厭尖家居評論員

睇下個廁所個洗手盤﹐望落好HIGH TECH呀話﹐得塊野﹐我就唔會裝喇﹐因為D水好易整出黎﹐實際作用唔大﹐得個美觀﹐我鐘意一個夠深既白色洗手盤﹐呢個廁所唔係以下間屋既。

大家睇下個房又係白到飛起。唔好搞我喇。

書房見到有部VAIO喎﹐正呀。

呢張堅野賣成港紙17000蚊﹐MARSHALL 有張黑色既賣4800蚊港紙。上面重有張假羊毛氈添﹐擺係阿FRED上面可以扮棉羊。

我每日番到黎屋企當然好似大家一樣﹐換衫﹐灘係張電腦凳上高﹐隻腳找住地氈﹐舒舒服服咁鬆弛一下﹐飲番杯熱茶﹐睇下電腦﹐報紙﹐所以屋對我黎講係非常咁重要。比CREAM叔提醒﹐今日講下間屋先。首先評論下呢個廳﹐同好多年輕人一樣﹐呢位女士鐘意白﹐白唔係唔好﹐但係太白就唔好喇﹐太白其實係海鮮舫﹐唔係屋﹐太白個感覺太凍喇﹐從文章講個屋主好想整到天堂咁款﹐嘩﹐唔使啦掛﹐未死喎。我個人黎講白之外都係要加番D暖色﹐我會用深色木地板﹐或者加張地氈仔啦。全屋整地氈就唔會喇﹐太潮濕。