大丸

成日掛住大丸﹐講緊既唔係高級既大牛丸﹐而係係銅鑼灣既大丸百貨公司﹐無架啦﹐執左﹐因為次次去親都係禮拜日﹐個感覺好好﹐好假日FEEL﹐好輕鬆﹐一D壓力都無﹐行得好自在﹐記得拒分開一二期﹐一期即係前面有條大樓梯個度﹐我就鐘意D﹐因為係男裝部﹐體肉部同埋玩具部﹐二期係賣家庭用品既﹐所以我麻麻。而家大個左可能鐘意D。

後期D既時候拒二樓重整左個青少年部﹐專賣D年青人名牌﹐最記得係最前面既JEAN PAUL GAUTIER﹐個時個個中學生都拿住個藍色JUNIOR袋﹐可以側咩又可以當背囊﹐係身分既象徵﹐公價HKD650﹐唔多唔少﹐個個叫老豆阿媽買﹐我無呀﹐我另類家嗎。

最後當然唔可以唔題拒既日式美食廣場啦﹐當時黎講唔係咁普及架﹐拒算係好新潮有日本野食﹐嘩﹐日本野喎﹐個時淨係識水車屋之嗎﹐邊會去架﹐但係拒就有一個廉價既選擇比大家﹐可以試下咩叫拉麵﹐整個櫃擺晒D假食物係到揀下揀下﹐衰然稔番起﹐其實拒D麵都幾港式下﹐D豌重好鬼舊﹐用到黑晒添﹐但係禮拜日係到食下野﹐望下出面維園﹐對於我黎講真係好浪慢同唔錯架。