星期四五

下晝試左第二間茶餐廳﹐食左個BALL蘿雞抄飯﹐呢D快餐好明顯係整定晒﹐D抄飯係食得出唔係即抄既﹐廾零蚊係咁﹐同埋廾零蚊既一碟飯唔係幾夠我食。

夜晚收工比老細捉住﹐係咁討論﹐搞到我部電話係咁震﹐我又聽唔到﹐終於七點幾先收工﹐一出門口﹐見到華頭﹐華頭蛋我放工﹐我好開心﹐同拒一齊去買TEE SHIRT著﹐之後去左一間地茂茶餐廳食飯﹐張凳有塵既﹐叫左個滑蛋蝦仁﹐唔係幾夠味﹐支竹牛腩煲又唔係咁好食。麻麻。

華頭開始發覺拒而家最大既開支係食飯喇﹐都話架啦﹐信我啦﹐我無點你既﹐我食鹽多過你食飯﹐係出面食唔值架﹐食我煮既飯啦﹐食唔到就番屋企食﹐我知道你班女人實會話我地都係想同你地班男人食遮﹐我只能夠話忍下啦﹐就得架喇。呢個世界得我D兄弟識煮飯比老婆食﹐跟到我地真係一世無憂﹐跟其他人只有死路一條﹐唔怕得罪講句。

話咁快又星期五﹐一日之內接左好多電話﹐今日又唔夠人番工﹐搞到我要自己食飯﹐我又試第二間茶餐﹐食左個BALL蘿牛柳絲飯﹐廾五皮又飯又強﹐一囉黎﹐用隻不繡鋼兜裝著D牛肉﹐好似幾好食﹐食落就麻麻﹐D牛肉係用D頭頭尾尾。

食完自己行左出海皮望海﹐望下港島﹐望下九龍﹐煲番支MINE﹐舒服晒﹐不過好貴晒﹐無帶黑超。

多野做自然過得快﹐放工又行落維園過老銅﹐係出口望到ALUMINUM﹐二話不說過去體﹐貴到爆﹐齊體唔買架啦。行過去FRANC FRANC睇家私﹐百老匯睇電視﹐SOGO睇PORTER﹐華頭會以為我真係咁鐘意行街﹐其實不然﹐我只係睇下有無野靚過我心目中既野遮﹐原來都無。

夜晚食上海小館﹐食鱔糊客飯﹐睬你都傻 。格黎臺一對麻煩夫婦係咁講英文教仔﹐SON﹐ YOU ARE BIG ENOUGH TO EAT SPICY FOOD﹐ TRY TRY。成間野聽到都眼火爆。冤恨指數去到最高。

食完番左屋企訓覺﹐朦瓏中聽到快必同我講叫我訓啦﹐唔使理拒﹐我無理﹐之後聽到拒講電話之後又出左去﹐出街王。我就訓下又同CREAM叔傾計﹐蛋老婆回家。