊係啦﹐唔通睇24咩﹐懶緊張﹐講多過做。有樂仔個好徒弟唱K﹐拒大難不死﹐必有後福﹐天生識做戲既人﹐高﹐靚仔﹐古古惑惑﹐學足師父D優點﹐好鬼順眼。唱K阿媽萬年人米雪﹐真係一個不老的傳說﹐叫拒做唐寧家姐都重得。假溫兆倫陳健峰﹐開始有D進步﹐都睇得過。無線渣新人競爭激烈﹐雖然打個幾千蚊工﹐但係個個不禁怠慢﹐加上日開工夜開工﹐訓練有數﹐個個都做得有板有眼。最欣賞混浩康做賊﹐重要講拒入察﹐拒老豆智叔﹐阿媽陳安凝﹐阿妹楊怡﹐全家做賊﹐呢個位有D新意。

鴨薛﹐第一套野﹐學阿鬼王話齌講野同剪髮後個樣真係似小學四年班﹐條頸都好長下﹐唔係講笑﹐演技有待磨練。教官有苗老板﹐顧老板﹐重有錢家樂﹐幾個老戲BONE﹐一定比到戲。要囋下顧老板﹐拒既情況同阿十郎好相似﹐司儀位比D新一代開始取代﹐阿醒目邦邦﹐羅敏莊呀拒地。要開始轉型﹐周不時做番戲﹐今次見到顧老板都肯豁出去﹐進步不少。阿家樂仔好戲就一定架啦﹐囉過最佳男配角﹐叫拒扮差佬差唔多專科禁濟﹐拒做射擊阿SIR﹐無乜笑位﹐但係恰如其分。

但係大家知唔知邊個做鴨薛個老豆阿媽呢﹖ 知道唔好出聲。

A 胡鋒﹐羅蘭
B 夏雨﹐康華
C 劉家輝﹐豬咪咪
D 鄧浩光﹐劉錦玲
E 于楊﹐韓馬利
F 郭德信﹐曼哪姨 (呢個一定要寫﹐混殽視聽)