畢業論文

終於同學校再一次講拜拜喇﹐期待已久既正常生活﹐有睇開呢個台既觀眾都一定知道呢度既篇幅大多數都係回顧以前係香港既日子居多﹐美國既內容唔算好多﹐而且多數係鬧人既﹐無辦法﹐因為實在見得太多唔公平同太多唔係一個人應有既所為。三十年都未遇過禁多衰人﹐係到一次遇晒。禁都有好處既﹐即係話第二度無呢D人囉。係晒呢度。

睇死。。。做人最慘莫過於比人睇死﹐覺得你做唔到﹐做唔黎﹐無禁既才能。我講野係廢﹐係某D人心中﹐我講D笑話可能好爛﹐你唔識笑﹐唔緊要﹐大把人識欣賞。但係唔好睇死我畢唔到業先得架﹐望呢個社會多個有知識既人好過望多個乞兒啦﹐下話。黎到無幾耐﹐有條友成日問我有無後恢﹐有無過錯黎﹐你禁大個先黎﹐有無決定錯呀﹐慣唔慣呀﹐你個仔讀書麻麻架渣喎。

關你地鬼事咩﹐唔該你講D好聽D正面D既說話得唔得呀。我把口係衰﹐都未之於禁﹐我個種衰﹐係你聽完之後都識笑個隻﹐起碼唔會令你難受。禁又好難怪既﹐未學過。我以後一定會好好招呼兩位﹐以我既性格。

唔好話吐氣揚媚﹐成街大學生﹐不過至少證明到我唔係一個容易放棄既人。有始有終﹐自己起碼完成到﹐起碼無請槍﹐無買試卷﹐無夾一皮野比教授。渣極衰極都賺左張獎狀﹐我最鐘意既野。

六年前第一次到瘋收﹐係街頭唱野﹐華達拉馬走過黎認識我﹐話我唱得正﹐梗係﹐混食架大佬。之後走黎同我講下野﹐後尾係到同我扮熟﹐但係其實連我個名都唔知﹐比我當場躂爆﹐係到講句唔好意思﹐我太直。

玩左半年先開始正式讀書﹐個時未有車﹐去CAMDEN番學﹐什過鬼﹐第一日已經係街比D人聊﹐不過無理拒﹐當時都幾驚﹐因為第一次﹐一個人﹐唔知頭唔知路﹐重要係全美最差地區之一。係間學校裡面就OK既﹐重識左班靚女外國同學添﹐用有限既英文同拒地交流﹐又有一個好好既英文老師﹐又有一個成日走強去見工﹐後尾轉埋工既老師﹐非常唔負責任。記得感恩節老師重叫每個來自唔同地方既同學帶一個自己國家既餸﹐一齊番去慶祝添。我個次番到屋企就抄雪櫃﹐發覺無乜正野﹐就地取材就整左個菜顏抄飯番去喇﹐個個重食得津津有味添﹐反而有人整D甜野就擺番晒係度﹐梗係啦﹐點食禁多甜野喎。

如事者搭車番學放學﹐同埋逢禮拜三坐火車過費城食飯﹐好快就過左三個月喇﹐又同呢個九反之地說拜拜﹐其他同學都各散東西﹐有D就番左鄉下﹐有D繼續忙碌﹐我之後就有左架車喇﹐重一個人係一個遙遠既地方渣黎添。有左拒我亦都唔使再係九反地番學。

去到一個叫黑木既地方﹐唔係目黑﹐就開始新既一個學期﹐幾鐘意係個度番學架﹐因為起碼似番個校社丫嗎﹐人又多D啦﹐又無CAMDEN禁雜啦﹐真係一個理想既學習好地方黎架。

係個度番學呢﹐下晝個餐﹐多數係漢堡王度食啦﹐一係就幫親一間中菜堂食又或者幫親加德士上教D雞。

每日晨早番學都會渣E95呢條路﹐而係每一個早上陪住我既﹐唔係淑梅姐又或者曾志華﹐而係CHRIS AND JJ﹐衰然不諳英語﹐但係仍然對拒地不離不棄﹐有一種堅持。就係零一年九月十一天朗氣清既一個早上。正當我係條E95公路上﹐就聽到CHRIS AND JJ 報導有關一架飛機剛剛撞入世貿﹐平時不諳英語既我係個一刻竟然好清楚CHRIS 同JJ所講既每一個字。之後格左十分鐘後再黎一架﹐心稔唔係阿碼﹐禁大濟。番到學校即刻走去飯堂望下個大電視﹐點鬼知竟然有班友係度打機﹐好多人都未知發生禁大濟野。如是者上左一堂﹐係第二堂就黎開始既時候﹐我同幾個知度呢單野既同學就同我地個經濟老師講呢單野﹐之後拒就即刻宣報取消個強﹐叫大家番屋企睇下咩事啦﹐我就即刻飛車番屋企喇。