意會文

我作既野係好講意會既﹐你未去過﹐未食過﹐未體過﹐未聽過﹐係唔會知我做緊乜既。今晚放工搭地鐵﹐聽住我上個禮拜係旺角買既雜錦CD燒左落去個IPOD度既GOR﹐好正﹐聽到賓妹既東京百貨﹐HOCC既木紋﹐同大肚婆謝安既八分三﹐好正﹐好舒服﹐由其聽到賓妹既GOR﹐好適合收工聽﹐講日本既GOR越黎越多﹐咩東京﹐涉谷﹐山手線﹐目黑區﹐代官山﹐摩司漢佬﹐求其講都一大渣﹐為左而家鐘意去又容易去既日本既年輕人而作既K GOR﹐相當穩陣既GOR。

秋天涼意已開始﹐衛衣出籠﹐以前部IPOD永遠都係我車裡面﹐而家既IPOD就係我身邊﹐坐住東涌線﹐番屋企有位坐﹐真係相當舒服﹐加上今晚有華頭煲既靚強﹐生抄魚塊﹐人生實在太過好玩喇。

上個禮拜六無去到沙田沙禁﹐去左旺角信和沙禁﹐地方唔錯﹐拒地重有個SKY LOUNGE﹐扮ZOO YORK酒店﹐勁﹐個晚唱D詩就渣D﹐好似D朦面超人主題曲禁﹐我就麻麻喇﹐信息亦都麻麻﹐所以去完之後﹐我同華頭就去左旺角既第尾餐廳食豉油西餐了﹐華頭對於污糟既地方特別唔老黎﹐加上那裡既牛扒稔到似腐肉精﹐所以華頭不予評級既評分。

到現在仍然好掛住台灣﹐好彩今個周末又有特備節目遮。