點解泰國翅咁好食

成日都想講泰國﹐但係唔知邊度講起﹐以家唯有逐小逐小講啦。

見到阿蘇司黃又學我話帶埋D豪華團﹐去泰國要成萬蚊港紙個人﹐痴線﹐咁既價錢夠我成家玩啦。

之前已經講過泰式海南雞飯點好食法﹐我唔再講啦﹐今次講下D翅﹐泰式煲仔翅個湯好杰﹐杰過杰倫﹐有碟牙菜跟埋﹐你知我幾鐘意牙菜架啦﹐加鬼晒落去﹐臺面重有一杯青蔥比你加落去﹐你又知我幾鐘意蔥架啦﹐所以又加晒落去﹐嘩﹐稔起都想食。

間野重有一個招牌菜就係粉絲蟹鉗煲﹐一煲有六七隻蟹鉗﹐隻隻剝晒殼﹐岩爆我D懶人。