兄弟可會撐到底

我是獨生子﹐無真正兄弟﹐無真正姊妹﹐但係有兩個認番黎既﹐感情都好好﹐另一方面﹐表既﹐堂既﹐強既都有大量。重多數做大添﹐無乜著數﹐聖誕要買大量禮物﹐無人射住我﹐只有我射人﹐慣左都OK。細個都想有人陪玩﹐但係而家慣左又好似一個人好D﹐松哥﹐阿媽錫晒我﹐無人同我爭野玩﹐所有物質都歸我物質學家﹐幾好。

有時係度諗﹐如果有個兄弟或者姊妹﹐會係點架呢﹐我講緊個樣﹐會好似我丫﹐抑或完全唔似﹐如果係兄弟既﹐兩個李J恩﹐咁另外一個有無咁搞笑呢﹐抑或好正經呢﹐讀書好醒﹐咁松哥﹐阿媽錫晒拒﹐我就好大鑊喇。衰過我亦都唔好得去邊﹐因為我要接濟拒。

如果係女既﹐又驚生得唔靚﹐最好叫李嘉欣啦﹐咁應該唔會衰得去邊﹐不過可能好粗魯下。我做大佬或者細佬又膽心家姐或妹識埋D壞男人﹐識到大劉就唔同啦﹐當然。哈哈。

結論﹕都係阿媽有遠見﹐得我一粒仔。