大哥

前兩晚同阿積傾開﹐發覺拒同我地菜家(我﹐菜詩﹐菜花)都真係幾岩傾。可能大家都差唔多年紀啦﹐廿歲頭﹐乜鬼都唔識﹐大情大性。禁拒就問左我一個問題﹐點解呢兩條友仔會係我個妹﹐而唔係我姨媽。我諗拒地都未必記得點解﹐D人又會諗緊係菜瀾條友追人唔到﹐就認人做妹囉。禁你就錯晒啦。我係青山出黎架嗎(日本個青山)﹐用常理諗我﹐痴線。禁我就講下點解啦﹐平時都費事解釋架啦﹐但係過程幾有趣。

先講阿花﹐當時十俠霍元甲都未出世﹐我就同阿花﹐黃董﹐啦你番且﹐REHEAT﹐阿姐﹐阿霸﹐阿莎去NY FLUSHING 玩﹐禁係架車到﹐就聽到中文電臺係到買廣告﹐係一個好舊既商臺廣告﹐內容係關於表哥同表妹既對話﹐拒地係講D鄉下話既﹐禁阿花就係到扮表妹﹐而我當然係扮演表哥啦﹐有句對白係話﹕表哥你唔好頂(點)我喎。經過呢次之後﹐我地就變成表哥﹐表妹﹐再之後簡稱哥同妹啦﹐重搞到邪釘長輝以為我地真係兄妹﹐拒話嘩越看越似喎。笑死。

而同阿餅娘呢﹐就係禁既﹐戲說當年﹐舊教會就要開門比樓下既﹐禁二樓有部對講機同樓下通訊既﹐禁有一次我就番到黎教會﹐噤鐘啦﹐好耐都無人黎接﹐後尾餅娘黎接﹐係到問我邊個呀﹖禁我平時都好鬼串家嗎﹐我就答﹐我係你大佬呀﹐落黎開門啦(斯文唔惡既語氣)﹐就係禁﹐多左個妹囉。餅娘應該都唔記得架啦。