實在無用中心

中一到中三既時候﹐因為我地學校無地方﹐所以係無工場做木工﹐金工既﹐所以學校安排我地去一個學校以外既地方到學﹐個地方名就叫實用教育中心啦﹐呢間野係樂富﹐我地逢禮拜三LUNCH後就會一齊搭車去個度﹐晏晝個餐多數係樂富個熟食中心搞點﹐我地成日食個間係越南大排當﹐我就食牛柳粒紅飯﹐味道OK啦。講番間中心﹐除左男丁學木工之外﹐女丁就會學家政﹐岩岩填FORM問我地要學乜既時候﹐我真係諗過學家政架﹐想學整野食丫嗎﹐不過最後都係怕比人笑﹐走去鬥木。