槍

好細個已經鐘意架啦﹐可能老豆帶我睇得戰爭﹐動作片多啦﹐個D咩中國軍事揭秘﹐戰火屠城﹐RAMBO﹐大隻佬既獨闖龍潭﹐再後期D既DIE HARD﹐或者鬼佬王敏德同阿老容既飛虎。套套都火力棠橫﹐觀能刺激齊備。

第一支槍同老豆係佐敦興記買﹐當時有兩個CHOICE一支膠野打得既﹐一支鐵野唔打得既﹐最後買左支鐵野M16不過要自己砌既﹐複什到嘔﹐砌左我老豆成晚﹐因為我當時好細個。後尾亦都係呢個原因﹐我以後都唔買模型砌﹐因為怕麻煩﹐我呢D即食文化人都係鐘意D完成品多D。槍砌好啦﹐都好似真﹐好墜手下﹐前幾年移民先掉﹐

事格好多年﹐我中二既時候﹐係勝利道發現支好型既英軍步槍STEERLING﹐外形突別﹐STAR WAR D白兵把槍都係用拒黎改裝。槍買左番去喇﹐但係發覺JAM JAM 地﹐後尾玩完唔想要之際﹐見到廣告收舊槍﹐於是一試﹐細路唔識講價﹐比人以低價收買左﹐令我被爸媽責罵一頓。

經過呢次﹐不敢亂黎﹐到左中學畢業同快必成日一齊行街﹐大家也是愛槍之人﹐見到支台製M92F﹐因為日本槍貴﹐所以退而求其次﹐同快必一人一把﹐買番去覺得物有所值﹐是為我第三把槍。

最近﹐槍癮再起﹐見到網上有呢把恨左好耐既MP5A4﹐重要係成把鐵做﹐之前其實買左把膠版﹐但係真係非常之咁膠﹐所以把心一橫﹐買把鐵既﹐間間都無貨﹐終於沉日收到啦﹐好開心﹐因為真係好靚﹐好似真﹐好重﹐重好鬼行添﹐有支電筒仔係前面。

嗜好太多﹐好在都唔算係不良既﹐唔知下次我又搞邊科呢。