爆竹一聲除舊﹐聽唔到個歲字

哈哈大家睇到既已經係我寫同一篇文章既第三稿﹐BLOGGER都算玩野﹐沉日壞壞地。我再講番禮拜五﹐我完成晒成個禮拜既工作之後﹐重有好多工作等緊我去做﹐下晝先去買汽車零件﹐但係要蛋﹐又無現貨又貴﹐所以唯有比逼放棄。後尾諗到不如買二手零件啦﹐去到個廢車場﹐都係過唔到自己個關﹐見到D車熔熔爛爛﹐唔知之前發生過咩事﹐幾平都假﹐唔好搞我。夜晚途經市中心﹐見到鬼禁多鬼佬﹐鬼禁多ART GALLERY開放比人參觀﹐D餐廳又係逼爆﹐好似年三十晚禁款﹐唔知咩事呢﹖其實鬼佬過年同中國人差唔多﹐鬼佬綁支聲誕樹係車頂﹐我地綁桃花之嗎。這個冬天不太冷﹐搞到鬼佬周圍行﹐成街人。

前幾晚好鬼夜訓﹐望下個鐘兩三點﹐又令我諗起以前番通宵空運個段日子。個間衰公司有一更係由星期一一早﹐番廿四小時之後先放工既。錢故然唔多﹐最慘係無得訓﹐我幾次係FAX房FAT FAT 下野係裡面訓著。我直頭囉埋拖鞋番工﹐D同事又鐘意聽電台鬼古﹐一唔係就講電話﹐好彩我乜都唔驚﹐自己一個人仍然行出行入去出面個廁所﹐行動自如。通常我地兩﹐三點就會落去食宵夜﹐之後番去執埋D手尾﹐我就會收工﹐搭通宵小巴落旺角﹐再轉小巴番歸﹐同車成班夜遊人﹐你都咪話唔好玩。我就實坐窗邊既﹐因為我實頂唔順訓著﹐之後就沿途頭撞波璃百幾次先番到屋企。諗番真係要感謝主﹐因為其實坐個D車訓覺好危險。係個間公司最大得益要算起識到我SUPERVISOR阿勤哥。我地番番下工有時拒會帶我出去見識見識﹐夜麻麻打的落佐敦﹐之後我地就去(唔洗心邪)NEWAY卡拉OK唱野﹐就係唱野之麻。聲色犬馬﹐夜夜唱哥。我最記得我去見工個時﹐個老細重問我介唔介意人食煙﹐我哈哈哈﹐之後話唔介囉。因為個間野D人99%都食﹐真係慘。我記得阿CREAM想當年都試過呢D禁既日子﹐唔知拒以家點睇呢。但係點都好﹐對於我呢D生活正常﹐不煙不酒齌可樂既人黎講﹐而D生活都係唔好搞我啦。