揾工要噪

除左收銀係我一個理想職業呢﹐細個重有一個想法既﹐就係鐘意係別不同做煎年糕﹐煎蘿蔔糕喇﹐個間野位於太子麗聲戲院格黎。見到D阿伯係個熱板度煎糕﹐何其過癮呢。身後個雪櫃又有大量馬豆糕﹐紅豆糕供應﹐真係一分理想既職業。我同華頭都係鐘意呢D他他條條既工﹐無壓力﹐又開心。好可惜既係呢D禁既舊式涼茶鋪﹐已經買少見少。

噤我唯有退而求其次﹐作日係華頭協助底下去到揾我既第二志願﹐政府工去了。首先見到既一分係衛生處請醫生﹐嘩﹐七皮幾一個月喎﹐住邊都得喇﹐老婆發達啦﹐夠錢租跑馬地﹐半山﹐柏建時道喇。不過我要問下讀工程拒請唔請先。同埋我有怕核突﹐怕污糟架喎﹐比得禁鬼高﹐更係大把野做啦﹐都係唔好喇。

警員﹐唔使啦﹐以前無學位就話遮﹐可以做高級D既督察﹐起碼唔使做散仔要係凶案現場看屍先啦。放且D古惑鬼做既野我又一清二楚既﹐破案應該易如反掌。但係衰危險同埋遇埋D人麻煩啦。家人又唔放心﹐算把啦。

之後係政務司司長辦公室請高級管事﹐即係做政務司個工人﹐輪班添﹐要番夜﹐唔惦﹐我要訓覺。

食物環境衛生處請食物安全主任﹐又係七皮野一個月﹐發達囉。職責我稔都係周圍試菜架啦﹐重要係政府比錢我去試菜﹐不外乎睇下D野有無毒啦﹐拿住支銀筷子督督下啦﹐無變黑就走得架啦。見工問我你咩名呀﹐菜瀾囉﹐禁得啦﹐請你架喇﹐稔得過啦﹐呢份。

助理音樂主任﹐教唱野﹐惦喎﹐但係要識小提琴﹐我細個無放棄就可以做喇﹐而家唔得啦。

季節性救生員﹐唔惦﹐我淨識蛙式﹐要晒黑﹐唔好喇﹐夠黑架喇﹐樂仔咩。冬天又量地。

影視及娛樂事務管理處﹐高級規管事務主任﹐不離睇下戲﹐管下D電視台﹐管下志雲﹐岩做啦。七皮一個月。

無聊句語

人做個好市民

坪州賓客人數多

55699

白色太陽野

I HAVE A PEN IT IS BLUE
I HAVE A FRIEND IT IS YOU

死佬出黎。。。

萬里長城長又長

願你品德比水清

小六既時候個個拿住本記念冊叫人寫﹐我重係度話乜唔係死左先寫架咩﹐相當大吉利是。

過期禮物

上星期四收到一份所謂既聖誕禮物﹐外表都已經唔吸引架喇﹐一個圓形半島鐵盒﹐一望個底竟然係一盒過左期既聖誕蛋糕。大佬﹐係屋企抄野黎﹐都要岌下先送架。真係失禮死人﹐呢D咪丟架囉。

不是一個人的聖誕節

開心﹐因為唔再係一個人﹐WITH華﹐唔使再溫書﹐做功課﹐重有狗玩添﹐因為囉到新城勁爆最具創意市場策略大獎。禁都可以係一個獎﹐廢到呢。

恭喜文生﹐文太﹐希望你地開開心心﹐繼續抄歌﹐生仔﹐等我呀﹐希望好快見到你地同你地隻狗。

買野

格黎D兩擊記憶手指幾錢條呀﹖
十皮
呢度一百蚊三碌喎
唔好行啦﹐係到買啦
好呀

十甲的祝福

我等左成年終於可以玩呢句野喇。

聖誕快樂呀。。。WENDY﹗

五加皮

唔該﹐D飛幾錢張架
50蚊
有無得平D架
無架
你都就黎開場架喇喎﹐平D啦﹐平D我同你買兩張啦
我渣唔到主意架喎﹐要問下老細 (貌似林敬綱KING KONG)
禁你問下先囉
我就企個邊遮﹐如果你問到就過黎混我啦

終於都係無。。。徙氣

都未試過買正價既﹐我都係賣20﹐差味甚濃可以賣50﹖唔解掛﹗

媽必態度﹐即走。

識唔識睇呀,唔識出聲

我乜都唔識﹐係時候進修下﹐所以跟蘊華學緊翻譯﹗

haha.. circle or ng sau nay hawk fai.. nay siu la cream 12.21.06 - 9:19 am #
哈哈﹐圓圈我唔收你學費。。你笑啦忌廉

nay hai ar wong, or chow hai circle, doh gay lang lui, ok gae wah tau 12.20.06 - 10:47 pm #
你係阿旺﹐我就係圓圈﹐都幾靚女﹐OK既華頭

原來呢六年我比人既感覺就係乜都唔識﹐乜鬼都要你教既仔仔。你就攻心計到飛起個隻﹐張自力﹐睇得無線多﹐你又做得好﹐深入民心。 禁我扮阿旺啦﹐岩架啦。呢D禁既爛鬼編戲﹐皆大歡喜都不如﹐最多編到豈有此你同萬家燈火渣。陰功。choi 12.20.06 - 10:26 pm #
OH﹐ MY IMAGE IS SO STUPID SINCE 6 YEARS AGO﹐ ALL GHOST I NEED YOU TO TEACH ME SON SON﹐ YOU ARE A VERY BAD GUY(好難譯攻心計)THAT TYPE OF BAD GUY WILL FLY﹐MR CHEUNG﹐ALWAYS WATCH TVB﹐ YOU DID A GREAT JOB﹐ AND ALL THE PEOPLE KNEW THAT。SO I ACT AR BUSY LA﹐SUITABLE FOR ME LA。THIS KIND OF SUCKS WRITER﹐CAN‘T WRITE TVB SOAP SERIES﹐ ONLY CAN WRITE ATV ONE。

gum yud gow or mair ar siu lo c? wai, siu lo c, nay may duk gor chit gai ga wor, dole sick chit gai gae? jing my d mair bear bear hung chut lai...choi 12.20.06 - 10:02 pm #
今日教我咩阿蕭老師﹐喂﹐蕭老師你未讀過切計架喎﹐都識設計既﹐整埋D睥睥雄設計。。。菜

or gang or wui yan ng ju dong min siu kui day, gum yeung ng hai gay ho gae, 1 chan kui day yau wa hai nay gow or, gow doh or yau yiu bay hawk fei wah tau 12.20.06 - 9:45 pm #
我驚我會忍唔住當面笑拒地﹐禁樣唔係幾好既﹐一陣拒地又話我係你教我﹐搞到我又要比學費 華頭

ho siu lei.. nay fi d gor lai la.. or guy siu gor 2 gor mor look nay sick cream 12.20.06 - 9:12 pm #
好笑呢﹐你快D過黎啦﹐我介紹個兩個磨碌你識﹐忌廉

jan hai siu say, yuen loi ar choi gum tang gow tang wa, jan hai gcry wah tau 12.20.06 - 6:22 pm #
真係笑死﹐原來阿菜禁聽教聽話﹐真係乖華頭。(華頭係乖架)

nay doh gow or ho dor yeah la cream 12.19.06 - 10:48 pm #
你都教我好多野啦﹐忌廉賓

nay gow or gum dor yeah, or yiu gow hawk fai lu choi 12.19.06 - 10:36 pm #
你教我禁多野﹐我要交學費LU。

尋菜

阿鬼鬼係2006年12 月20日下晝你放工前四點四十一分有無混過我呀﹖ 係咪睇左我少少(5秒)笑話呢。得唔得先﹐好唔好笑先﹐我呢幾日好忙呀﹐你有咩講低啦﹐唔該﹗

外國人的晚餐

我幾時都話D外國人唔識食野架啦﹐因為掛住玩同做野丫嗎﹐拒地晚餐真係好鬼簡單架渣﹐食個飽﹐可能有D凍肉啦﹐菜啦﹐但係D菜都係生架喇。唔食飽就或者食三四個TV DINNER啦﹐梗係啦﹐一個禁鬼少。一係呢﹐就會去買隻大燒雞番黎齒囉。鬼佬邊會好似D中國人禁﹐夜晚個餐煮幾個餸出黎﹐慢慢嘆丫﹐對拒地黎講只會係聖誕或者感恩節先禁整架渣。

Die Hard 4

賭場蘇

準時十一點正同媽媽開車去混阿鬼。。。格黎間野﹐好多人會嫌夜得濟﹐又會問點解會係禁夜架呢﹐我既解釋係因為個D正常既時間都比D國際級既歌手訂晒﹐禁夜D搞呢﹐D場租又平D啦禁﹐所以 就會搞到次次都禁鬼夜喇。重有一個特色就係多數會有即場飛賣既﹐主辦商整張臺仔係門口賣飛﹐有價講﹐沉日我去到企左一陣﹐就有人縷我買飛﹐禁我見價錢岩又有靚位就幫親左喇。一場呢D賭場蘇其實真正買飛睇既人唔係好多﹐主要係賭場派比D VIP既。所以我沉日就買左呢D特價飛喇。正﹐唔錯既周末節目。

乜MAN物MAN

前幾日同CREAM叔研究下次我地應該開咩戲呢禁﹐我就話開乜都好﹐千其唔好乜MAN物MAN喇﹐投資大﹐回報少﹐乜特技都玩過晒啦﹐用呢D去撼人﹐死梗。故事千篇一律﹐邪不能勝正﹐不能教壞細路。

乜MAN物MAN開始係比野咬﹐細個有陰影﹐奇遇之後有特異功能可以變副麻雀出黎既。有錢科學家混自己做研究﹐搞到自己變左怪獸同乜MAN物MAN打生打死﹐地鐵﹐飛機﹐海底﹐掉黎掉去﹐因為要救個細路搞到比怪獸走甩。

乜MAN物MAN個樣好正義﹐D怪獸個樣好核突。結局怪獸比乜MAN物MAN打瓜﹐原來怪獸有個仔﹐下集覆桌。兩年後既暑假再混過錢。下次再變隻更怪更勁既怪獸同乜MAN物MAN再打過。不過D乜MAN物MAN可能嫌件膠衫太熱﹐怕被定型﹐要換人都唔出奇。

現在黎講﹐我都係鐘情故事﹐笑話﹐愛情﹐細路片多D。

大頭贴

竟然未聽過﹐神奇﹐周董個衰樣幾鬼串﹐同我地差唔多。

本草綱目

首野齌聽麻麻﹐加埋D舞就正好多。有GINGER絲既出現。

日記

本來都想學拿姐逢周末休息架啦﹐但係唔得﹐都係要講下野。

一二三四九
媽必選特首
梗撼費城阿叔陳乙東﹐梁家傑﹐徐家傑同埋劉家傑。

媽必隸屬飯民主派﹐無飯不歡﹐食意粉會唔夠飽。食BURGER KING D飽又好鬼快肚餓﹐食個刻好飽﹐過後無料到。我而家又食緊麥狗D PREMIUM雞飽啦﹐買一送一。 晏晝食BURGER KING個時﹐好唔小心﹐係包裝紙側邊既汁﹐滴晒落我條褲到﹐整到一褲都係。

收工渣73番黎﹐格黎車較低玻璃問我最近既玩具反狗城﹐問岩人也。

沿途都是車﹐條條路﹐商場都是車﹐最好的節目是回家去了﹐今晚深夜才再出動。

前幾日想焚書坑儒﹐執好D野﹐發現我的93年日記﹐早在十三年前已經有作文的習慣了。(笑)

前晚訓覺訓到訓黎頸﹐作天晚上加了一個寢頭﹐今日好番少少﹐但係又嫌高得濟﹐今晚玩墊毛巾。

作晚蘊華稍睡片刻的時候﹐我和大衰係到睇YOUTUBE D MV﹐我一人KARAOKE﹐感覺方便﹐方便過去NEWAY插歌﹐因為乜歌都有﹐她看到我自言自唱一番也不禁笑了出來。

作晚一家人又去慧珊處吃飯﹐蒸鱔﹐大蟹﹐芥蘭牛肉。之前媽媽去買報紙﹐見到報檔EKIDS的ALAN﹐問他知不知誰是我媽的兒子﹐EKIDS 的ALAN說知道﹐就是每晚也很夜才來買報紙的型人嗎﹖媽說﹐對了。

收銀基二

上回講到我企左幾日做GREETER﹐終於係第六日入到去收銀部跟我師父學野喇﹐收既單主要有兩款﹐電話費同手機﹐初初去到間鋪﹐真係日日排晒長龍架﹐都唔知有幾多得閒既人黎交費﹐鋪未開呢﹐出面已經好多人排隊﹐場面震撼。條隊係星期頭既早上呢﹐係唔會斷架﹐見到少少龍尾﹐之後好快又排番人架喇。所以我份工係無停手個隻既。拒地揀禮拜六比我入去試鐘都係好岩既﹐因為逢周末那些交費的人就會過左對面馬會去了。

經過簡單既講解之後﹐師父就比我收單喇﹐第一次有錢過手梗係緊張。數清數楚先找番比人。作為一個新丁﹐收錯在所難免﹐江湖規據收錯自己賠﹐所以我加倍緊張。感謝主係我個三年裡面﹐係我記憶所及最多一次都係一百元正﹐找錯個次拒地都話﹐丫J恩好少河架喎。係呀﹐真係好少河﹐可能我緊張D錢啦。不過話說回頭可能係D師奶同事掛住講女人野遮﹐講到慶高彩烈就乜鬼都找出去架啦。我狗唔狗先搭下哋﹐所以無事囉。

每日番工我多數第一個番到﹐梗係﹐你地無聽過住得越遠越早番架咩﹐我每日番到去同掃地阿嬋早晨完後就會開定D機等D姐姐番黎﹐早餐我一早買定﹐係後期直頭可以開開下工輪住黎食添﹐幾寫意架。每日又可以接觸不同既人﹐街市豆腐佬﹐靚女﹐黑社會﹐無線二打六﹐乜人都有﹐不過最慘呢要算係D核突阿伯阿婆喇﹐用口水數錢﹐離遠見到呢﹐拒地就會行開架啦﹐禁我唯一男丁係洩卓少少架喇﹐無法啦﹐有D講野重噴埋口水添﹐好彩我前面有玻璃﹐無事。好過係出面D SALES。

做做下就做大佬架喇﹐當D舊過你既人走左﹐我就變左舊人﹐可以做師父架啦﹐衰衰地我都教過幾個徒弟架﹐除左而家既大細衰外。做師父就有好有唔好啦﹐教著個醒爬既﹐好易上手﹐唔使你粗心﹐我重可以周圍行下行下添。但係我都好負責既﹐多數係後面岌住﹐驚拒新人找錯錢丫嗎。人地個個唔係帶錢番工架嗎﹐混啖食遮﹐所以真係要小心﹐有我岌住又放心D啦當然。噤住拒地幾次架試過都﹐係後面﹐AIR AIR AIR﹐你找幾多出去呀﹖

接近收工﹐好快又有人黎收數啦﹐一日收下收下真係好鬼多錢﹐衰然唔係自己﹐但係見到都覺得非常得意。當然我唔係監首自盜既人啦﹐清清楚楚又可以收工喇﹐個兩個隊長又好多時買D野黎食下禁﹐幾好玩。

隨住工時加長﹐六點收工既日子好快過去﹐換黎既係七點﹐不過唔使禁多人﹐又係倫住黎試﹐當輪到我既時候﹐你遇著個個鐘無乜人的確既寫意﹐係寫意到我發吽竇﹐唱一人KARAOKE﹐唱到出面都聽到個隻﹐但係多人都係得你一個既時候﹐就會好大鑊﹐我地最唔鐘意遇到既人就係無單既人﹐要幫拒查﹐之後重要係唔只一個﹐係一渣﹐查下查下就會變左好多人出黎﹐好難先清Q。呢樣係大家都最唔想既。

我而家都好想知我D好同事去晒邊。

暫時告一段落

大結局﹐每人最少有62萬美金花紅﹐收到蘊華禮物﹐好過收62萬美金。

握手位

每次完蘇﹐媽必總會係門口等候眾人離開﹐然後同他們逐一握手﹐但係媽必只會揀一D專業人士來握﹐好似吳啟華﹐劉綽棋﹐好紅呀拒﹐又出啦﹐李國能﹐曾蔭權﹐曾偉權﹐梅少惠﹐司徒華﹐小甜甜﹐劉志榮﹐吳庭燁﹐陳志雲呢類專業人士﹐其他稍為無技能既人呢﹐唔好意思啦拒地係唔會彩人既﹐嘩﹐真係衰格﹐呢D係唔係見高拜見低踩呢。白鴿眼到呢。握完拒地會去派報紙﹐之後番屋企食金冠飯。

媽必PUSH介

媽必之價值觀重整之旅
傑出華頭系列

去洗衣檔播緊鳳凰四重奏﹐好多無線BOXSET我都有買﹐呢套一定唔會買﹐見到電視一哥馬德窿個復古頭已經唔開胃﹐我同松仔最憎既﹐無線重囉拒黎同我老豆松仔比添﹐一大侮辱。再加蘊華同CREAM叔最憎既阿蛇﹐難頂。見到勇哥﹐阿BELL﹐蔣志雞﹐腦震盪﹐陳山蔥﹐喬寶寶呀﹐正呀﹐黃智賢﹐唔係蘊之呀下﹐即係做阿海個個呀﹐重有見到前亞視一姐袁潔儀添﹐我都唔知潔儀姐姐過左黎添。但係前無線一姐劉綽棋就反而過左亞視添﹐我稔拒一定想憑一人之力打救亞視啦。

今日用COUPON食BIG AND TASTY﹐買一送一。

樂仔2001AC演唱會

原來樂仔你都黎AC開過個唱既﹐你坐個架應該係我架VAN﹐後面個個就可能係ALVIN嫂﹐你係JFK落機﹐一臉忘然﹐格黎有袋COOKIES﹐後面有盒紙巾。

第二幅﹐你好大隻﹐隻PANERIA重大隻。唱野都帶住﹐好少河。

頭頂﹐你同圓圈。

你個晚係咪唱左三首野呀﹖

今個禮拜六到我開啦﹐晏晝我要訓足精神架啦﹐唔好搞我﹐唔該﹐夜晚11點到出門口﹐自己渣車﹐係屋企食阿媽煮既飯﹐打鋪TIME CRISIS 3﹐同蘊華講完拜拜就走。D詞我多數唔洗背﹐記得﹐不過要練下首天水圍城﹐公主太子兩首。囉完支票﹐番屋企即訓﹐第二朝買野。混錢係禁架啦﹐人生都係禁架喇。

頭條新聞

話說我好鐘意食豆腐﹐夜晚放工番屋企﹐榮華都會買半磚豆腐去孝敬我﹐比我品嘗。

去維園夜媽媽﹐稔住談下心啦﹐最鐘意個頭架嗎。點鬼知遇賊﹐拿住個指甲鋤打劫﹐後尾見到警察﹐個賊驚得濟﹐比番錢不得只﹐重比多添﹐有貼士。

話說香港D私人會所好難入﹐唔係有錢就得﹐好似座落立法局對面既香港會﹐要幾廿人同意你入先得﹐重要身家清白﹐剪個髮80皮﹐媽必摯愛﹐有保齡球場﹐但係係人手擺樽既。有D就CLUB就限制人數﹐無多無少﹐有會員死左﹐退會先有得玩﹐就係禁申請需時﹐所以媽必D仔女未大就幫拒地申請做會員﹐到第時大左就有得玩啦﹐用心良苦。

去到深灣游艇會﹐地方有限﹐可以將隻船直接泊岸既位好少﹐坐駁艇番岸既又話唔夠威﹐真係麻鬼煩。

TIME CRISIS 3

大電視係玩唔到既﹐只可以係顯像管電視玩﹐非常好玩﹐一日回本之作。

無間場景

學校後樓梯﹐稔過係到拍無間﹐應該WORK﹐重有天台添。

電玩

呢個都好玩啦﹐考完試慢慢玩﹐有WINNING9﹐GT4﹐TIME CRISIS 3﹐夠玩一世喇﹐CHECK過電壓110-240﹐哈哈﹐死未。

咩deo 話? video 呀

西片對白

連西片都拍過﹐就當媽必要慶賀。
今年六月就係因為媽必肚餓難底﹐錯過一次拍豬豬俠既機會﹐搞到而家要去拍咒怨2。A級片同D級片既分別。

今日同大家精選幾句我係學校既西片對白送比大家

I LIKE YOU BLAZER﹐梗係啦﹐想型就梗係著番D CASUAL SMART﹐著下西裝縷架啦。

I LIKE YOUR JACKET 橙色個件﹐我著黎開工既﹐爛爛地添﹐係冰火買既。

I LIKE YOUR JACKET 迷彩個件﹐呢件野唔知點解讚過幾次架喇﹐都唔知有咩特別﹐美軍之嗎﹐周街係啦﹐唔通班友愛國得濟。

I LIKE YOUR JACKET YOU LOOKS SO WARM﹐唔使講啦﹐全費城著得最夠衫架啦我﹐出名米之蓮羽絨王。

I LIKE YOUR CAP﹐ZOO YORK 啦﹐我都好滿意既。

I LIKE YOUR LAPTOP﹐多謝﹐我係電玩王

I LIKE YOUR WATCH﹐G SHOCK﹐岩既﹐黃表係好難有既﹐元彪就大把 。

I LIKE YOUR BAG﹐ACG﹐一向用開有感情啦。

I LIKE YOUR PANTS﹐ZOO YORK迷彩﹐我唔鐘意就唔會買啦。不過唔係隻隻迷彩我都鐘意架。

I LIKE YOUR SNEAKER﹐ 我買親都禁搶眼﹐D鬼佬實鐘意架。

JOE﹐ WHAT DID YOU EAT﹐見到我好鬼嘆禁食住個雞湯飯﹐沉日凍冰冰﹐大家知我食野個衰樣架啦﹐懶ENJOY D FOOD禁架嗎﹐咪又搞到又羨慕又想食禁囉。之後王傑個衰仔重加多句話我成日打電話去叫野食架﹐唔洗行去叫。

JOE﹐ YOU ARE LUCKY MAN﹐又係出自王傑﹐第一次係MATERIAL強到做舊SAMPLE﹐拒磨先﹐但係整左好耐都未整到。但係我後來居上﹐拿拿聲搞惦左拒之後講既。
一次係沉日年糕強考FINAL﹐一人切一舊年糕﹐拒地整先﹐我同肥BRAD PITT典後﹐點知搞到好夜﹐阿SIR話要走喇﹐我同肥仔免疫﹐唔洗考﹐搞惦。之後王傑再爆多次既。

其實以上既情形好多時都係因為我貪威識食讚番黎既褒獎遮﹐多謝大家比面就真啦﹐氹我開心。

白兵

為你流淚

PATH﹐孔子大廈﹐WORLD TRADE側邊個墳場﹐橋底﹐鬍鬚牛仔LOOK﹐黎啦﹐終於有人整上去啦。

唔熄街燈

我幾喜歡呢隻黎狗歌架﹐其實係來自由拒主演既一套電影叫都市情緣。同樣地我都好鐘意個套電影﹐因為成套野係灣仔﹐銅鑼灣拍﹐重有新寧大廈﹐太古廣場西武添﹐我最岩啦﹐套野有達哥﹐吳倩蓮做﹐重有陳浩民條友做奸仔添﹐又係一套商業電影﹐黎狗係套野到其實係扮華DEE既﹐黎狗扮華DEE喎﹐你話幾有趣呢。套野有兩首主題曲第二首係一段盟誓﹐美國應該得我個妹識。

依依不捨

全費城應該得我有呢隻KARAOKE﹐因為無出過正版VCD﹐DVD﹐係大陸番梘﹐個期我岩岩係玩緊藝術家LOOK﹐滿面鬍鬚﹐重要係TIMES SQUARE行黎行去添﹐有一幕就講我係間大廈裡面﹐個窗望出去好似孔子大廈﹐所以我每次去個度都稔起呢隻歌﹐重張呢隻歌變為孔子大廈大廈既主題曲添﹐第時我唔係呢度發展個時﹐希望大家聽到呢首歌會稔起我。

回首

一首唱過N次既歌﹐早係謝師宴已經想唱﹐但係岩岩個次喉部不適﹐改唱左黎狗既但願不只是朋友﹐唱完D女侶同學重尖叫添。我都唔知呢兩首歌同謝師有咩關係﹐D老師聽到一定想耷我添﹐但係拒地都知我無得救架啦﹐所以放棄。幾年前我當新野係瘋收囉番黎唱﹐D反應都OK。

最後一戰

晨早番學做野﹐做到中午叫埋王傑落下面食免費餐﹐食左塊磨菰比薩﹐好好味﹐囉多兩舊三明治﹐飲多兩支PEACH ICE TEA﹐再做過。食野後王傑走左去剪髮﹐我就同阿SWEET﹐成日講SWEET既光頭仔一齊做數。

放學經過沉日買GAME既地方﹐發覺已經賣晒啦﹐感覺高興﹐家人更加玩得開心﹐由其阿媽識自己開機玩。犀利。

SIX FEET UNDER

每個人都終歸一死﹐死對我黎講唔係禁可怕﹐怕既只係死屍﹐因為核突。沉日去BJ買野見到一盒SIX FEET UNDER既BOXSET﹐好大盒好得意好靚﹐個頂蓋整左個假草地﹐上高有個墓碑仔﹐迎合番套野講殯殯館既主題。以前去過一次紅磡世界﹐個種感覺非常唔好﹐好得人驚﹐去廁所都要混埋老豆﹐拿拿聲去完﹐番去多人既地方﹐坐係D人中間。親戚叫我去後面睇下﹐我都唔係太敢﹐加上有D D 打佬奏樂﹐氣分相當恐怖。有個衰仔朋友無野做混工﹐講笑話去世界煮齌做廚﹐嚇死人。我個次搭部LIP﹐幾鬼驚拒落世界地牢呀﹐好在係地面識停。

去和記拜山﹐山高﹐晨早去霧大﹐上上落落D樓梯﹐落到去個度﹐人都無個﹐又係唔係太敢行前面。因為D墓地好鬼逼﹐係D路仔攝下攝下﹐唔該借借先去到拜山。經過如果有D墓地日久失修﹐重穿左窿添﹐見到下面﹐我真係唔敢望。呢D就係中國人既地方﹐死都死得逼過人。

係美國我渣車經過D靚屋都會望下﹐讚下﹐但係好多時都會讚左D殯殯館﹐因為真係好靚既一間屋﹐如果你唔識字﹐真係唔知拒就係殯殯館。D墓地呢﹐好闊好大﹐多數無相﹐我稔呢個係令人無禁驚既原因之一。就即係好似D人會去赤柱軍人墳場影相一樣喇。

韓燒﹐蕭漢

HON SIU﹐ SIU HON﹐ SIU HON人生﹐SIU HON風雲﹐媽必架家鼎之子到左啦﹐FC KERBECK遲D會安排個頒匙儀式﹐多謝晒。 沉晚第一次帶爸媽去東北韓燒食飯﹐阿媽話呢度竟然有間禁既野﹐沉晚D配菜麻麻啦﹐最特別係有蘿蔔沙甸魚﹐但係D燒牛好靚呀﹐從來未見過禁靚。入去既時候發覺有個鬼佬係門口﹐以前都無乜留意既﹐沉晚先知原來拒係韓燒做食蕉既﹐一位貌似辛潘既食蕉。沉晚又見到韓國胡美儀啦﹐但係沉晚因為之前既一場天雨﹐搞到得番我一台客﹐又食到打央﹐真係大鑊﹐第二濟啦。

呢幾日我係幾開心既﹐因為逢親放完THANKSGIVING呢﹐番多一個半個禮拜就搞惦啦﹐終於﹐終於。番去都係填下D EVALUATION FORM﹐好鬼輕鬆。上堂既時候又同D男同學玩下玩下﹐﹐講下笑﹐將D紙掉黎掉去。見到D 阿SIR﹐又有講有笑。黎左TEMPLE幾年﹐發覺同做生意一樣﹐係要儲客既﹐而前初到貴境﹐個個唔識﹐而家買個飯盒﹐見到個東歐佬又會寒喧幾句﹐係ENGIN 座野行黎行去﹐又好多人都叫黎叫去﹐掃地個個都會同你打招呼﹐今個學期真係幾開心﹐岩岩遇著D好人﹐無話衰衰格格﹐自私自利﹐我最鐘意呢D環境架啦﹐沉日王傑重介紹左拒D 賓賓FRIEND我識添。重話今晚有PARTY問我去唔去。我﹐梗係去啦。哈哈。

不諳英語

媽必係文盲好多人都知﹐我地係美國生活到﹐出到街﹐搞得惦自己已經係一個奇跡﹐平時我地囉架車去換油﹐換呔﹐都係用身體語言﹐指指點點﹐或者齌講D單字﹐CHANGE﹐CHANGE﹐然後指住條呔。去CHICKEN FACTORY﹐我問人囉牛油﹐會叫囉D COW OIL。後來生活耐左識多左野﹐終於FIGURE OUT 到D野點解。D鬼仔成日講SWEET﹐係咪真係禁SWEET呢﹐YO﹐ WHAT DID YOU GET IN THE QUIZ﹐ I GOT 95﹐SWEET。沉晚落大野﹐見到出面打大風﹐拒地會話﹐POURING﹐IT IS SO INSANE﹐我而家FREAKIN OUT啦。

愛是不保留

一個好值得記念既日子﹐影音全記錄﹐第N次同阿花合作﹐在鏈人慶典上高歌一曲﹐衰未至於好好聽﹐但係實屬難得﹐當日早上同餅妹坐住拒部戰車出動﹐去到既時候已經見到真正既妹企埋一邊唔知做乜﹐其實係係到練聲﹐開聲﹐之後我地去到食早餐處等野食﹐一陣子彩玉黎到﹐我呢個麻煩友期望既粥同抄米緊係無啦﹐係食蛋撻﹐都係一個不錯既選擇﹐重比媽必笑彩玉個飽添﹐媽必認真衰格。

火火於懷(後悔)

呢首野係一首經過精密計算既一首商業K歌﹐拿﹐想首歌好聽阿下﹐高底音起伏大D﹐D字填密D﹐禁咪得囉。當年某個星期六係西九龍廣場﹐我搞左個卡拉OK宣傳活動﹐當日早上我就同左幾個無乜兩句既同學去左個樓上瘋收。稔住下晝就去我既宣傳活動見一見自己同埋參加個比賽﹐個活動係齌唱呢一隻後悔既﹐贏左可以同我合照﹐同台演出﹐DISCMAN一大部。一心為心以為下晝開始報名﹐點知上晝已經係初賽﹐我去到無得玩﹐只可以離遠同我自己揮手﹐呢件事一直令我火火於壞﹐禁多年都解唔到呢個李心結。