星期五

延續上次台灣一役避開大量人群無位食早餐既傳統﹐今早繼續同你玩早起﹐博你班香趕人起唔到身﹐果然七點九落去未有太多人﹐起碼見唔到潮人﹐潮人個D咪淨係識用錢買晒D潮物堆晒上身﹐早起唔惦﹐游水唔會夠我游﹐食野唔會夠我地多﹐肚腩都一定無我地禁大。

事先張揚話泰國既早餐好豐富﹐的確都唔錯﹐三文魚﹐COLD CUT﹐各式煎蛋﹐粥﹐炒粉麵﹐炒菜﹐生果﹐果汁﹐麵飽樣樣都有D。基本上食左可以好晏先再食野﹐極為化算。我地一輪沖鋒之後飽晒﹐之後就番房繼續訓番。

打左個DO NOT DISTURB制就訓到十二點先再出發去皇宮。搭BTS去到河邊﹐見到隻船就落左去﹐又唔使買飛﹐後尾比華強鬧兩鬧﹐信心動遙上番去問人係唔係呢隻去大皇宮﹐哦﹐原來隔黎先係。

沿途經左幾個站先到大皇宮站﹐天氣好熱﹐因為皇宮唔比著短打﹐我著左條CHINO加件POLO﹐好熱﹐出晒汗。行左好耐都見唔到入口﹐反而對面臥佛寺就大開中門﹐此時有條友埋黎話大皇宮禮拜五有PRAYER MEETING﹐所以柵左﹐我有D懷疑條友吹水想點我去第二度玩﹐之後拒係禁介紹其他佛寺﹐我無理帶華強走入臥佛裡面﹐比左100匹體下。求其望兩望就出番去﹐門口體飛條友又懶熱心禁介紹其他地方﹐基本上同先前條友講既路線一樣﹐一定係同集團架喇。無野好體﹐唯有搭番隻艇番去BTS站。

搭BTS去到SIAM站落車﹐行經SIAM CENTER﹐SIAM DISCOVERY﹐係間LOFT度買左條底褲比快必同埋一個寫住BEST DAD既金像獎比松仔﹐之後再過左MBK行街買野﹐MBK我老母都去過﹐非常鐘意既一個商場﹐又平又多野食。華強都買左幾條褲﹐鞋﹐人記(妖)做SALES買鞋比華強。我就買左好多魷魚﹐椰子強。

之後我就同華強去左當年同老母食日本野既東急餐廳裡面進食﹐華叫蛋包飯﹐我叫鰻魚定食﹐9年前係禁,今次去都係禁﹐分別不大﹐真係非想之好既一間餐廳﹐兩個人食﹐飲埋野都係一舊水港銀落樓。之後去左超市買手信﹐溺住禁多野﹐搞到我好累﹐要番酒店了。

番到去再換泳褲﹐再游水﹐岩岩七點﹐都係無人游﹐玩左成個鐘。之後同華強落街行左個圈﹐稔住有夜市﹐點鬼知無﹐酒吧街就有條﹐好多女人走出黎拉客。夜晚再無食飯﹐有少少肚餓﹐早D訓第二朝早D起。