古惑的橋

成日話D中國人古惑﹐其實好多鬼佬先真正古惑﹐只不過拒地好多時合法地古惑﹐貪大唔貪細﹐食親都大茶飯﹐香港有好多呃人既橋其實都係出自鬼佬﹐都係抄番黎既遮。

好似早係十幾廿年前﹐當我去迪士尼世界個時﹐就去過一個茶會﹐吊魚梗係要有魚餌﹐個朝間公司就話有免費早餐供應﹐之後聽個TALK﹐個TALK就係向大家介紹一種短期租屋﹐你比一筆錢﹐就可以有一間好靚好靚既渡假屋﹐但係只係每年一個特定既時期﹐其他日子係屬於其他租戶既。後尾好多年後香港先抄呢條橋﹐但係當然好失敗啦﹐中國人點會受架呢套。

最近買完盒PS2射野GAME﹐FYE間野就問我要唔要D免費周刊﹐本來都唔想要架喇﹐你知我個人好鬼唔貪心家嗎。有免費泊車﹐我就死都唔泊﹐有BONE氣到死﹐又哽頸到死﹐我話知你免唔免費﹐我唔鐘意就唔會要。而且我明知呢D野有好多條款﹐所以都費是麻煩﹐但係個次比錢既時候﹐拒又問我屋企電話﹐之後就CHECK到晒我地址﹐美國有D野係好鬼先進﹐唔知拒D咩系統﹐之後拒就話OK架喇﹐你蛋蛋啦﹐會寄書比你架喇﹐禁我咪算囉。番到屋企慢慢研究拒D TERMS。原來開始個幾期免費﹐之後如果你唔打去取消﹐拒就會差你錢。

拒寫得好鬼有技考架﹐拒話係因為唔想麻煩到我﹐所以如果我唔取消呢﹐拒地會一路寄黎架喇﹐丫﹐幾窩心喎﹐真係對我好喇。

沉日我拿拿聲打去啦﹐又要讚美國先進喇﹐因為D 電話係電腦接聽﹐拒講完渣OPTIONS﹐就會問你邊樣﹐你只要答YES OR NO﹐就可以了﹐完全不經人手。電腦識別能力又高﹐講TIME﹐ENTERTAINMENT WEEKLY都識聽架。我又可以用埋D惡語氣同拒講﹐好鬼過癮。