車房仔

好野﹐終於做到車房仔喇。同華頭食日本野慶祝先。98銀包兩位﹐抵食﹐魚生六件﹐生化壽司六件﹐強拉麵﹐蟹子沙律﹐麵豉強﹐煎雞扒﹐煎餃子。坐係間野令我稔起紅磡既加太賀﹐環境算唔錯﹐都有D客路﹐我滿意既一餐。

下晝稔住落高佬到食麵啦﹐著到成身STREET FASHION﹐我日日都係咁架啦﹐過馬路比個藍帽子截查我。就係係葉繼貓個條街﹐咪比個身分證拒睇囉﹐問我做咩﹐食飯囉﹐做邊行呀﹐車行呀﹐整車呀﹐唔係呀﹐打開件ZOO YORK睇睇﹐咁熱著咁多衫﹐係呀﹐凍丫嗎。以為我收埋D野﹐笑死。CHECK NUMBER﹐無事﹐放我走﹐樣衰之過。

我細個係大圍等亞媽放工都試過比人查架喇﹐成日以為我係拆家﹐痴線架。

對付D地產佬原來最有效既方法係著西裝﹐著到同拒地一樣﹐個日我見完工番黎﹐拿住個雞皮紙袋﹐一個經紀都無埋個身﹐係奧運站重好笑﹐地鐵唔比班友行入去個站到﹐要D友企係出面﹐有條地鐵友企係條介到睇住班友唔好過介﹐頂到行晒咁﹐笑爆﹐呢D咪香趕囉。

休息埋呢幾日﹐作日下晝走左去食米線﹐今次可能肚餓﹐個腩肉﹐腐皮米線好食左喎﹐我最鐘意拒加三蚊就有凍飲﹐正。

食完見得閒走去下D地產鋪搞事﹐自己一條友睇下D租盤﹐第一間幾大﹐價錢就唔岩﹐但係已經租鬼左比人﹐之後去左一間﹐個窗對天井﹐整晒D我最唔鐘意既組合櫃﹐間房重起埋個床架添﹐價錢又貴﹐唔岩。最後拒話有個豪裝喎﹐望下啦﹐真係唔錯﹐熱水爐裝隱閉﹐水力夠﹐開放式靚廚房﹐靚景望到少少IFC﹐廳房夠大﹐重有D岩用既SOFA﹐書臺﹐櫃﹐自己買埋白餐臺加DESIGNER CHAIR就惦喇﹐事後係咁叫我落訂﹐吹我﹐價錢無得減重要加﹐彩拒都癲。

之後自己行落老鴨﹐睇電器﹐好多男人﹐好多電線﹐好多手機﹐都唔知點解香趕咁鬼多手機既﹐痴線﹐如果全香趕分左拒﹐一個人起碼有十幾廾部。我望中部SAMSUNG全白﹐無字既揭蓋日式VODAFONE電話﹐我用爛呢部先買。

個日去廣華睇槍﹐好鬼多槍﹐鐘意左輪﹐GLOCK17﹐重版。

夜晚去左雅蘭既品味人生食晚飯﹐一聽個名已經笑到我死﹐同常都係D無品既地方先會改個咁既名既。FUSION野﹐無好感。但係有人請﹐我無話可說﹐一定會開開心心咁試。話名私房菜﹐其實係雅蘭六樓﹐百九幾個位﹐食兩人套餐﹐可以係張紙到剔食咩﹐菜名都係懶矜貴個隻﹐蟹子沙律盞﹐七味雞翼。其實間野係拒囉野黎既自助餐遮﹐整左兩個靚仔著晒西裝﹐帶晒HEADSET咁﹐不過我笑左咁耐﹐間野D野都係OK既﹐食得過架喇﹐250蚊兩個人。