湯告老師

無錯﹐我就係你老師﹐湯告老師﹐講起拒就要講番拒既TOP GUN啦﹐想當年係第一城個城巴站等阿媽放工﹐之後就會同拒去食飯或者買餸﹐係到等拒既時間﹐後面間電器鋪實係到播TOP GUN﹐晚晚都係播空戰場面個PART﹐囉黎試機喎﹐其實成套戲我淨係睇過個PART﹐無睇過其他。對阿湯既印象就係禁多﹐之後一連串拒D戲都無睇過﹐因為覺得係講多過做﹐好似悶悶地。

直至去到96年拒既MISSION IMPOSSIBLE第一集先正式睇拒﹐當時係因為拒張POSTER設計得好型﹐側面短髮﹐地球底﹐布拉格﹐禁就比拒昆左入場啦﹐就係個次下晝走堂一條友去海運格黎鬼佬問我點解禁多人禁得閒個次啦。一睇完就覺得阿湯真係有料到喇﹐正到呢﹗好好好睇既一套電影。故事﹐氣分﹐特技﹐比上司出賣﹐哈哈﹐鋪鋪都係﹐整面具﹐吊落黎玩電腦﹐高速火車﹐尚連奴。我到而家都好鐘意﹐拍唔番架啦。

過到黎美國繼續比拒昆完一次又一次﹐吳宇森既MI2﹐WAR OF THE WORLD﹐都係我去戲院睇﹐甘心比錢拒洗既。搞到拒幾發達﹐重有錢結婚添。不過呢兩套就真係唔惦喇。都係屬於雷聲大雨點少之作。同華頭前兩日睇果套野有得輝。

當然呃錢唔可以一次又一次既﹐拒都會整番D好野比大家﹐好似COLLATERAL做既殺手﹐又係好正既一套戲啦﹐節奏明快﹐最尾拒死都要死得有型既﹐咪即係西方劉華﹐乜都要型。又有MINORITY REPORT 啦﹐都唔算差既﹐不過我對科幻麻麻架嗎﹐所以無乜印象﹐反而對SKULL患患重深印象。

今日終於買左拒既MI3﹐之前睇過架啦﹐就係正先買番渣嗎﹐唔錯啦﹐起碼能夠做到無悶場啦﹐不過盒DVD就求其囉﹐得個爛鬼盒﹐無乜包裝﹐緊係啦﹐拒比PARAMOUNT抄左﹐重揼禁多錢咩﹐拒既CASE其實就係反映緊美國﹐美國就係禁架啦﹐當你無利用價值既時候﹐對間公司無乜貢獻既時候﹐就會比人抄﹐比人奚落﹐比人一沉百踩﹐非常禁現實。當然全世界都係禁﹐不過呢度特別勁。