揾工記 1

昨日見自己應做既野都做晒﹐因此試下行街﹐做下運動﹐兼囉新分證﹐先落樓下食粥﹐之後向尖東出發﹐由旺角道行出去﹐先去朗豪坊﹐咁大個仔都未去過﹐話比人聽都比人笑啦﹐行到入去﹐見到間ARMANI EXCHANGE﹐比較下同美國既價錢﹐梗係香趕貴啦﹐衰鬼﹐OUTLET野當正價貨架喇。

一入到去﹐稔住可以見到天幕下的戀人個大強﹐點知見唔到﹐以為無線係係第二度拍既﹐上上下先知道個個大強原來係商場中層既﹐好抵死既設計呀。周圍睇下D鋪頭﹐又上高D﹐開始發覺間野左一忽右一忽﹐上到條好高既電娣﹐重過左幾層商場添﹐落都落唔番黎﹐真係搞笑喇。

之後我放棄彌敦道沿住上海街一直行﹐望下D家私﹐發覺無我要既野﹐無紅白凳凳﹐大失所望﹐不過仍然見到好多不綉鋼煮食用具﹐雞蛋兒子模﹐月餅模﹐其他人跟本唔識去揾既地方﹐當然重有賣龍鳳被﹐裙褂既地方啦﹐又有舊式茶樓﹐講你都唔識欣賞架啦﹐咪淨係識食佳佳囉。

一路行一路向老婆報告行縱﹐黎到永安﹐上去望望﹐無野﹐落番黎。去到恆豐﹐又無野﹐又落番黎。如是者行到黎“ALL 士邊度”﹐上去我既母校睇睇﹐發覺已經放緊假﹐就走。

去到美麗華商場﹐算係多野賣既商場﹐起碼有大家熟識既UNIQLO﹐ICE FIRE﹐AGNES B﹐ IT﹐發覺ICE FIRE D野同以前唔同晒喇﹐似BAUHAUS多D。

沿金馬輪道轉去厚福街﹐發現我喜愛既手絲雞﹐依然有售﹐下次去先。

終於行到去尖東喇﹐囉左新分證﹐就番番去旺角中旅社稔住博下懵先囉回鄉咭﹐因為重有一日先到﹐排到去都係無﹐咁就買左舊叉燒番屋企喇。

係屋企樓下望下望下D地產﹐比較下D價錢﹐有職員摟呀﹐我咪問下囉﹐重睇埋樓添﹐一口氣睇左五間﹐第一間樓下無遮無掩﹐自入自出﹐死。

第二間走廊直頭係大事件D舊樓﹐中間天井可以吊條飛虎隊落黎﹐之後同葉繼歡打到飛起個隻。

第三間見鬼走廊﹐側面有D籠係到比人擺野﹐夜晚番黎實嚇死。

第四﹐五間﹐個窗對住個天井﹐天井上面放左D垃圾﹐幾得意架﹐同埋其實係一個大單位﹐分整左三個細單位﹐一個鐵閘﹐裡面三道門﹐屋裡面非常之細﹐廚房係一個煮食爐位﹐廁所係一個塔位﹐沖涼D水就落番個地﹐無面盆既﹐問你驚未﹐你班友嘆慣食慣梗係未見過啦。

夜晚快必煮意粉一齊食﹐兩個好快樂。