遊戲

係一個公園﹐媽必第一次玩二人三足﹐我著左對橙色AIR MAX 95著左短襪﹐條二人三足繩整到我隻腳好痛。

係一次嘉年華會媽必同其他人負責畢飯﹐畢畢下重走左上二樓食飯﹐後來被春田花花偷橋。

係另一次嘉年華會﹐媽必兩個人負責一個遊戲攤位﹐無乜細路敢埋黎玩﹐但係有個好鐘意識女仔既壞人黎我地度玩﹐玩完我地求其比左張飛拒﹐打發拒走。

再係另另一次嘉年華會媽必係負責賣魚蛋既﹐都幾好生意。

係一次SPRING CAMP當中﹐媽必帶遊戲﹐帶遊戲唔怕﹐最怕係要帶得耐﹐個次我地要玩足兩個半鐘﹐真係唔係個個頂得順﹐帶左世界之最﹐估茶煲﹐填詞遊戲同埋收買佬﹐最尾都比我地過BONE。

係另一次SPRING CAMP當中﹐表姐帶左個唱歌GAME﹐拒出題﹐係首歌度要有個咩字﹐咩意景﹐咩顏色﹐我當然好惦喇。

係某一次WELCOME NIGHT﹐CREAM叔同泳兒合作﹐用四個字黎形容自己﹐我用左不知所謂呢四個字黎形容﹐不過言下之意唔係話自己。

係我最後一次參加既SPRING CAMP裡面﹐CREAM 叔帶左一個分享﹐因為無錄音機既關係﹐我用打鼓傳野黎定出分響者﹐我聽到舊野幾時到我附近﹐我一次都無中蕉。

前年倒數玩遊戲﹐玩床單估人﹐我一個人估晒人地成隊禁濟﹐相當過癮。之後玩嘴唇拿VE﹐因為CREAM 叔問埋D我同拒成日講既野﹐我又答鬼晒﹐搞到D隊員同埋其他組成員相當無癮﹐又其係D靚妹﹐呆晒。教會野點都要整番幾題聖經野﹐但係一問到呢D聖經問題﹐我又呆晒﹐我唯一可做既事就係望住大衰。之後就玩尋寶﹐逢親玩呢D行黎行去野都無乜心機﹐D組員玩得開心﹐我就拿住D野食周圍食。