又要落定單

樂仔番去啦喎﹐又係我落單既時候啦。兩年前想買個件飛虎背心呢﹐我重好鐘意架喎﹐無人買到番黎呀﹐你幫我啦。拿﹐你去旺角廣華醫院個條街﹐即係家樂商場個條﹐附近有好多槍鋪﹐軍用店架﹐求其入間格下架啦﹐兩舊水港紙留下就岩數架啦。番黎馬必咪可以著住黑口黑面番去囉﹐坐二樓﹐D袋就裝滿晒野﹐電話呀﹐相機呀﹐筆呀﹐CD呀﹐FLASH DRIVE呀﹐然後完左著住去派報紙﹐你話幾型丫。

之後去埋信和地下個層﹐有幾間後生仔表鋪架﹐幫我整埋隻精工AIR PRO啦﹐波鞋唔使啦﹐夠著架啦。重有就係問下邊度有銀介指呀﹐HIP HOP鏈啦﹐想要D似CHROME HEARTS﹐有D童軍花個隻﹐即係好似PATRICK COX個D呢﹐你明架啦。當然唔好唔記得買一渣假APE番黎啦﹐淺色TEE呀﹐衛衣呀﹐APE STA 我著9號半﹐D衫買紅色﹐紫色啦﹐千其唔好買綠色迷彩喎﹐唔該。我地著左D人都以為係真架啦﹐都無乜所謂囉。

過海去銅鑼灣就幫我係老三陽買幾隻棕番黎啦﹐真係好好食架﹐金華火腿呀﹐鹹肉呀禁﹐拒好食在唔使落豉油架﹐拒晨早教晒味。正到爆呀﹐同我買十零廿隻啦。番到去當然唔小得要幫我探下D狗阿嫂同埋老死啦﹐禁你個兩個禮拜就應該做晒我D野同無晒自己私人時間架啦﹐番黎最多同你去玩SKULL患患過山車啦﹐好嗎﹖