星期二

九點幾起身ALL C﹐刷牙之後自己搭三號小巴出尖嘴﹐行海防道過去體中醫﹐體下D皮膚﹐醫師叫我去北角買盒海鷗牌洗髮膏﹐我話唔使啦﹐可以去佐敦裕華買架嗎﹐體完之後﹐我就徒步行落去﹐經過德信小學﹐我行左上去望下﹐之後落番黎﹐經過恆豐﹐間野幾廾年都係禁﹐上個星期先係光影留情見到拒以前個樣﹐對面就係百樂門酒店﹐再過少少就係嘉利大廈﹐我望上去見到間齋鋪﹐我都唔係好敢行近。

終於到左裕華﹐體下個水牌﹐地牢先係家庭用品﹐所以就落左去喇﹐見到好多靚既海味﹐好多鮑魚﹐魚肚﹐海參﹐問下人有無個隻洗髮膏﹐真係有﹐真係藍色﹐我稔就係以前我亞爺用個D禁上下喇﹐買左罐﹐廾三蚊﹐之後就走喇﹐稔住行番過去文英樓搭小巴番屋企﹐但係行得去個度﹐不如過埋圓光﹐買黑面之神戲票喇﹐個商場無乜人﹐去到好快就買到飛﹐之後我就番歸了。

華強重要做野﹐十分勤力﹐我就話知你煮飯先﹐煎晒豬扒﹐食埋D咖喱﹐三點幾先一齊過去東窿買裙﹐體左IT﹐NIKE﹐MOSELLE試左條裙全紅色﹐紅得制﹐最後係BURBERRY買到條裙﹐之後就番奧海了﹐體左幾間女裝野﹐華強買左兩對鞋﹐係G2000買多件褸仔﹐擺番屋先﹐之後再過奧海同埋易玲體赤壁﹐一句講晒﹐要深度就無架喇﹐吳宇森讀過幾多書丫﹐要拍唔膚淺既野﹐都係要讀過下書先得既﹐你體套MI2拍到﹐費是講啦﹐講左好多次﹐一開場OK既﹐成套野老實講係唔悶既﹐不過你見到D主角要SOLO同D兵隻揪﹐三國無雙囉﹐幾好笑架﹐單挑﹐張飛成隻野獸禁﹐見人就撞﹐成日咆吼﹐差在無混條鐵鏈SOR住﹐要拒打先放拒出黎咬人﹐我稔起徐錦江係九品個樣。