音樂堂

音樂老師最好係靚女﹐小弟中學時有兩位都係叫唐太既音樂老師﹐分別教左我個五年既音樂課。證明當時教書係一分好好既職業﹐收入穩定令呢兩為太太又有D細藝。而呢兩位唐太都係屬見得下人既老師﹐有外貌又識彈琴﹐拒地早婚在所難免。第一位唐太貌似鄺美雲﹐唔知拒屋企有無隻CASH﹐拒比我最深印象係有一次有個壞學生激到拒死﹐之後重扯拒一頭秀髮﹐件事後來我先知﹐因為係格黎班友做既﹐但係我好記得係同一日我途經音樂室既時候﹐見到拒好似喊緊﹐重一路喊一路彈琴添﹐真係我見猶憐﹐呢D野我菜瀾一定做唔出。呢位唐太重教個我做人唔好乜都應承人﹐要識得揀JOB做添﹐我永遠都會記住。

另一位唐太就係我中四既時候出現既﹐當時拒係一位新請既老師﹐拒為人低調﹐深藏不露﹐我好多年後先係七叔間屋見到拒蹤影﹐原來拒係齊唱既重要人物﹐而家好多時唱緊既詩都係拒既作品﹐真係有眼不識唐太﹐我記得我考音樂試既時候﹐我係到唱絲絲記憶添。